Ikus-entzunezko industrian lanean diren andreekin osatu dugu 20. podcasta. Tessa Andonegi aktoreak Hemen proiektua aurkeztu du elkarrizketan, eta eremu horretan lanean ari diren andreen egoeraz eta bizi dituzten oztopoez gogoeta egin du. Bestalde, emakume izateaz gain, gazte ere badiren hiru andreek eman dute industriaren gaineko beren iritzia: Jone Laspiur aktoreak, Ainhoa Gutierrez zuzendariak eta Maren Gonzalez programatzaileak. Lohitzuneren umore tartea eta Nagore Arinen puntua ere badira saioan.
🎧 Entzun podcasta
Berria | Berria FM: BERRIA egunkariaren podcast feminista da Berria FM. Puri-purian dauden gaiei genero ikuspegitik heltzeko espazioa. Bi astetik behin, asteazkenetan patxadaz landuko dira gaiak, baina zorroztasunik ez zaio falta podcastari. Izan ere, saioa Maider Galardi F. Agirre kazetariak gidatuko badu ere, hainbat kolaboratzailek eta BERRIAko beste zenbait langilek ere parte hartuko dute bertan. Ahots askotako podcast feminista, horixe da Berria FM.
Podcastera harpidetu
