Egilea: Tropela Elkartea

Ibanek (@piban) eta Egoitzek (@elizaso) 2017ko BinckBank Tour lasterketaren podcast hau grabatu dute. Bertan nola Eneco Tour bezala ezaguna zen lasterketa aurten BinckBank Tour izenez lehiatuko dela kontatzen dute. Tropelan estreneko aldia izango da lasterketa hau jokoan izango dena. Bi solaskideek beraien iritzia ematen dute.

Jatorrizko edukira joan

Podcast hau Iban Hernandezek (@piban), Eneko Garatek (@egarate) eta Egoitz Lizasok (@elizaso) grabatu dute. Bertan aurtengo ibilbidea luzeagoa (231km) eta mendate puntuagarriago gehiago baditu ere, azken edizioetakoa bezalakoa dela diote. Kinielari ere errepasoa ematen diote, baina oraindik zerrenda behin-behinekoa denez, izen propioak baino kinielak egiteko irizpideak ematen dituzte.

Argazkia: Tim de Waele

Jatorrizko edukira joan

Iban (@piban) arduratu da 2017ko Frantziako Tourreko 21. etaparen inguruko mini podcast hau grabatzeaz. Etapa garaile Groenewegen (TLJ) izan da. Horretaz gain sailkapen nagusia nola geratu den kontatzen digu: Froome (SKY) garaile, Uran (CDT) bigarren eta Bardet (ALM) hirugarren.

Gainontzeko sailkapenei begira, Matthews (SUN) izan da erregulartasunaren jabe, mendikoa Barguil (SUN) taldekideak eraman du, gazteena Simon Yatesek (ORS) eta taldekakoa SKY taldeak.

Euskaldunei dagokionez lehena Mikel Landa (SKY) izan da, podiumetik segundo bakarrera geratu dena.

Jatorrizko edukira joan

Egoitz (@elizaso) arduratu da 2017ko Frantziako Tourreko 20. etaparen inguruko mini podcast hau grabatzeaz. Bertan sailkapen nagusiko lehen hiru postuak erabakitzeko zeuden, nahiz eta Froomek (SKY) alde zuen erlojupekoa, hiruak 29 segundoren barruan zeuden. Azkenean Froomek ez du hutsik egin eta aurtengo Tourra ere irabaziko du. Baina Bardetek (ALM) gain behera egin du eta bigarren postua galtzeko zoriaz izateaz gain, ia podiumetik kanpo geratu da. Segundo bakar bat izan du alde Mikel Landaren (SKY) kaltetan. Murgiarrak erlojupeko ona eginda podiumerako atarian geratu da. Azpi-txapelduna Uran (CDT) izango da.

Bodnar (BOH) izan da garailea eta bere taldearentzan bigarren etapa garaipena izan dela kontatzen digu Egoitzek.

Jatorrizko edukira joan

Iban (@piban) arduratu da 2017ko Frantziako Tourreko 19. etaparen mini podcast hau grabatzeaz. Bertan gaur ihesaldiak 10 minututik gorako errentarekin iritsi dela kontatzen digu esprinterren taldeek lanik egin ez dutelako. Hala eta guztiz ere, hauen artean aurrera eginda gizon azkar bat nagusitu da, Boasson Hagen (DDD). Biharko bakarkako erlojupekoaren bezperan aldaketarik ez sailkapen nagusian eta Froome (SKY) da lider.

Jatorrizko edukira joan

Iban (@piban) arduratu da 2017ko Frantziako Tourreko 18. etaparen mini podcast hau grabatzeaz. Bertan nola beste behin Sunweb taldeak etapa garaipena lortu duela Barguilekin. Frantziarrak mendiko maillota ere bereganatu du Tour honetan. Sailkapen nagusian Aru (AST) izan da denbora galdu duena Mikel Landaren (SKY) mesedetan. Froomek (SKY) jarraitzen du lider larunbateko erlojupekoan erabakiko den Tour honetan.

Jatorrizko edukira joan

Iban (@piban) arduratu da 2017ko Frantziako Tourreko 17. etaparen mini podcast hau grabatzeaz. Bertan nola ihesaldiko indartsuena Roglic (TLJ) izan den eta faboritoen artean indartsuen Froome (SKY), Mikel Landa (SKY), Bardet (ALM) eta Uran (CDT) izan direla kontatzen du. Kittelek (QST) etxerako bidea hartu behar izan du erori ondoren eta orain Matthews (SUN) da lider berria erregulartasunaren sailkapenean.

Jatorrizko edukira joan

Egoitz (@elizaso) arduratu da 2017ko Frantziako Tourreko 16. etaparen mini podcast hau prestatzeaz. Etapa lasaia behar zuenak interesgarri suertatu da izan ere Sunweb taldeak lasterketa hankaz gora jarri du eta bere esprinterrak, Matthewsek (SUN), maillot berdearen lehian puntuak biltzeaz gain, etapa garaipena lortu du. Sailkapen nagusian ere aldaketak izan dira azken kilometroetan sortutako haize babesen ondorioz.

Egoitzek gogora ekartzen du nola Tropela Elkarteak 4 urtetan OCETArekin elkarlanean aritu ondoren harremanak eten egin direla.

Jatorrizko edukira joan

Egoitz (@elizaso) arduratu da 2017ko Frantziako Tourreko 15. etapako mini podcast hau grabatzeaz. Bertan erdi mailako mendateak zituen etapan izandako gorabeherak kontatzen ditu: Froomen (SKY) matxura, AG2R taldearen saiakera, Quintanaren (MOV) ezina, Barguilen (SUN) joa mendiko puntuak jasotzeko, baita taldekide den Matthewsena (SUN) ere maillot berdearen lehian,… eta nola ez, Mollemaren (TFS) erasoa eta etapa garaipena.

Jatorrizko edukira joan

Iban (@piban) arduratu da 2017ko Frantziako Tourreko 14. etaparen mini podcast hau grabatzeaz. Gaurko etapak 500 metroko igoera zuen eta Matthews (SUN) izan da azkarrena. Froome (SKY) aurrean kokatua iritsi da, baina aldiz Aru (AST) atzeratuagoa. Ondorioz SKYko buruak berriro ere lasterketako lidergoa berreskuratu du.

Jatorrizko edukira joan