Beranduegi: Aktualitateko gaiak ironia demokratikoz lantzen dituen podcasta da Beranduegi. Ostegunero ARGIAren web orrialdean aurkituko duzue ordubete inguruko irratsaioa.
Mario Draghi Romulo eta Remo baino erromatarragoa da. Hain da erromatarra, Roma Futbol Taldeko jarraitzaile amorratua dela. “Francesco Totti betirako”, esan zuen duela lau urte, Romako kapitaina erretiratu zenean. Hori da Draghik bere zaletasunei buruz egin duen adierazpen bakarra. Draghi Erroma erdigunean jaio zen eta hamabost urterekin gurasoak galdu zituen oso tarte gutxirekin. Familiaren buru bilakatu zen orduan, eta anai-arreba txikiak zaindu zituen. Jokabide paternalista eta mesianiko horrek bizitza guztian jarraitu dio. “Familia salbatu nuen, euroa ere bai. Orain Italiaren txanda da”, pentsatuko du agian.
Berria | Zaitun: Zerutik begiratuta, tanto berdeak dirudite. Olibondoak Mediterraneoko paisaia, Italiatik Palestinara, janzten duten milurteko zuhaitzak dira. “Gure arbolek hitz egingo balute…”, esan zidan behin emakume palestinar batek. Historiaren testigu mutuak direla pentsatuko dute askok, baina haien fruituek, olibek, hizkuntza unibertsala hitz egiten dute. Horregatik, Zaitun deitu diogu Podcast honi. Oliba esateko arabierara jo dugu, erroetara. Bi astetik behin Mediterraneoko txoko desberdinetako kontuak hurbilduko dizkizuegu. Istorio batzuk, Italiako nondik-norako politikoei buruz. Beste batzuk, berriz, ahanzturara kondenatuak diruditen errefuxiatuen inguruan. Denak oliba zukuaren gustu fresko eta, zergatik ez, mikatzarekin.
Iazko azaroaren 26an ukan genuen Indiako laborarien aldarrikapenaren berri, 250 milioi laborari eta langilek jarraituriko greba historikoari esker: Indiako Parlamentuak bozkaturiko laborantzaren liberalizaziorik ez dute nahi. Egun horretan abiatu zuten New Delhi inguruko kanpamentua 250.000 bat nekazarik, hiribururako zortzi sarrerak blokeatuz. Urtarrilaren 26an, urrats bat gehiago eman eta hiriburuaren bihotzera sartu ziren, otsailaren 1erako parlamentua zutelarik helburu. Determinaturik dira, eta egunez egun, geroz eta herritar gehiago batzen zaizkie.
ARGIAren podcastak: ARGIAk astero kaleratuko ditu podcastak astekarian lantzen diren gaien inguruan.
Mikel Urdangarinek kantatu berri du izurdeen itzulera kostaldera, nola, pandemiaren geldialdia profitatuz, hurreratu diren lotsagabe. New Yorken antzeko zerbait gertatu da, baina, baleekin. Balea konkordunak ikusi dituzte abenduaren bukaeran Askatasunaren Irudiaren bueltan, uger egiten. Duela bospasei urte ikusi zituzten lehenak, aspaldiko kroniketan agertu bai baina gero kutsaduragatik desagertu ziren balea handi horiek.
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
– WhatsAppek gure mugikorrean instalatuak ditugun aplikazioak ikusi eta betoa ezarri nahi du. Bere aplikazioarekin lotura duten WhatsApp Plus eta GB WhatsApp APP-ak lokalizatzen baditu, gure profila ezabatzeko mehatxua egin du mezularitza zerbitzuak.
– Xiaomik bere mugikor berriaren prototipoa aurkeztu du. Botoirik, zulorik eta ertzik gabeko mugikorra.
– Clubhouse sare sozial berria aztertu dugu. Audioarekin funtzionatzen duena. Irratsaio tradizional baten antzeko zerbait sortzeko balio duena.
– Zorionak Euskal Encondingseko kideei Interneteko Argia saria irabazteagatik.
Xabildua Podcast:Â Teknologia albisteen astekaria. Egunero, esku artean erabiltzen dugun teknologia hori hobeto ulertzeko podcasta.
2021eko denboraldiari berrekin aurretik, Jon Barrenetxea (CJR) ekarri dugu gurera. Horretaz gain Tom Dumoulinen (TJV) “gero arte” edo “agurra”, munduko ziklo-kros txapelketa eta errepideko berriak denboraldi hastapen honetan entzungai Imanol (@imanolllucia), Eneko (@egarate) eta Egoitzen (@elizaso) eskutik.
Tropela podcastak: Tropela.eus webgune ezaguneko arduradunek txirrindularitzaren inguruan ekoizten dituzten podcastak. 2010an hasi ziren podcastak ekoizten eta egun 200 argitalpenetik gora dituzte.
2021eko uda aurretik bere populazioaren zati handi bat txertatuta eduki dezake Kubak COVID-19aren kontra, jadanik proba klinikoen 2. fasean sartuta daukan ‘Soberana 02’ txerto publiko eta nazionalak bere bidea normaltasunez burutzekotan. Horrekin lezio berri bat emana izango dio munduari: herrialde txiki batek nola zaintzen duen bere osasun burujabetza.
ARGIAren podcastak: ARGIAk astero kaleratuko ditu podcastak astekarian lantzen diren gaien inguruan.
Alaba azkena izan da lagunen artean mugikorra izaten. Orain arte eutsi diogu baina aurtengo Gabonetan ezin izan diogu esan Olertzerori ez ekartzeko. Ume guztiak dabiltza mugikorrarekin. Ez dituzte edonolako telefonoak gainera. Marka onak eta azken modeloak. Nonbait guk ez dugun maila umeei eskaini nahian gabiltza gurasoak.
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
Olatz Salvador izan da atal berriaren protagonista. ‘Aho uhal’ diskoa plazaratu berri du kantari donostiarrak eta horri buruz aritu da solasean Jagoba Salvador eta Eneritz Furyakekin. Horrez gain, Grises taldearen “Galdu arte” abestia eta Mursegok ‘Akelarre’ filmerako egindako musika izan dituzte hizpide, besteak beste.
Berria | Dunbala: Badok ataria lemazain duela, euskal musikari begiratua ematen dio Dunbala ’podcast’-ak, Eneritz Furyak eta Jagoba Salvadorren gidaritzapean. Batzuetan azken argitalpenen eta kontzertuen amuari kosk egin eta gaur-gaurko albisteei irakurraldi berri bat eman, eta bestetan, euskal musikaren DNA osatu duten riff, lelo, irudi eta melodien bidez, iragana da gogora dakarrena. Itsaso zabal horretako doinu ezagun gogoangarriek eta oraindik ezezagun eta berri zaizkigunek gidatuko dute saioa.
Ekaitz Cancela kazetariari elkarrizketa interesgarria egin diogu, kapitalismoak eta teknologia digitalek duten harremanaren gainean.
Hodeia ez da existitzen: Hilabetean behin zabalduko da Podcasta eta bertan teknologiaren inguruko albisteak, erreportajeak, elkarrizketak, liburu eta dokumental gomendioak eta fikzioak landuko dira, besteak beste. Helburua euskaraz sortutako dibulgazio saio bat egitea da, eztabaidak zabalduz eta eremu kualifikatuetatik urrundu asmoz.