Podcastak.eus

2018ko Donostiako Klasikoa jokatu aurreko podcasta duzue hau. Imanol Llucia (@imanolllucia), Inaxio Esnaola (@inaxioesnaola) eta Egoitz Lizaso (@elizaso) aritu dira solasean bai ibilbidearen inguruan eta bereziki Tropelako kinielaren inguruan. Lasterketa hasteko bi egun falta direnean grabatutako podcasta izanik oraindik ere zenbait taldek beren 7ko baieztatzeko dutela gogorarazten dute solaskideek.

Jatorrizko edukira joan

2018ko Frantziako Tourreko 21. etapa eta orokorrean Tropelako lehiaketan izandako puntu banaketari errepasoa egiten dio Egoitz Lizasok (@elizaso) podcast honetan. Azken etapan azkarrena Kristoff (UAD) izan da eta aurrez aipatu moduan Tourra Thomasek (SKY) irabazi du. Gainontzeko sailkapenetan Saganek (BOH) maillot berdea eraman du, Alaphilippek (QST) mendikoa, Latour (ALM) izan da gazterik onena eta talderik onena, berriz, Movistar.

Jatorrizko edukira joan

Imanol Lluciak (@imanolllucia) 2018ko Frantziako Tourreko 20. etaparen inguruko podcasta duzue hau. Azken aurreko etapa, Senperen jokatua, Tom Dumoulinek (SUN) irabazi zuela kontatzen du. Froome (SKY) etapa garaipen gabe geratu da etapa irabazlearengandik segundo batera, baina Roglicekiko (TLJ) lortutako tartea nahikoa izan du podiumeko postuetan sartzeko. Tourra Thomasek (SKY) irabazi du.

Jatorrizko edukira joan

2018ko Frantziako Tourreko 19. etaparen podcasta duzue hau. Bertan Imanol Lluciak (@imanolllucia) faboritoen eguna izan dela kontatzen digu eta bertan Roglic (TLJ) nagusitu dela. Eslovakiarrak etapa garaipena eta podiumeko postuetan sartzea lortu duela kontatzen digu. Thomasek (SKY) arazorik gabe eutsi dio lidergoari.

Jatorrizko edukira joan

2018ko Frantziako Tourreko etapa esprintean amaitu da espero bezala. Egoitz Lizasok (@elizaso) podcast honetan kontatzen digun moduan, esprinterren taldeek ondo lotu dute ihesaldia eta azken metroetan azkarrena Demare (GFC) izan da. Sailkapen nagusian aldaketarik ez eta Thomasek (SKY) jarraitzen du lider.

Jatorrizko edukira joan

2018ko Frantziako Tourreko 17. etapa, Kangert (AST) izan bada protagonista ere, Quintanak (MOV) irabazi du. Gainera sari bikoitza lortu du izan ere taldekako sailkapeneko lidergoa ere berreskuratu dute. Etapa “esperimentu” honetarako ikusmina zegoen eta irteera espero baino kaxkarragoa izan bada ere, sailkapen nagusian aldaketak eragin ditu. Thomasek (SKY) lidergoari sendo eusten dio baina Froome taldekideak (SKY) postu bat galdu du Dumoulin (SUN) bere aurretik helmugaratu baita. Hau eta gehiago kontatzen du Egoitz Lizasok (@elizaso) podcast honetan.

Jatorrizko edukira joan

Gaur 2018ko Frantziako Tourreko 16. etapa jokatu da, Pirinioetako lehen etapa. Bertan Alaphilippek (QST) bere bigarren etapa garaipena lortu du Yatesek (MTS) erorikoa izan eta lasterketa burua galdu ostean. Faboritoen artean mugimendu kaxkarrak izan dira eta ez du zailtasunik izan Thomasek (SKY) maillot horiarekin jarraitzeko. Hau guztia eta gehiago kontatzen du Egoitz Lizasok (@elizaso) podcast honetan.

Jatorrizko edukira joan

2018ko Frantziako Tourreko 15. etaparen kronikatxoa egiten du Egoitz Lizasok (@elizaso) podcast honetan. Etapa honetan ere ihesaldi handi osatu da, 29 txirrindularitakoa hain zuzen ere. Tartean hiru euskaldun, Romain Sicard (TDE), Imanol Erviti (MOV) eta Ion Izagirre (TBM). Azken hau etapa garailearen hiruko tropeltxoan zen baina azkenean Cortek (AST) lortu du garaipena. Lidergoan Thomasek (SKY) jarraitzen du.

Jatorrizko edukira joan

Espero zen bezala, 2018ko Frantziako Tourreko 14. etapan ihesaldi bat osatu zen, jendetsua, non tartean Gorka Izagirre (TBM) eta Omar Fraile (AST) euskaldunak izan ziren. Azkenean garaipena Omarrek lortu zuen. Sailkapen nagusiko faboritoen artean ere lehia ikusi ahal izan zen eta bertan etekina atera ziona Roglic (TLJ) izan zen. Edonola ere Thomasek (SKY) jarraitzen du lider.

Jatorrizko edukira joan