Santi Cobosek gertutik ezagutu du espetxea, guztira 26 urte egin baititu preso. Zigor Oleaga ARGIAko kazetariak Cobos elkarrizketatzeko parada izan du eta astekarian argitaratu dugun erreportajean bildu du bere bizitza: hotzikara eragiten duen kartzela sistema demokratikoaren kronika. Baina bada borroka kolektibo baten historia ere, eta horretaz guztiaz hitz egin dugu podcast saio honetan.

Jatorrizko edukira joan

Ipar Itsasoa Brent deituriko petrolioaren iturri emankorra izan da azken 50 urtean, baina ia hasia da urritzen, eta laster, ‘Brent’ izena eraman dezake ingurumen arazo konpongaitz batek: iturriok agortutakoan, horiek ustiatzeko eraikitako egitura handiak nork eta zein preziotan desmuntatu. Itsasoan galduta dauden hormigoi puska hauez aritu gara Pello Zubiriarekin.

Jatorrizko edukira joan

Elkanoren mundu biraren urteurrena ari da zeresana ematen, ez soilik Euskal Herrian, Filipinetara begira jarri gara Axier Lopez ARGIAko kazetariarekin.

Eusko Jaurlaritzak, Gipuzkoako Aldundiak, EiTBk eta Espainiako Gobernuak diruz lagundutako Elkanoren mundu birari buruzko filma Filipinetan ez dela ongi etorria salatzen ari dira milaka lagun. Elkano eta Magallaesen espedizio armatuak Espainiako kolonialismoaren lehen mugarria ezarri zuen Filipinetan. Hango herritarrek ez dute ahaztu, umeentzako animaziozko filmaz mozorrotu badute ere.

Jatorrizko edukira joan

Eguberriak gainean ditugu eta baita aurtengo “Black Friday” eguna ere, multinazionalek hala erabakita azaroaren 29an hasiko da eguberrietako kontsumo eroa. Frantzian protesta eguna deitu du Attac mugimendu altermundistak eta Amazon jarri dute jomugan, ostirala beste zentzu batean belztu nahi diote multinazionalari.

Jatorrizko edukira joan

2019ko bigarren Espainiako hauteskunde orokorren biharamunean emaitzak mahaigainean jarri eta sakon aztertu dituzte Gorka Bereziartua eta Axier Lopez ARGIAko kazetariek. Euskal Herriko emaitzak alde batetik eta Espainiako estatu mailan gertatu dena bestetik.

Jatorrizko edukira joan

Ondasunen banaketa injustuaz eta herrialde aberatsenetan bizi garenok jokatzen dugun paperaz aritu gara aste honetan Pello Zubiriarekin. Sistemak egin gaitu konplize eta kontua ez da erruduna topatzea, baina ezin diogu ezikusia egin gure bizimodu oparoari eusteak beste herrialde batzuetan eragiten duen kalteari.

Jatorrizko edukira joan

Klima aldaketaren eraginak ditugu berriro hizpide ARGIAren zortzigarren podcast saioan, baina oraingoan ikuspegi baikorretik aritu da Pello Zubiria.

Zerk lotzen ditu Gales eta Uganda? Urteetako senidetzaz gain, Galesek Ugandako deforestazioari aurre egiteko bertan 10 milioi zuhaitz landatzeko abiatu duen ekimenak batzen ditu bi herrialdeak. Posible ote antzekorik Euskal Herrian?

Jatorrizko edukira joan

Geopolitikaz aritu gara aste honetako Net Hurbil saioan Pello Zubiriarekin. Zehazki, AEB Siriaren menpeko Kurdistanetik atera eta Turkia sartu izanaren atzean dagoena ekarri dugu mahai gainera. Munduko potentzia handienen xake partidan buru belarri dabiltza Erdogan, Putin, Assad eta Trump, eta inor ez da galtzaile aterako, baina oreka berriak lortu beharko dira.

Jatorrizko edukira joan

Gorka Bereziartua ARGIAko kazetariak idatzi du “Ez gara neutralak” liburua eta elkarrizketa egin diogu podcast saio honetan.

Bereziartuak azaldu digunez, liburu hau ez da hedabidearen historiari buruzko lan bat: azken hamarkadetan ARGIAn izandako bizipenak, ikuspegiak eta gauzak egiteko moduak esplikatzeko saiakera da, hedabide honen filosofia bereziari buruz lehen aldiz publikoki gogoeta egiteko ahalegina.

Jatorrizko edukira joan

Jacques Chirac lehendakari-ohiaren heriotzak estali du Paristik 80 kilometrora Rouen hirian gertatu den istripu kimiko izugarria: irailaren 26an autoentzako aditiboak ekoizten zituen Lubrizol konpainiaren usinak su hartu zuen, oso hurbil dauzkan hiritarrak ikaratu eta oraindik neurria hartu ez zaion kutsadura zabalduz inguruan. Kilometro askoko inguruko nekazariak harrapatu ditu kutsadurak: agintariek debekatu diete beren ekoizpenak kontsumitu edo merkaturatzea.

Jatorrizko edukira joan