Pop eta rock doinuetatik aldendu eta musika klasikoari lotu izan zaion instrumentu bat da atal honetako protagonista: biolontxeloa. Horretarako, Eñaut Zubizarreta ‘Trigger’ musikaria elkarrizketatu dute; hainbat proiektutan dabil murgilduta Zubizarreta, biolontxeloaren adierazpide ezberdinak ikertuz eta arakatuz.
🎧 Entzun podcasta
Berria | Dunbala: Badok ataria lemazain duela, euskal musikari begiratua ematen dio Dunbala ’podcast’-ak, Eneritz Furyak eta Jagoba Salvadorren gidaritzapean. Batzuetan azken argitalpenen eta kontzertuen amuari kosk egin eta gaur-gaurko albisteei irakurraldi berri bat eman, eta bestetan, euskal musikaren DNA osatu duten riff, lelo, irudi eta melodien bidez, iragana da gogora dakarrena. Itsaso zabal horretako doinu ezagun gogoangarriek eta oraindik ezezagun eta berri zaizkigunek gidatuko dute saioa.
Podcastera harpidetu
