Opor luzeen ostean, bueltan gara 2021 eder honi ekiteko. Berrikuntza askorekin gatoz gainera: Gorkaren hutsunea betetzeko bere bertsio surfer ez aktuala topatu dugu eta Iturgaitzek ere ekarpen intelektualak egiten jarraitzen du, beraz, Beranduegik badu bizirik jarraitzeko behar duena.

Jatorrizko edukira joan

Nola eman amaiera 2020 bezalako urte zoragarri bati? Ba gure estiloan, mihi puntan jartzen zaigun dena esanaz: Ikastolen eta eskola publikoaren arteko borroka libreaz, Olentzero eta Mari Domingi iraultzaileez, Ertzaintza prestatzen ari den reality showaz, eta beste hainbeste kontuz aritu gara. Baina, guk ere atsedena behar dugu, ideiak freskatu eta urtarrilaren 14an berrikuntzekin itzuliko gara. Ondo bukatu urtea!

Jatorrizko edukira joan

Probatu al duzue inoiz eskuineko begia itxi eta ezkerrekoarekin zezenketei begiratzen? Anduezak bai, eta deskubritu duena liburu batean bildu du, eta nola ez, eman digu zer esana. Koldo Lautellitu ere ekarri dugu gure tertuliara, nahiz eta berak ez duen libururik kaleratu, noski, nahiko lan du twitterren.

Jatorrizko edukira joan

Euskaraldiaren osteko zigarroa erretzen duzuen bitartean, entzun aste honetako Beranduegi podcasta. Oraingoan, nazioartetik iritsi zaigu notizia: Namibiako Hitlerrek bere auzoko hauteskundeak irabazi ditu, baina lasai, ez du mundua kontrolatzeko intentziorik. Eta eskerrak, gu biharamunarekin harrapatu baikaitu Euskaraldia eta Durangoko Azoka pasa berritan.

Jatorrizko edukira joan

Gaurko Beranduegi saioa Euskal Herriko Belarriprest transgeniko denentzat, baina bereziki, Otegirentzat. Eskertzen dugu zuen prestutasuna, podcast honek belarri asko behar ditu ahobiziak sobera ditugu eta, euskarak bezala. Eta badakizue ez garela ironia zaleak. Beraz, zuek entzun eta guk hitz egingo dugu!

Jatorrizko edukira joan

Euskaraldia bete-betean, paparrean txaparik ez ipintzeko arrazoi irmoez hitz egin dugu oraingoan, baita heavy musika egiten duten taldeez eta are astunagoak diren bestelako artistez, Gaztea Sarietarako hautagai zerrendari tiraka… edo tiroka. Nafarroara egingo dugun bidaiaz ere aritu gara, zeinak ez duen loturarik tabernak irekitzearekin, noski. Tabernak. Gure elkartasun osoa bereziki txarto pasatzen ari diren Batzokiei.

Jatorrizko edukira joan

Inork ez zigun esan Euskal Herrian espainol izatea zeinen nekeza den. Ba, entzun 90eko hamarkadan Kontxan izozki bat jatera ausartu ziren gazteen testigantza. Noski, jakina da beti izan garela intentso xamarrak herri honetan, Maia eta Euzkitze bezala. Guk ere ortzimugan dabiltzan izurdeengan pentsatuz, ezerezera begira egin dugu saioa. Poesia hutsa, betiko lez.

Jatorrizko edukira joan

Beranduegiren hamargarren saioa baliatu dugu gure ereserki proposamena egiteko: hemendik aurrera, Eusko Gudariak kantatu ordez, Gernika koka kola abestuko dugu Euskaltzaindiak zerbait egiten duen bakoitzean. Baina egun horretatik geroz eta hurbilago egon arren, urrun gaude oraindik, eta bien bitartean, ziklismoaz, ETBren biraketa kulturalaz eta Iñarrituren hitzei esker amaitu diren gerrez arituko gara; gure estiloan, ezer asko jakin gabe, jardunean.

Jatorrizko edukira joan

Saio guztiz kulturala da aste honetakoa: Argiñañoren pasarte biziki gozoak, Arzallusen historia klase musikatua, Markeztarren abizenaren zama, fikziozko telesailen gomendioak… Eta garrantzitsuena: Juan Karlos Izagirre kultur hiriburuko alkate ohiaren bisita, laburra bezain emankorra.

Jatorrizko edukira joan

Korrikaren ausentziak utzitako euskal emozioen pilaketa kontrolatzera dator aurtengo EITB maratoia, kiloka azukre errimatu hartuta. Baina hainbeste goxotasun eta maitasunekin, zer egingo dugu poligorrotoan bizi garenok? Eskerrak, behintzat, eskola zaharreko positiboak azaltzen hasi zaizkigun: txirrindulariak.

Jatorrizko edukira joan