Kategoria: Tropela Podcastak

Gaurko Espainiako Vueltako 7. etapan faboritoak izan dira protagonista. Aurtengo Vuelta honetako lau indartsuenak Valverde (MOV), Roglic (TJV), Lopez (AST) eta Quintana (MOV) argi geratu da. Murtziarra izan da etapa garaipena lortu duena baina berriro ere Lopez jantziko da gorriz Teunsek (TBM) aurreko mendatean ezin izan baitio Movistarrek ezarritako erritmoari eutsi.

Etapan ihesaldia osatu da eta bertan etekina ateratzeko gai izan den bakarra Sergio Henao (UAD) izan da mendiko puntu gehien bilduta sailkapenean bigarren jarri baita.

Hau, biharko etapak eman dezakeena eta gehiago kontatzen digu Egoitz Lizasok (@elizaso) podcast honetan.

Podcastera harpidetu

Jatorrizko edukira joan

Atzoko Espainiako Vueltako 6. etapan protagonista ihesaldia izan zen. Etapa garaipena lortu zuena Jesus Herrada (COF) izan zen. Iheskide izan zen eta bigarren sailkatu zen Teuns (TBM), berriz, lortutako errentari esker lasterketako lider berria da.

Alde mingotsa Uran (EF1), Carthy (EF1), Roche (SUN) eta Victor De la Parte (CPT), orain arte sailkapen nagusian lehen euskalduna genuena, eroriko baten ondorioz lasterketa utzi beharrean izan ziren. Gaur jakin dugunez Formolok (BOH) ere ez du irteera hartuko.

Hau eta gehiago kontatzen digu Iban Perezek (@piban) podcast berri honetan

Podcastera harpidetu

Jatorrizko edukira joan

Ihesaldiak bidea egitea lortu du Espainiako Vueltako 5. etapan. Javalambre gainean amaitzen zen etapa gaurkoa, sailkapen nagusiaren lehian dabiltzanentzat test garrantzitsua horrenbestez. Tropelak lasai hartu du eta etapa garaipena Madrazo (BBH), Bol (BBH) eta Jose Herradaren (COF) artean lehiatu dute. Madrazo izan da azkenean besoak jaso dituena birritan atzeratuta geratu izan bada ere. Sailkapen nagusian, aldiz, Lopez (AST) izan da erasorik serioan jo duena eta maillot gorria berreskuratu du. 12 segundora Valverde (MOV) eta Roglic (TJV) helmugaratu dira. Gainontzeko faboritoak atzeratuago geratu dira.

Hau eta biharko etaparen ingurukoak kontatzen ditu Egoitz Lizasok (@elizaso) podcast berri honetan.

Podcastera harpidetu

Jatorrizko edukira joan

Gaurko Espainiako Vueltako 4. etapa esprintean amaitu da eta bertan azkarrena, milimetro gutxi batzugatik izan bada ere, Jakobsentzat (DQT) izan da. Atzetik Bennett (BOH) faborito nagusia eta Walscheid (SUN) izan dira. Beranduago, ordea, jakin dugu Walscheid eta Molano (UAD), lehen 10 postuetan sailkatutako bi txirrindulari, deskalifikatuak izan direla sailkapenean aldaketak eraginez. Gorriz Rochek (SUN) jarraitzen du.

Horretaz gain gaurko notizia nagusienetako bat Kruijswijkek (TJV) lasterketa utzi duela da. Baja honen inguruko xehetasunak eta etaparen laburpena Imanol Lluciak (@imanolllucia) prestatu du.

Podcastera harpidetu

Jatorrizko edukira joan

Gaurko Espainiako Vueltako 3. etapa esprintean amaitu da eta garaipena Bennettek (BOH) lortu du Theuns (TFS) eta Mezgecen (MTS) aurretik. Aipatzekoa Jon Aberasturik (CJR) laugarren postuan helmugaratzea lortu duela onenekin batera. Aurpegiaren beste aldea Gaviriak (UAD) erakutsi du helmugarako 40kmra aurkitzen zen igoeran tropelari jarraitzeko gauza ez baita izan eta, taldekideen laguntza izan badu ere, ez da gai izan tropelean sartzeko.

Hau eta gehiago kontatzen digu Iban Perezek (@piban) errepaso podcast honetan.

Podcastera harpidetu

Jatorrizko edukira joan

Benidorm eta Calpe artean jokatu da gaurko Espainiako Vueltako 2. etapa eta faboritoak izan dira protagonista. Puig Llorencako igoera erabakigarria izan da indartsuenak aurreratzeko eta jaitsieran Mikel Nieve (MTS), Aru (UAD), Uran (EF1), Roche (SUN), Roglic (TJV) eta Quintanaz (MOV) osatutako seikoteak egin du aurrera. Azken kilometroetan Quintana bera izan da erasoa jo eta etapa garaipena lortu duena. Gorriz, aldiz, Roche jarri da. Pena izan da baina Mikel Nievek ezin izan du etaparen lehian aritu biribilgune batean ia erori baita.

Hau eta gehiago kontatzen dizue Iban Perezek (@piban) podcast honetan.

Podcastera harpidetu

Jatorrizko edukira joan

Gaur abiatu da 2019ko Espainiako Vuelta taldekako erlojuaren kontrako saioarekin. Sorpresaz, Izagirre anaien Astana taldea izan da azkarrena Torreviejako kaleetan Deceuninck – Quick-Step eta Sunweben aurretik. Gorriz Lopez (AST) jarri da eta Roglicen Jumbo taldeak 40 segundoko atzerapena izan du eroriko batek eraginda.

Hau guztia eta gehiago Egoitz Lizasok (@elizaso) kontatzen dizue podcast honetan.

Podcastera harpidetu

Jatorrizko edukira joan

Hauxe duzue 2019ko Espainiako Vueltaren inguruko podcastaren aurre analisia. Dagoeneko 22 taldeek beraien zortzikoak aurreratu dituzten honetan, Lander Garro, Iban Perez (@piban), Inaxio Esnaola (@inaxioesnaola) eta Egoitz Lizasok (@elizaso) ibilbidea eta Tropelako kinielari errepasoa ematen diote. Ohi moduan, irizpide eta informazio ugari denboraldiko azken itzuli handiaren inguruan.

Podcastera harpidetu

Jatorrizko edukira joan

Hauxe duzue denboraldiko 6. errepaso podcasta. Bertan Egoitz Lizaso (@elizaso), Imanol Llucia (@imanolllucia), Eneko Garate (@egarate) eta Iban Perezek (@piban) azken asteetan txirrindularitza munduan izandako berriei errepasoa emanez beraien iritziak azalarazten dituzte. Zoritxarrez, podcast honetan Poloniako Tourrean zendu berri den Lambrecht (LTS) gaztea izan dute mintzagai, baita 2019ko Frantziako Tourra eta 2019ko Donostiako Klasikoa, emakumezko zein gizonezkoena.

Jatorrizko edukira joan