Kategoria: Tropela Podcastak

Alpeetako azken etapa eta 2019ko Frantziako Tourreko azken etapa erabakigarriaren laburpena egiten digu Egoitz Lizasok (@elizaso) podcast honetan.

59 km-ra laburtutako 20. etapa hau behintzat ospatzeko moduan izan da eta indartsuena Nibali (TBM) izan da etapa garaipena eramanez. Tourra, aldiz, Bernalek (INS) eramango du etapa garaipenik lortu ez arren. Bigarren Thomas (INS) taldekidea izango da eta hirugarren Kruijswijk (TJV) herbeheretarra Alaphilippek (DQT) helmugan 3 minutu galdu ondoren.

Bihar 21. eta azken etapa izango da Tourrean, 21:00ak aldera amaitzea espero den etapa.

Jatorrizko edukira joan

Gaurko 2019ko Frantziako Tourreko 19. etapa benetan berezia izan da. Faboritoak sailkapen nagusia iraultzeko lehian zebiltzala, helmugarako 30 kilometroren faltan eta azken igoerari ekin aurretik etapa neutralizatzea erabaki du antolakuntzak eguraldi traketsak ibilbideak guztiz erabili ezinda utzi baititu. Etapako garailerik ez gaur baina bai lider berria: Bernal (INS).

Etapa berezia izanik, podcast honetan guztiaz aritzeko Imanol Llucia (@imanolllucia) eta Egoitz Lizaso (@elizaso) bildu dira.

Jatorrizko edukira joan

Alpeetako lehen etapa izan da 2019ko Frantziako Tourreko 18. etapa. Bertan ihesaldi jendetsua osatu da, izen handiekin. Bazirudien Movistarrek lasterketa irauli nahi zuela, baina ez du horrelakorik egin. Edonola ere Quintanak (MOV) ihesaldian sartuta etapa garaipena lortu du eta sailkapen nagusiko lehen 10 postuetan sartzea Mikel Landaren (MOV) aurretik. Alaphilippek (DQT) ahultasun zantzuak erakutsi baditu ere, lider jarraitzen du.

Bihar Alpeetako bigarren etapa, motzagoa, eta arerioek Tour hau irabazi nahi badute Alaphilippe estu hartu beharra dute. Hau guztia eta gehiago kontatzen digu Egoitz Lizasok (@elizaso) podcast honetan.

Jatorrizko edukira joan

Alpeetako etapei aurre egin aurretik esprinterrek azken aukera izan dute gaurko 16. etapan 2019ko Frantziako Tourrean. Bertan azkarrena Ewan (LTS) izan da eta horrenbeste australiarrak bi etapa garaipen lortu ditu. Sailkapen nagusian Alaphilippek (DQT) jarraitzen du lider.

Gaurko ezbeharrik esanguratsuena Fuglsangek (AST) erorikoa izan eta lasterketa utzi beharrean izan dela da. Tropelan %63,2ak du.

Hau guztia eta hurrengo etapak eman dezakeenaz Egoitz Lizaso (@elizaso) aritzen zaigu podcast honetan.

Jatorrizko edukira joan

2019ko Frantziako Tourrak Pirinioei agur esan die 15. etaparekin eta atseden hartzea tokatu zaie txirrindulariei Nimesen azken asteari ekin aurretik.

Ihesaldiko indartsuena izanda, Simon Yatesek (MTS) bere bigarren etapa garaipena lortu zuen. Bigarren Pinot (GFC) indartsu bat eta hirugarren ikuskizuna emateko prest dagoen Mikel Landa (MOV) bat ikusi ditugu. Hori bai, Alaphilippek (DQT) denbora galdu badu ere, lidergoari eusteko moduan izan da.

Hau guztia eta biharko 16. etapak eman dezakeenaz mintzo da Egoitz Lizaso (@elizaso) podcast honetan.

Jatorrizko edukira joan

Tourmaleten amaitu da 2019ko Frantziako Tourreko 14. etapa. Etapa garrantzitsuak aurkariak zein indarrez aurkitzen diren ikusteko, zalantzarik gabe. Bertan besoak altxa dituena Pinot (GFC) izan da Gaudi taldekideak jarritako erritmo gogorrari errematea emanez. Bigarren, ordea, Alaphilippe (DQT) sailkatu da eta lidergoa sendotzen jarraitzen du.

Etapa honetaz eta 15. etapak eman dezakeenaz Egoitz Lizasok (@elizaso) grabatutako audioa hemen duzue entzungai.

Jatorrizko edukira joan

2019ko Frantziako Tourreko 13. etapari errepasoa egiten dion podcasta duzue hau. Iban Perezek (@piban) kontatzen digu nola ezustean Alaphilippek (DQT) etapa garaipena eta lidergoa lortu zituen. Ondorioz Tour hau irabazteko hautagai bihurtu da. Bigarren Thomas (INS) izan da eta hirugarren De Gendt (LTS).

Lasterketa jada Pirinioetan da. 14. etapa Tourmaleten izango da eta eman dezakeenaren aurre analisia ere egiten du Ibanek.

Jatorrizko edukira joan

2019ko Frantziako Tourreko 12. etapan 40 laguneko ihesaldiak izan du protagonismoa. Pirinioetako lehen etapan, 40 hauetatik indartsuenak Pello Bilbao (AST), Simon Yates (MTS) eta Mühlberger (BOH) izan dira. Azken metroetan azkarrena Yates izan da eta berak eraman du etapa Pello Bilbao bigarren izan delarik. Sailkapen nagusian aldaketarik ez eta Alaphillipek (DQT) jarraitzen du lider.

Bihar erlojupekoa izango dute eta gaurko etapak emandakoa zein biharkoan espero dezakegunaz hitz egiten digu Iban Perezek (@piban) podcast honetan.

Jatorrizko edukira joan

2019ko Frantziako Tourreko 10. eta 11. etapei errepasoa egiten die Egoitz Lizasok (@elizaso) podcast honetan. Cofidis eta Wanty bi egun hauetan izandako ihesaldietan protagonista izan direla kontatzen du, baina etapa garaipenak esprinterrek lortu dituztela: Van Aertek (TJV) eta Ewanek (LTS).

Gertakarien artean asteleheneko etapan, 10. etapan, nola haize babesak zenbait faborito moztuta utzi zituen kontatzen digu ia minututik gora galduz, eta nola ez, Mikel Landak (MOV) Barguilekin (PCB) izandako ezbeharra, 2 minututik gora galtzea eragin baitzion.

Jatorrizko edukira joan