Kategoria: Podcastak

Ondo irakurri duzu. Hurrengo larunbatean, martxoaren 17an, Milano-Sanremo klasiko famatua Tropelak eskainiko duen zuzeneko streaming bidezko saioan jarraitu ahal izango duzue. Saioari arratsaldeko 15:15etan ekingo diogu (gogoratu lasterketa 17:00ak aldera amaituko dela antolakuntzaren arabera).

Nola entzun dezaket saioa?

Saioa jarraitzeko aukera ezberdinak izango dituzue eta ondoren azaltzen dizkizuegu:

1. Web bidez

Tropela.net webgunearen sarreran jarriko dugu erreproduzitzaile bat eta bertan ‘play’ emanda jarraitu ahal izango duzue.

2. Mugikor edo tableta bidez

Mugikor edota tabletatako nabigatzaileek normalean ez dute mota honetako erreproduktorerik errekonozitzen, beraz, beste aplikazio batzuren beharra dago. Lasai, hemen azaltzen dizkizuegu aukera ezberdinak.

2.1. Android gailuetan

Android sistema eragilea duen gailu bat baduzue, Winamp aplikazioa gomendatzen dizuegu.

‘SHOUTcast’ botoiari eman eta ondoren URLa jartzeko eskatuko dizue. Jarri beharrekoa ‘http://giss.tv:8000/tropela.mp3‘ izango duzue.

Erreproduzitzeko aukerari eman beharko diozue entzuteko, baina gogoan izan larunbata 15:15a bitartean ez zaizuea konektatutko ez baikara emisioarekin hasiko ordura arte.

2.2 iPhone/iPod touch/iPad gailuetan

iOS sistema eragilea duen gailu bat baduzu, Fstream da behar duzun aplikazioa. Aplikazioa jaisteko egin klik hemen.

Aplikazioa irekitakoan, menuko ‘Favorites’ aukerari eman.

pantaila berri honetan ‘Add new webradio’ aukerako gurutze berdeari eman eta ondorengo lehio hau agertuko zaizu:

Izenean nahi duzun izena jar dezakezu, adibidez ‘Tropela’. Garrantzizkoena URLan jarri beharrekoa da: ‘http://giss.tv:8000/tropela.mp3‘.

Gogoratu martxoaren 17 arratsaldeko 15:15ak iritsi artean ezingo duzuela ezer entzun konexiorik ez baita izango.

Aukera hauekin ez duzue zertan ordenagailu aurrean izan irratsaioa jarraitzeko. Xehetasun gehiago ematen joango gara astean zehar. Ea esperimentu berri hau gustuko duzuen!

Jatorrizko edukira joan

Iban Perez (@piban), Iosu Garate (@iosugarate) eta Egoitz Lizasok (@elizaso) Paris-Niza 2012aren inguruan grabatutako podcasta duzue hemen. Podcast honetan lasterketaren ibilbideari so egiten diote eta nola ez, Tropelako kinielako txirrindulariei begira, gerta daitekeenaren inguruan azterketa egiten dute.

Aurreko podcastak hemen dituzu.

Jatorrizko edukira joan

Eneko Garate (@egarate), Axier Sukia (@sukigalp) eta Egoitz Lizaso (@elizaso) Contador auziaren inguruko epaiaz aritu dira podcast berri honetan. Dakizuen bezala astelehenean egin zen publiko zigorra eta atzo prentsaren aurrean agertu zen Contador Riis aldamenean zuela.

Prozesua denbora luzez luzatu da azken epaia jakin den arte. Alegaziorik ezean, abuztuaren 6an itzul daiteke lehiaketara Contador. Errudun epaitzen bazuten txirrindularitza uzteko aukeraren berri ere eman zuen, baina prentsaren aurrean argi utzi du ez duela utziko.

Gaiak iritzi asko sortu ditu. Justua izan al da epaia? Errugabea al da? Zertan oinarritu dira zigortzeko? Hauek eta galdera gehiago podcastean.

Aurreko podcastak hemen dituzu.

Jatorrizko edukira joan