Madrilen askatasunaren alde eta Sanchezen gobernu komunistaren aurka egin dituzten protestak aztertzen hasi, kulturako diru laguntzen loteriarekin jarraitu eta gizarteari inolako ekarpenik egiten ez dioten alferrikako jarduerez hitz egin dugu Oasiko Kronikak irratsaioaren bederatzigarren saio honetan. Alferrikako jarduera hauek laugarren fasetik aurrera jarriko dira martxan eta Julian Iantzi oso kontent omen dago.
Aurrekoetan bezala, tertuliaz gain, dozena erdi atal gehiagok osatu dute emankizuna: Albisteak, Teoren abenturak eta kalentura, Aita ernegatua, Erantzungailua: Nor izango da koronabirusaren hurrengo biktima?, eta Ruper Ordorikaren kanta hautatua.
Gogoratu, bestalde, Telegram kanala ere sortu dute irratsaioko kideek. Apurka-apurka podcastaren ildo editorialarekin bat datorren edukia zabalduko dute bertan, nahi duen ororentzat aho-gozagarri.
🎧 Entzun podcasta
ARGIAren podcastak: ARGIAk astero kaleratuko ditu podcastak astekarian lantzen diren gaien inguruan.
Podcastera harpidetu
