![[Ilunabar Aldea] Zazpi Frekuentzia – Bigarren instantzia: Durangoko Azokan 1 (AtopiaRPG)](/app/uploads/2019/12/Zazpi-Frekuentzia-3-500x190.png)
Zerbait ez dabil ondo. Batere ondo.
Frekuentziak ez dira duela bi urte bezain garbiak. Biztanleria ez dago lehen bezain pozik.
Kutsadura-arrastoak azaltzen hasi dira han-hemenka. STMA eta Marxialisten Frekuentzien artean Butroi-tunelak aurkitu ditu Elkartel-ek.
Lur4a eta Ikus(t)ezinak sabotaje-ekintzak elkarri leporatzen hasi dira. Mundu guztiak egozten die errua Agentziari eta lerratu gabekoei, eta piratek artean uko egin diote frekuentzia bakarrean bizitzeari.
Agentziak, halere, badaki hauek ez direla Zazpi Frekuentzien funtzionamendu-arazoen erantzuleak. Beste norbait, beste zerbait dago honen atzean.
Rolkast saio honetan Durangoko Azokako Kabi@ gunean jokatutako Zazpi Frekuentzia partida eskainiko dizuegu, bi ataletan bereizita.
Eskerrak eman nahi dizkiogu Iñigo Sendinori, zuzeneko saioko kontu teknikoez arduratzeagatik.
🎧 Entzun podcasta
Gramofonoa | etzi.pm: Etzi izan nahi duguna gaur eztabaidatzeko tresna Itsas nabigazioaren oinarrietako bat beti izan da aurreikuspenak egin eta ezezagunak diren itsas bideetan barrena nabigatzea, batzuetan aberastasunak, lurralde edo bide berriak aurkitu asmoz eta beste askotan ezezaguna zaigun horretan etorkizun hobeak bilatu eta eraikitzeko. Gaur egun ordea, dena ezaguna dela iruditzen zaigun garai hauetan, zeinetan batzuk ia historiaren amaiera aldarrikatu duten, etorkizun hobe edo ezberdinen bila ekiteko grina lausotu zaigu, eta horrekin batera etorkizuna helburu, aurreikuspenak egiteko gaitasuna. etzi.pm etorkizunak eraikitzeko bidean nabigatzeko tresna izateko asmoarekin jaio zen eta gramofonoa, teknologia eta jendarte gaiak uztartuz, etorkizun horiek hedatzeko.
Podcastera harpidetu
