Astelehena, hilak 8. New York sartu da lehen fasean hiru hilabete eta gero. Kostata baina iritsi da eguna. Eta alkateak bertan behera utzi du George Floyd- en hilketaren ondorioz ezarri zuen etxeratze-agindua. Bi astez luzatu dira protestak.
Izan ere, jendea nazka eginda dago. Zenbat afroamerikar hil diren poliziaren eskuetan, debalde. Floyd ez da lehena izan. Luzea da katea. Gainera, Covid 19-aren krisiak areagotu egin du amorrua
🎧 Entzun podcasta
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
Podcastera harpidetu
