Bart arratsean izan ei zen Euskal Herrian azken txaloaldia. Krisiaren egunik latzenetan lehen lerroan egon diren horiei eskerrak emateko eguneroko keinua. Egoera hobetuz doa, urak baretzen, baina ezin erabat lasai egon. Badugu zer ikasia, badugu zer hobetu gizarte bezala, ez dadila dena lehenera bueltatu, irakaspenik atera gabe.
🎧 Entzun podcasta
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
Podcastera harpidetu
