Podcastak.eus – 86 orrialdea – Euskarazko podcastak biltzen dituen webgunea

#9 Podcastak.eus: Amarauna saioan esandakoak errepasatzen

Argitalpenaren egilea podcastak-(e)tik
Argitalpenaren data 2021/01/02
Ez dago iruzkinik#9 Podcastak.eus: Amarauna saioan esandakoak errepasatzen sarreran

Denbora luzearen ondoren, 9. saio honekin bueltatzen gara. Alde batetik, Aizu! AEKaren aldizkarian elkarrizketa egin didatela aipatzen dut, bete bestetik, Euskadi Irratian aipamena izan duela Podcastak.eus-ek. Igandeko Amarauna saioko Digi-atalean agertu gara zeharka bada ere, 2020k abenduaren 27an aireratu zen saioan. Horregatik, egoki iruditu zaigu solasaldi horretan podcast honen bidez parte hartzea.

Solasaldian Gorka Otaegi aurkezleak Oier Aranzabali elkarrizketa egiten dio podcastaren industriaren inguruan bereziki. Jorratzen diren gai nagusien artean egungo podcasten egoera eta batez ere monetizazioaren ingurukoak dira. Maite Goñi eta Joxe Rojasek ere beraien pintzeladak uzten dituzte, eta neu, atrebentziaz akaso, esandako zenbait konturen inguruan nire iritzia gehitzen dut.

Aireratu zen irratsaioa osorik esteka honetan duzue entzungai.

🎧 Entzun podcasta

Podcastak.eus podcastak: webgune honetako podcasta duzue. 2017ko abenduaren 3an abiatu da proiektu hau, bai webgunea baita podcasta bera ere. Proiektuaren helburu nagusia euskarazko podcastak bultzatzea da.

Podcastera harpidetu

Etiketak Amaurauna, Digi-atala, Euskadi Irratia, Gorka Otaegi, Joxe Rojas, Maite Goñi, Oier Aranzabal, solasaldia

Hodeia ez da existitzen

Hodeia ez da existitzen 02

Argitalpenaren egilea iametza-(e)tik
Argitalpenaren data 2020/12/30
Ez dago iruzkinikHodeia ez da existitzen 02 sarreran

Hodeia ez da existitzen saioaren bigarren atalean hilabeteko albisteez gain, Gorka Juliori egindako elkarrizketa izan dugu hizpide eta “10 Arrazoi zure Sare Sozialak ezabatzeko” liburuaren gainean aritu gara. Fikzioari eskainitako Noiz da Gero atalean, sarearen gaineko menpekotasunaz aritu gara, agian hain fikzioa ez den errealitateaz.

🎧 Entzun podcasta

Jatorrizko edukira joan

Hodeia ez da existitzen: Hilabetean behin zabalduko da Podcasta eta bertan teknologiaren inguruko albisteak, erreportajeak, elkarrizketak, liburu eta dokumental gomendioak eta fikzioak landuko dira, besteak beste. Helburua euskaraz sortutako dibulgazio saio bat egitea da, eztabaidak zabalduz eta eremu kualifikatuetatik urrundu asmoz.

Podcastera harpidetu

Makarrizketak

Amets Arzallus – Bertso sortez bi gogoeta

Argitalpenaren egilea Makarrizketak-(e)tik
Argitalpenaren data 2020/12/28
Ez dago iruzkinikAmets Arzallus – Bertso sortez bi gogoeta sarreran

Bertsolari aldizkariaren podcasta da Makarrizketak, eta laugarren atala Amets Arzallusen eskutik datorkigu: “bertsogintza ia erabat bat-bateko jardun gisa ulertzen den garai hauetan, bertso jarriek zer leku duten galde liteke. Zer leku duten baino gehiago, zer funtzio betetzen duten, eta funtzio horren araberako lekurik ba ote duten”.

🎧 Entzun podcasta

Jatorrizko edukira joan

Makarrizketak: Bertsolari aldizkaria, hedabide espezializatu eta nazionala. Paperean 1991etik, sarean 1999tik, eta uhinetan atzo goizetik. Makarrizketak – bertsolarien bakarrizketak.

Podcastera harpidetu

Argiaren podcastak

Fraternités Ouvrières-ko Gilbert: permakultura partitzea da: hobe zaborra jatea elkarrekin, bakarka ´bio´ baino"

Argitalpenaren egilea Argia-(e)tik
Argitalpenaren data 2020/12/24
Ez dago iruzkinikFraternités Ouvrières-ko Gilbert: permakultura partitzea da: hobe zaborra jatea elkarrekin, bakarka ´bio´ baino" sarreran

Fraternités Ouvrières Belgikako baratze obreroaren sortzailea da Gilbert Cardon, bere emaztearekin batera eraiki zuen proiektua 70eko hamarkadan. 2020ko azaroan hil berri da Cardon eta Pello Zubiriak bere esanak ekarri dizkigu aste honetan. Sindikalista ohiaren proiektua hiri-baratze batetik harago doa, permakultura oinarri, denok ondo jatea du helburu, naturari ere jaten emanaz, eta ahalik eta lan gutxien eginaz.

🎧 Entzun podcasta

Jatorrizko edukira joan

ARGIAren podcastak: ARGIAk astero kaleratuko ditu podcastak astekarian lantzen diren gaien inguruan.

Podcastera harpidetu

Argia Beranduegi

Beranduegi 1×16: Gabon zoriontsuak!

Argitalpenaren egilea Argia-(e)tik
Argitalpenaren data 2020/12/23

🎧 Entzun podcasta

Jatorrizko edukira joan

Beranduegi: Aktualitateko gaiak ironia demokratikoz lantzen dituen podcasta da Beranduegi. Ostegunero ARGIAren web orrialdean aurkituko duzue ordubete inguruko irratsaioa.

Podcastera harpidetu

Berria FM

Baimenik? Ez, eskerrik asko

Argitalpenaren egilea Berria-(e)tik
Argitalpenaren data 2020/12/23
Ez dago iruzkinikBaimenik? Ez, eskerrik asko sarreran

Urteko azken Berria FM saioan Galdakaora joan gara, Sormene sortzaileen plazan dagoen giroa arnastera. Bertan, J Martinako Kattalin Barcenarekin, Kai Nakaiekin eta Haizea eta Ningrarekin egin dugu solasaldia: zer den gazte eta euskaldun gisa sortzea, zer emakume bezala oholtza hartzea, zein garrantzia duen reggetoia, trapa, rapa eta hip hopa feminismotik kantatzea… Eremu librean dantzan arituko da Lohitzune eta Amaia Igartuarena da puntua.

🎧 Entzun podcasta

Jatorrizko edukira joan

Berria | Berria FM: BERRIA egunkariaren podcast feminista da Berria FM. Puri-purian dauden gaiei genero ikuspegitik heltzeko espazioa. Bi astetik behin, asteazkenetan patxadaz landuko dira gaiak, baina zorroztasunik ez zaio falta podcastari. Izan ere, saioa Maider Galardi F. Agirre kazetariak gidatuko badu ere, hainbat kolaboratzailek eta BERRIAko beste zenbait langilek ere parte hartuko dute bertan. Ahots askotako podcast feminista, horixe da Berria FM.

Podcastera harpidetu

Argiaren podcastak

Ikuspegi dekolonialetik ere salagarria da Black Friday izeneko kontsumo-orgia

Argitalpenaren egilea Argia-(e)tik
Argitalpenaren data 2020/12/22
Ez dago iruzkinikIkuspegi dekolonialetik ere salagarria da Black Friday izeneko kontsumo-orgia sarreran

Black Friday-rik ez litzateke bezperan ez balitz amerikarrek ospatzen duten Thanksgiving edo Esker Emate Egunik. Kapitalismoak bizirauteko ezinbestekoa duen muturreko kontsumoaren egun horri begiratzeaz gain, bezperakoari ere so egitea inportantea da. Ofizialki kolonoen eta amerindiarren arteko senidetasuna markatzeko unea baldin bada, errealitatean, bertako autoktonoen genozidioaren adibide historikoa dugu. Historia horren berri ematen dabiltza autoktonoak, Esker Emate Eguna 1970az geroztik Doluaren Eguna izendaturik. Europar zuri gisa ezagutu beharreko historia.

🎧 Entzun podcasta

Jatorrizko edukira joan

ARGIAren podcastak: ARGIAk astero kaleratuko ditu podcastak astekarian lantzen diren gaien inguruan.

Podcastera harpidetu

Makarrizketak

Oihana Bartra – BERTSGOL

Argitalpenaren egilea Makarrizketak-(e)tik
Argitalpenaren data 2020/12/21
Ez dago iruzkinikOihana Bartra – BERTSGOL sarreran

Bertsolari aldizkariaren podcasta da Makarrizketak, eta hirugarren atala Oihana Bartraren eskutik datorkigu… beno, eskutik edo oinetik. Gauza totxoez hitz egitera dator santutxuarra: FUTBOLA eta BERTSOLARITZA. Horrela, hizki larriz.

🎧 Entzun podcasta

Jatorrizko edukira joan

Makarrizketak: Bertsolari aldizkaria, hedabide espezializatu eta nazionala. Paperean 1991etik, sarean 1999tik, eta uhinetan atzo goizetik. Makarrizketak – bertsolarien bakarrizketak.

Podcastera harpidetu

Dunbala

Ahotseneaz hizketan Miren Narbaizarekin

Argitalpenaren egilea Berria-(e)tik
Argitalpenaren data 2020/12/18
Ez dago iruzkinikAhotseneaz hizketan Miren Narbaizarekin sarreran

Miren Narbaiza musikari eta Ahotseneako koordinatzailea izan da atal honetako gonbidatu nagusia. Amaitu berri den Durangoko Azokaren ezohiko ekitalditik ateratako ondorioez luze eta zabal mintzatu da. Horrez gain, Mikel Iraetaren eta Rafa Ruedaren lan berriak hizpide izan dituzte Jagoba Salvador eta Eneritz Furyak esatariek.

🎧 Entzun podcasta

Jatorrizko edukira joan

Berria | Dunbala: Badok ataria lemazain duela, euskal musikari begiratua ematen dio Dunbala ’podcast’-ak, Eneritz Furyak eta Jagoba Salvadorren gidaritzapean. Batzuetan azken argitalpenen eta kontzertuen amuari kosk egin eta gaur-gaurko albisteei irakurraldi berri bat eman, eta bestetan, euskal musikaren DNA osatu duten riff, lelo, irudi eta melodien bidez, iragana da gogora dakarrena. Itsaso zabal horretako doinu ezagun gogoangarriek eta oraindik ezezagun eta berri zaizkigunek gidatuko dute saioa.

Podcastera harpidetu

Argia Beranduegi

Beranduegi 1×15: Zezenak ezkerretik

Argitalpenaren egilea Argia-(e)tik
Argitalpenaren data 2020/12/17

🎧 Entzun podcasta

Jatorrizko edukira joan

Beranduegi: Aktualitateko gaiak ironia demokratikoz lantzen dituen podcasta da Beranduegi. Ostegunero ARGIAren web orrialdean aurkituko duzue ordubete inguruko irratsaioa.