Kategoria: Tropela Podcastak

Dagoeneko Vuelta 2011ko bi podcastak entzungai dituzue, bai txirrindularien ingurukoa eta aurrez argitaratu genuen ibilbidearen ingurukoa ere.

Txirrindularien azterketa

Axier Sukia, Eneko Garate (@egarate) eta Egoitz Lizasok (@elizaso) Vuelta 2011an oraindik ziur ez badakigu ere, parte hartuko duten txirrindulariez dihardute podcast honetan. Oraindik oso goiz da eta taldeek ez dituzte beren bederatzikoak zeintzuk diren esan oraindik nahiz eta badakigun zenbait ziur izango direla, Igor Anton edo Nibali kasu. Solaskideek aurtengo Vueltak izango duen ibilbidea ikusita, aurrean izan daitezkeen txirrindulariez hitz egiten dute. Horretaz gain zenbait txirrindulari Munduko txapelketa prestatzeko aprobetxatuko dutela Vuelta hau gogora ekartzen dute. Talde ezberdinen aipamena ere egiten dute eta horien artean Caja Rural aurten nola ez duten gonbidatu aipatzen dute.

Ibilbidearen azterketa

Axier Sukia, Raul Perez (@raulperezmartin) eta Egoitz Lizasok (@elizaso) Vuelta 2011ren ibilbideaz dihardute podcast honetan. Ibilbidean izango diren etapen ezaugarri eta profilez aritzen dira. Euskal Herritik pasatzearen polemikaz ere aritu dira. Zalantzarik gabe Tropelan Vueltako kiniela egiteko kontutan izan beharrekoak aipatzen dituzte.

Aurreko podcastak hemen dituzu.

Jatorrizko edukira joan

Axier Sukia, Raul Perez (@raulperezmartin) eta Egoitz Lizasok (@elizaso) Vuelta 2011ren ibilbideaz dihardute podcast honetan. Ibilbidean izango diren etapen ezaugarri eta profilez aritzen dira. Euskal Herritik pasatzearen polemikaz ere aritu dira. Zalantzarik gabe Tropelan Vueltako kiniela egiteko kontutan izan beharrekoak aipatzen dituzte.

Aurreko podcastak hemen dituzu.

Jatorrizko edukira joan

Axier Sukia eta Egoitz Lizasok (@elizaso) 2011ko Donostiako Klasikoak eman duenaren inguruan aritu dira. Hauek dira jorratzen dituzten gai nagusiak:

– Kronika: Gilberten nagusigoa Vanenderten laguntza bikainarekin. Samuel Sanchezen adierazpenak lasterketaren ondoren.

– Euskaldunak: Haimar Zubeldiaren jarrera eta emaitza.

– Bitxikeria: Tropela maillotaren presentzia Donostiako Klasikoan.

– Gure Tropela: “berrio” erabiltzailearen garaipena. Kinielan izandako aukeraketen inguruko hausnarketa.

Aurreko podcastak hemen dituzu.

Jatorrizko edukira joan

Iban Perez (@piban), Iosu Garate (@iosugarate) eta Egoitz Lizasok (@elizaso) 2011ko Donostiako Klasikoak eman dezakeenaren inguruan aritzen dira podcast honetan. Ibilbideari begirada bat eman eta gero, faborito, euskaldun eta bestelakoei buruz aritu dira. Nola ez, Tropelako lehiaketako kinielaren inguruan zein aukeraketa eta nola ikusten duten ere aipatzen dute.

Aurreko podcastak hemen dituzu.

Jatorrizko edukira joan

Axier Sukia eta Egoitz Lizasok (@elizaso) Tourreko 21. etaparen kronika egiten dute podcast honetan. Etapa esprintean erabaki da eta boskarren aldiz Cavendish izan da garaile. Maillot berdea ere erabakitzeko zegoen eta ingelesak eraman du etapa garaipenarekin batera.

Hala ere, podcast honetan “Gure Tropela” atalean Tropelako sailkapenari azterketa sakonago bat egin diote solaskideek. acascarla izan da garailea aurtengo Tour honetan Evans, Andy Schleck, Frank Schleck eta Samuel Sanchez bizkarrezurrean oinarritutako kinielari esker. Podcastean bizkarrezur hori eta gehiagoz aritzen dira.

Aurreko podcastak hemen dituzu.


Jatorrizko edukira joan

Axier Sukia eta Egoitz Lizasok (@elizaso) Tourreko 20. etaparen kronika egiten dute podcast honetan. Tony Martinek irabazi du erlojuaren kontra jokatu den saio bere aurtengo Tourrean egiten ari zenari itxura ona ematea lortuz. Andy Schleck eta Evansen artean, berriz, Tourreko garailea zen erabakitzekoa eta Evansen alde izan da. Australiarrak ikaragarrizko erlojuaren kontrako saioa egin du eta Andyk, aldiz, espero baino askoz okerrago. Ondorioz Evans garaile.

Protagonista hauetaz gain, Contador, Samuel Sanchez eta De Gent aipatzen dituzte podcasteko solaskideek. Euskaldunen atalari dagokionez Euskaltel-Euskadik gaurko erlojuaren kontrako saioan taula erdian izan dela nabarmentzen dute, 11. postuan hain zuzen ere.

Aurreko podcastak hemen dituzu.


Jatorrizko edukira joan

Iosu Garate (@iosugarate) eta Egoitz Lizasok (@elizaso) Tourreko 19. etaparen kronika egiten dute podcast honetan. Contador-en eraso goiztiarrak etaparen nondik norakoak aldatu ditu eta hautagai nagusien dantza hasi da. Andy Schleck-en laguntzarekin kilometro asko egin badituzte ere, azkenean dena Alpe d’Huez-eko igoeran erabaki da. Evans australiarrak ongi eutsi die Schleck anaiei eta Voeckler frantziarrak azkenean galdu du lidergoa Andy-ren mesedetan.

Frantziarren lehen etapa garaipena iritsi da Rolland-en eskutik. Samuel Sanchez izan da bigarren, eta honek etapa amaitzean eginiko adierazpen polemiko batzuen inguruan ere mintzatu dira.

Bitxikerien atalean, moda kontuak eta Donostiko Kontxa irizpide.

Aurreko podcastak hemen dituzu.


Jatorrizko edukira joan

Eneko Garate (@egarate), Iosu Garate (@iosugarate) eta Egoitz Lizasok (@elizaso) Tourreko 18. etaparen kronika egiten dute podcast honetan. Etapa epiko hau Andy Schlecken erakustaldiak markatu dutela azpimarratzen dute solasean diardutenek. Helmugatik 60 kmtara erasoa jo eta aurreratuak zituen taldekideei esker etapa garaipen ikaragarria eta sailkapen nagusiko bigarren posturaino iritsi da Voecklerrengandik 15 segundora. Galtzaile nagusiak, aldiz, Contador eta Samuel Sanchez gaurkoan.

Euskaldunei dagokionez Haimar Zubeldiaren etapa azpimarratzen da bera baita sailkapen nagusiko lehen euskal txirrindularia, baita Radioshack taldekoa ere. Lan baina egiten ari dela aipatzen dute podcast honetan. Hori eta hausnarketa gehiago podcast entretenigarri honetan.

Aurreko podcastak hemen dituzu.

Argazkia: Sirotti

Jatorrizko edukira joan

Iosu Garate (@iosugarate) eta Egoitz Lizasok (@elizaso) Tourreko 17. etaparen kronika egiten dute podcast honetan. Etapa garaipen eguneko ihesaldian zen Boasson Hagenek lortu du, bere bigarrena eta norvegiarren laugarren garaipena izan dena. Ihesaldiko tropeltxo horretan zegoen Ruben Perez eta bikain aritu da. Aurrera ere jo du baina azken igoerara iristerako harrapatua izan da. Hala ere podcasteko solaskideek txalotu dute euskaldunaren lan bikaina.

Oilarrei dagokionez, gaurkoan ere Contadorrek erasoa jo du eta Evans eta Andy Schleck atzean uzteko gauza izan bada ere, helmugan denbora berera sartu dira. Voecklerrek asko arriskatu du gaur eta denbora galera eragin dio podcastean aipatzen duten moduan.

Aurreko podcastak hemen dituzu.

Argazkia: Roberto Bettini

Jatorrizko edukira joan

Axier Sukia, Iosu Garate (@iosugarate) eta Egoitz Lizasorekin (@elizaso) Tourreko 16. etaparen kronika egiten dute podcast honetan. Zalantzarik gabe aipagarriena Hushovdek bigarrengoz lortu duen etapa garaipena izan da, baina ezin ahaztu oilarren arteko lehia hori ere. Izan ere Contadorrek 2. mailako mendatean erasoa jo du eta bere arerio zuzena de Andy Schlecki minutu inguruko denbora ateratzea lortu du. Ez zirudien ezer asko eman behar zuenik gaurko etapak baina guztiz kontrakoa izan da podcastean entzun dezakezuen moduan.

Aurreko podcastak hemen dituzu.

Jatorrizko edukira joan