Kategoria: Tropela Podcastak

2020ko Espainiako Vueltako 18. etapak eman dio amaiera 2020ko edizioari. Bertan azkarrena Ackermann (BOH) izan da Bennett (DQT) eta Kanterren (SUN) aurretik. Dakizuen moduan, Vuelta Roglicek (TJV) eraman du eta baita erregulartasunaren maillot berdea. Mendikoa Guillaume Martinentzat (COF) izan da, gazterik onena Masentzat (MOV) eta Movistarrek, azkenik, talde onenaren saria. Euskaldunei dagokionez, sailkapen nagusien aurreen amaitu duena Mikel Nieve (MTS) izan da, guztira 13. sailkatuta.

Azken etapa honetaz eta Vueltaren ingurukoez aritzen da Iban Perez (@piban) podcast honetan.

Podcastera harpidetu

Jatorrizko edukira joan

2020ko Espainiako Vueltako 17. etapa erabakigarria Gaudu (GFC) frantziarrak irabazi du Mäder (NTT) eta Ion Izagirreren (AST) aurretik helmugaratuta. Hiruak eguneko ihesaldian izan dira, baina atzean Vuelta erabakitzeko zegoen. Carapazek (IGD) zirrara eragin dio etapari erasoa jo eta Roglic (TJV) atzean uztean, baina ez du nahikoa tarte lortu eta bigarren amaituko du Vuelta honetan ekuadortarrak. Roglicek (TJV), horrenbestez, Vuelta poltsikoratuko du eta Carthyk (EF1) podiumean amaituko du.

Hau eta bihar jokatuko den etaparen ingurukoak kontatzen ditu Egoitz Lizasok (@elizaso) podcast honetan.

Podcastera harpidetu

Jatorrizko edukira joan

2020ko Espainiako Vueltako 16. etapa aukeratuen arteko esprintean erabaki da. Izan ere azken mendateak atzean utzi arazi ditu azkarretan azkarrena eta helmugan ezohiko esprinta ikusi dugu. Bertan Cort (EF1) izan da azkarrena eta bigarren liderra bera, Roglic (TJV), 6 segundoko gainsaria hartuz lidergoa sendotzeko asmoz. Costa (UAD) izan da errepidean hirugarren, baina zigortua izan da eta ondorioz Smithi (MTS) eman diote hirugarren postua.

Hau eta gaur jokatuko den etapa erabakigarriaren ingurukoak kontatzen ditu Iban Perezek (@piban) podcast honetan.

Podcastera harpidetu

Jatorrizko edukira joan

2020ko Espainiako Vueltako 15. etapa, maldan gora izan bada ere, esprintean amaitu da. Bertan indartsuen Philipsen (UAD) gaztea izan da Ackermann (BOH) eta Steimleren (DQT) aurretik. Sailkapen nagusian aldaketarik ez eta Roglicek (TJV) jarraitzen du lider.

Hau eta gaur jokatuko den etaparen ingurukoak kontatzen ditu Egoitz Lizasok (@elizaso) podcast honetan.

Podcastera harpidetu

Jatorrizko edukira joan

2020ko Espainiako Vueltako 14. etapan aurreratu bezala protagonista ihesaldia izan da. Luxuzko txirrindulariez osatutako ihesaldia izan da eta bertan azken maldan azkarrena Wellens (LTS) izan da. Sailkapen nagusian aldaketarik ez eta Roglicek (TJV) jarraitzen du lider.

Hau eta gaur jokatuko den etaparen ingurukoak kontatzen ditu Iban Perezek (@piban) podcast honetan.

Podcastera harpidetu

Jatorrizko edukira joan

2020ko Espainiako Vueltako 13. etapa erlojuaren kontrako etapa izan da. Tourrean ez bezala, oraingoan Roglic (TJV) sendo azaldu da eta etapa garaipena lortu du lidergoa berreskuratzearekin batera. Honekin 4. etapa garaipena du esloveniarrak. Barta (CCC) gaztea, horrenbestez, segundo bat gehiago behar izanda, etapa poltsikoratu gabe geratu da.

Hau eta bihar jokatuko den etaparen ingurukoak kontatzen ditu Egoitz Lizaso (@elizaso) podcast honetan.

Podcastera harpidetu

Jatorrizko edukira joan

2020ko Espainiako Vueltako 12. etapa mendiko etapa garrantzitsua izan da eta bertan sailkapen nagusiko txirrindularien arteko lehia estua ikusi dugu l’Angliruko malda gogorretan. Indartsuena Carthy (EF1) izan da eta Carapazek (IGD) tartetxoa lortuta Roglicekiko (TJV), lidergoa berreskuratu du.

Hau eta etzi jokatuko den etaparen ingurukoak kontatzen ditu Iban Perezek (@piban) podcast honetan.

Podcastera harpidetu

Jatorrizko edukira joan

2020ko Espainiako Vueltako 11. etapa asteburu honetako lehen mendiko testa izan da eta bertan ihesaldiak bidea egitea lortu du. Edonola ere, bertan maila altuko txirrindulariak izan dira eta hauetako batek lortu du etapa garaipena, Gaudu (GFC) frantziar gazteak. Soler (MOV) bigarren helmugaratuta, garaipenaren saria lortu ez badu ere, sailkapen nagusian 6. posturaino aurreratzeko balio izan dio. Roglicek (TJV) jarraitzen du lider.

Hau eta gaurko jokatuko den etaparen ingurukoak kontatzen ditu Egoitz Lizasok (@elizaso) podcast honetan.

Jatorrizko edukira joan

2020ko Espainiako Vueltako 10. etapa maldan gora amaitu da eta bertan indartsuena Roglic (TJV) izan da. Honenbestez, bere hirugarren etapa garaipena lortu du Vuelta honetan. Eta ez hori bakarrik, gainsariei esker, lidergora berreskuratu du nahiz eta Carapazekiko (IGD) denbora berdinean izan.

Hau eta gaurko jokatuko den etaparen ingurukoak kontatzen ditu Iban Perezek (@piban) podcast honetan.

Podcastera harpidetu

Jatorrizko edukira joan

2020ko Espainiako Vueltako 9. etapa esprintean erabaki da nahiz eta ihesaldian Aritz Bagües (CJR) eta Osorio (BBH) ihesaldian izan diren. Helmuga marratik pasatzen lehena Sam Bennett (DQT) izan bada ere, epaileek baliogabetu egin dute bere garaipena sorbaldarekin beste txirrindulari bat arauz kanpo kolpatu izanagatik. Ondorioz, garaile Ackermann (BOH) alemaniarra izendatu dute. Sailkapen nagusian aldaketarik ez da izan.

Hau eta bihar jokatuko den etaparen ingurukoak kontatzen ditu Egoitz Lizaso (@elizaso) podcast honetan.

Podcastera harpidetu

Jatorrizko edukira joan