Kategoria: Tropela Podcastak

Post honetan Iosu Garatek (@iosugarate), Iban Perezek (@piban) eta Egoitz Lizasok (@elizaso) grabatutako podcasta aurki dezakezue. Podcast honetan 2014 Frantziako Tourrari errepasoa egiten diote. Hona hemen jorratu diren gai nagusiak:

– Aurtengo Tourra Ingalaterratik hasten da
– Ez dago prologorik
– Harbidetako etapa bat jokatuko da
– Ibilbidea orokorrean gogorra
– Azken aurreko erlojuaren kontrako bakarkako saioa bakarra, nahiz eta 54 kilometrotako den, luzea
– Azken eta 19:00ak aldera amaituko da aurretik emakumezkoen La Course lehiatuko delako lehen aldiz historian

Jatorrizko edukira joan

Post honetan Axier Sukia (@sukigalp) eta Egoitz Lizasok (@elizaso) grabatutako podcasta aurki dezakezue. Podcast honetan 2014 Emakumeen Birari errepasoa egiten diote. Hona hemen jorratu diren gaiak:

– Ibilbideari errepasoa: aurtengo ibilbidean ez da erlojuaren kontrako saiorik izango, gainsariak, “puntu beroak”,…
– Hautagaiak nagusiak: Vos (RBW) izango al da nagusi?
– Hautagaiak: zein izango dira podiumaren inguruan lehian izan daitezkeenak?
– Beste hautagaiak: Ane Santestebean (SLU) euskaldunen artean ondoen ibil daitekeena
– Besteak: euskal txirrindulari dezente

Emakumeen Saria 2014

Hemen uzten dizuegu ikusgai Durango-Durango Emakumeen Saria 2014 ekitaldiaren laburpena. Eskerrik asko Iñigo!

Jatorrizko edukira joan

Eguraldiak kolokan jarri du gaurko etaparen lehia. Atzo antolakuntzak aurrera egiteko asmoa azaldu zuen baina baztertu gabe etapa hasi aurretik etaparen ibilbidea aldatzea. Ez da hala izan nahiz eta elurra eta hotza protagonista izan den Gavia eta Stelvioko gainetan. Txirrindulariek eguraldi makurra sufritu behar izan dute eta hemendik zorionak etapa amaitu duten guztiei, etapa epiko eta ikusgarria eskaini baitigute. Bai, ikusgarria eta txirrindularitzan gutxitan bizi izan dugun bezalakoa. Bikaina, eta horregatik pena handia da sortu den polemika. Hemen nire iritzia.

Jar gaitezen arratsaldeko 15:00-15:30ak aldera. Cataldo (SKY) lasterketa buruan eta elurra mara-mara. Jaitsiera guztiok ezagutzen dugun aldetik zan, irudian jartzen dizuedana. Eta antolakuntza txirrindularien segurtasunaz arduratuta, esango nuke etapa bere horretan uztearen unetik alerta guztiak piztuta.

Guk ez dugu entzuten, baina lasterketako Radio Corsan, zuzendari, antolakuntza eta kazetariek soilik entzun dezaketen irratian, horrelako zerbait esan dute (italiera ez dakit eta ulertu dudana saiatu naiz idazten): “Adi! Taldetako kirol zuzendariei zuzendutako mezua … Lasterketako zuzendaritzak segurtasuna ziurtatzeko lasterketa buruan moto bat bandera arrosa jasota lasteketa buruak jarrai dezan…”. Mezua entzungai ondorengo estekan duzue: Radio Corsa polemikaren mezua.

Guk, jarraitzaileok, Giroko twitter kontu ofizialak esaten duena irakurtzen ginen eta ondorengo mezu hau argitaratu dute ( @RutaEscarabajo bidez lortutako irudia):

Sarean guztiek jaitsiera neutralizatia izango zela zabaldu dute, baina harridura zabaldu da Cataldo (SKY) lasterketa buruan 80 km/h-ra jaisten ari zela ikusita. Aldiz, atzean, Uran (OPQ) liderra eta beste hainbat txirrindulari lasai jaisten. Jaitsiera horretan mugitu dira Quintana eta Gorka Izagirre (MOV), Romain Sicard eta Rolland (EUC) eta Hesjedal (GRS).

Beranduago lasterketako komisarioak inongo momentutan lasterketa ez dela neutralizatu zabaldu da. Tropelak ere hala zabaldu du. Giroko twitter kontuak ere egoeraz jakitun, aurreko txioa ezabatu eta ondorengo hau argitaratu dute:

Berandu, ordea, kaltea – polemika sortzea bera kaltetzat jotzen dut – egina baitzen.

Datu hauek guztiak eskutan

Hauek dira polemikaren arrazoiak nire ustez:
– Radio Corsan ez da garbi azaldu zein zen erabakia. Adibide garbia Giroko twitter kontuak jaitsiera neutralizatua izango zela esatea izan da.
– lasterketaren kontextua. Lasterketan diren guztiek, kirol zuzendariak barne, auskalo ze telefono dantza izango zuten atzo gaur etapa joatuko zen ala ez, segurtasuna, bilerak,… subkoszienteak lasterketa neutralizatuko zutela pentsatzera eraman dezake barruan den edonor
– twitter kontu ofizialak lasterketa neutralizatu dela esatea

Atzetik hasita, twitter kontu ofizialak esaten duena ez zait iruditzen ofizala denik. Hau da, barrutik kanpora komunikatzen duen kontua da, baina horrek ez du zerikusirik lasterketa barruko antolakuntza eta komunikazioarekin. Lehen eskutik esaten dizuet Euskal Herriko Itzulian ere akats bera egitea ez litzatekeela harritzekoa izango. Baina serio taldeetako zuzendariek lasterketako twitter kontua hartzen dutela lasterketa barruko informazio iturri moduan?

Radio Corsako estariak, berriz, mezua argiago eman beharko luke, baina hau egoera ikusi eta gero diogu. Nioen moduan tentsio asko izango zen alde guztietan eta horrek mezua egoki ez emititzera eta desegoki jasotzera eraman ditu zenbait zuzendari.

Ez zait iruditzen antolakuntzak gaizki egin duenik. Hobeto egin behar luke, bai, baina gaizki egin duela esatea asko iruditzen zait. Ze bestela nolatan ba ez dute taldeko zuzendari guztiek berdin ulertu? SKY, Movistar, Garmin eta Europcarrek aurrera egin badute neutralizazio konturik ez dutelako ulertu izango da.

Etapa epikoa izan da, alde guztietatik, eta nahasmena Giroko twitter kontu ofizialak sortu du nire ustez, Twitter zaleok, eta asko gara batez ere txirrindularitza munduan, zilegitasun handia ematen diegulako, dutena baino gehiago.

Jatorrizko edukira joan

Post honetan Eneko Garatek (@egarate) eta Egoitz Lizasok (@elizaso) grabatutako podcasta aurki dezakezue. Podcast honetan 2014 Italiako Giroari errepasoa egiten diote. Hona hemen jorratu diren gaiak:

– Ibilbideari errepasoa: aurtengo urtean Irlandatik abiatuko da Giroa.
– Erlojuaren kontrako hiru etapa izango dira, bakoitza mota ezberdinetakoak: taldekakoa, bakarkako arrunta eta krono-igoera. Esprinterrek ere 8-9 aukera izan ditzakete.
– Hautagaiak nagusiak: bitik bat aukeratu behar da eta aztertzen den aspektuaren baitan bataren ala bestearen alde egin daiteke.
– Beste hautagaiak: zein izango dira podiumaren inguruan lehian izan daitezkeenak?
– Igotzaileak: taldeko liderrak, etapa ehiztariak edota lehen euskaldunaren puntuak jasotzearen alde egingo dugu?
– Azkarrak: esprinterren aukeraketak bere garrantzia izan dezake, batez ere Giroaren lehen zatian.
– Beste azkarrak: zalantza asko sortzen dituen multzoa. Kontuz esprint bideratzaileekin.
– Besteak: zein irizpide erabili multzo honetan aukeraketa egiteko?

Jatorrizko edukira joan

Post honetan Iban Perez (@piban) eta Egoitz Lizasok (@elizaso) grabatutako podcasta aurki dezakezue. Podcast honetan 2014 Euskal Herriko Itzuliari errepasoa egiten diote. Hona hemen jorratu diren gaiak:

– Ibilbideari errepasoa: betiko egitura du aurtengo Itzuliak, baina badu aurtengoak zerbait bereizgarria
– itzulia.net webgune berria. Tropelak antolakuntzarekin elkarlanean garatutako proiektua
– Hautagaiak nagusiak: bakarra aukeratzeak sortzen duen zailtasuna
– Beste hautagaiak: erlojuaren kontrako azken etapa zenbateraino hartu behar dugu kontutan?
– Azkarrak: bi motatako azkarrak bereizten dituzte solaskideek
– Besteak: euskaldun gehienak azken multzoan daude, eta tartean taldeburu izango direnak

Jatorrizko edukira joan

Post honetan Eneko Garatek (@egarate), Iosu Garate (@iosugarate) eta Egoitz Lizasok (@elizaso) grabatutako podcasta aurki dezakezue. Podcast honetan 2014 Milan-San Remo lasterketari errepasoa egiten diote, Tropelako egutegian lehen aldiz lehiaten den klasiko handia. Hona hemen jorratu diren gaiak:

– Ibilbideari errepasoa: aldaketa ibilbidean
– Hautagaiak nagusiak: esprinterrak bakarrik aukeratu?
– Beste hautagaiak: taldeetan ohiko izaten diren liderrak zein paper izango dute?
– Besteak: talde apalagoetako txirrindulariak kontutan hartu? Euskaldunak?

Argazkia: Gazzetta.it-MilanoSanremo

Jatorrizko edukira joan

Post honetan Eneko Garatek (@egarate), Iban Perezek (@piban) eta Egoitz Lizasok (@elizaso) grabatutako podcasta aurki dezakezue. Podcast honetan 2014 Paris-Nizako lasterketari errepasoa egiten diote, 10. denboraldi honetarako lehen kinielari begira interesgarri izan dakizukeena. Hona hemen jorratu diren gaiak:

– Tropelan izandako aldaketak: luxuzko gregarioak
– Ibilbideari errepasoa: ez dago erlojuaren kontrako saiorik
– Hautagaiak nagusiak: aurten multzo hau izateak zailtasuna areagotu du
– Hautagaiak: multzo zabala
– Azkarrak: ibilbideak zein esprinter mota aukeratu baldintzatzen du
– Beste azkarrak: ez zaigu iruditu Besteak multzoan azkarrik geratu denik
– Besteak: klabeetako bat izenez aukeratu beharrean zein taldetan dagoenaren baitan aukeratzea dela nabarmentzen dute

Argazkia: letour.com

Jatorrizko edukira joan

Hemen duzue berriki grabatutako txirrindularien inguruko podcasta entzungai. Bertan Iosu Garatek (@iosugarate), Axier Sukiak (@sukigalp) eta Egoitz Lizasok (@elizaso) grabatutako podcasta duzue. Beherako ibilbidearen podcasta ere aurki dezakezue, Raul Perezek (@raulperezmartin), Iban Perezek (@piban) eta Egoitz Lizasok (@elizaso) orain egun batzuk grabatu zutena.

Txirrindularien azterketa

Podcast honetan sakon jorratu dira ondorengo gai hauek:

– Hautagai nagusiak: Froome (SKY) eta Contador (TBT)
– Podiumerako hautagaiak: multzo honetako norbaitek sorpresa eman eta Tourra bereganatuko ote du?
– Aurrean ibiltzekoak: nor hartu, sailkapen nagusiaren lehian izango dena ala etapa garaipenak ziurta ditzakeena? Aipatutako adibideen artean T.Martin (OPQ) edo Voeckler (EUC) aurkitzen dira.
– Azkarretan azkarrenak: Sagan (CAN) eta Cavendishen (OPQ) arteko aukeraketara mugatzen dira solaskideak. Baina zein hartu?
– Azkarrak: aurreko multzoan aukeratutakoaren arabera egin beharko litzateke aukeraketa solaskideen arabera.
– Muinoetan azkarrak: multzo berri honek joko pixka bat ematen duela diote solaskideek.
– Beste azkarrak: bertan taldeetako esprinter nagusiak eta bideratzaileak aurkitzen dira. Baina zein irizpide erabili aukeraketa egiteko?
– Besteak: hona iritsita dagoeneko 16 txirrindulari aukeratu behar izan dira. 16 horien aukeratutakoaren baitan, oreka bilatzeko baliatu behar da multzo hau solaskideen arabera.

Ibilbidearen azterketa

Hona hemen jorratu diren gaiak:

– Aurtengo edizioa 100. edizioa da. Horrek ibilbidean eragina izan du
– Lasterketaren egitura aztertzen da ibilbideari dagokionez
– Aurtengo edizioko berritasunak

Jatorrizko edukira joan

Post honetan Axier Sukiak (@sukipalp) eta Egoitz Lizasok (@elizaso) grabatutako podcasta aurki ditzakezue. Podcastean 2013 Emakumeen Birari errepasoa egiten diote, denboraldiko seigarren kinielari begira interesgarri izan dakizukeena.

Hona hemen jorratu diren gaiak:

– Gainetik Dauphine Kriteriuma nola doan eta Santambrogioren positiboa.
– Emakumeen Birak nazioartean duen maila.
– Ibilbideari errepasoa.
– Nola banatuko dira puntuak lehiaketa honetan?
– Multzoei errepasoa.

Argazkia: durangon.com

Jatorrizko edukira joan

Post honetan Iosu Garatek (@iosugarate), Eneko Garatek (@egarate), Iban Perezek (@piban) eta Egoitz Lizasok (@elizaso) grabatutako podcasta aurki ditzakezue. Podcast honetan 2013 Dauphiné Kriteriumari errepasoa egiten diote, denboraldiko bosgarren kinielari begira interesgarri izan dakizukeena.

Hona hemen jorratu diren gaiak:

– Ibilbideari errepasoa.
– Multzoei errepasoa.
– AG2R taldea ez da lasterketan izango

Jatorrizko edukira joan