Egilea: Tropela Elkartea

Iosu Garate (@iosugarate) eta Egoitz Lizasok (@elizaso) Tourreko 17. etaparen kronika egiten dute podcast honetan. Etapa garaipen eguneko ihesaldian zen Boasson Hagenek lortu du, bere bigarrena eta norvegiarren laugarren garaipena izan dena. Ihesaldiko tropeltxo horretan zegoen Ruben Perez eta bikain aritu da. Aurrera ere jo du baina azken igoerara iristerako harrapatua izan da. Hala ere podcasteko solaskideek txalotu dute euskaldunaren lan bikaina.

Oilarrei dagokionez, gaurkoan ere Contadorrek erasoa jo du eta Evans eta Andy Schleck atzean uzteko gauza izan bada ere, helmugan denbora berera sartu dira. Voecklerrek asko arriskatu du gaur eta denbora galera eragin dio podcastean aipatzen duten moduan.

Aurreko podcastak hemen dituzu.

Argazkia: Roberto Bettini

Jatorrizko edukira joan

Axier Sukia, Iosu Garate (@iosugarate) eta Egoitz Lizasorekin (@elizaso) Tourreko 16. etaparen kronika egiten dute podcast honetan. Zalantzarik gabe aipagarriena Hushovdek bigarrengoz lortu duen etapa garaipena izan da, baina ezin ahaztu oilarren arteko lehia hori ere. Izan ere Contadorrek 2. mailako mendatean erasoa jo du eta bere arerio zuzena de Andy Schlecki minutu inguruko denbora ateratzea lortu du. Ez zirudien ezer asko eman behar zuenik gaurko etapak baina guztiz kontrakoa izan da podcastean entzun dezakezuen moduan.

Aurreko podcastak hemen dituzu.

Jatorrizko edukira joan

Iosu Garate (@iosugarate) eta Egoitz Lizasorekin (@elizaso) batera gonbidatu berezia izan da Tourreko 2. atseden egun honetan solaskide podcast honetan: Amets Txurruka.

Ametsek nola aurkitzen den kontatzen digu eta lehen astean izandako erorikoak zeren ondorio izan daitezkeen. Euskaltel-Euskadi taldea Tourrean nola dabilen aipatzen dute solaskideek eta aurtengo Tourreko faboritoen inguruan mintzatu dira. Solasaldi interesgarria benetan hiru partaideek izandakoa.

Aurreko podcastak hemen dituzu.

Jatorrizko edukira joan

Iosu Garate (@iosugarate) eta Egoitz Lizasok (@elizaso) Tourreko 15. etaparen kronika egiten dute podcast honetan. Trantsizio etapa izan da gaurkoa eta ihesaldia bat izan bada ere, HTC taldeak lan bikain egin du uneoro ihesaldi hori kontrolpean izateko. Esprintaren aurretik Gilbertek erasoa jo du tropela sorpresaz hartu asmoz etapa garaipenaz gain maillot berdearen lehia horretan aurrera egiteko, baina ezin. Esprintean 4. aldiz Cavendish gailendu eta maillot berdearen lehia horretan lidergoa sendotu du.

Aurreko podcastak hemen dituzu.

Jatorrizko edukira joan

Axier Sukia eta Egoitz Lizasok (@elizaso) Tourreko 14. etaparen kronika egiten dute podcast honetan. Eguneko ihesaldi handia izan den arren, garaipena tropel nagusian zen Vanendertek eskuratu du. Honenbestez Omega Pharma Lotto taldearen hirugarren garaipena da gaurko Tour honetan. Ihesaldi handi horretan Gorka Izagirre, Ruben Perez eta Xabier Zandio euskaldunak ziren. Gainera Ormaiztegikoak bere burua nabarmendu du etapan zehar.

Leopardek etapa gogortu du baina Schleck anaiek ez dute lortu etapari espero zitekeen etekina ateratzea. Samuel Sanchezek, aldiz, denbora jatea lortu du eta Contadorren aurretik da orain sailkapen nagusian. Esan bezala, gaurko etapak ez digu ezer argitu eta hori da podcast honetako kronikan solaskideek aipatzen dutena besteak beste.

Aurreko podcastak hemen dituzu.

Jatorrizko edukira joan

Eneko Garate (@egarate) eta Egoitz Lizasok (@elizaso) Tourreko 13. etaparen kronika egiten dute podcast honetan. Munduko txapelduna izatearen madarikazioa Hushovdekin amaitu dela azpimarratzen dute Norvegiarra izan baita etapa garailea eta bikain baitabil aurtengo Tourrean. Roy eta Gilberten lanak mendiko eta erregulartasun mailloten duten lehiekiko ere aipatzen dituzte. Euskaldunei dagokionez, berriz, Haimar Zubeldia euskaldunen artean indartsuenak etapa garaipenen bat lor dezakeela uste da.

Aurreko podcastak hemen dituzu.

Jatorrizko edukira joan

Iosu Garate (@iosugarate) eta Egoitz Lizasok (@elizaso) 12. etaparen kronika egiten du podcast honetan. Etapa hau Pirinioen hasierako etapa zen eta faboritoen arteko borroka ikusiko zela espero zen. Hala ere ez da espero zen borroka izan eta nola Samuel Sanchezek denbora nahikoa galdua zuen sailkapen nagusian, horri esker Euskaltel-Euskadi taldeak garaipena lortu ahal izan du. Hau eta gehiago podcast honetan.

Aurreko podcastak hemen dituzu.

Jatorrizko edukira joan

Eneko Garate (@egarate), Axier Sukia eta Egoitz Lizasok (@elizaso) 11. etaparen kronika egiten du podcast honetan. Etapa esprintean amaitu da eta Cavendish nagusitu da. Hala ere, 12. etapa garrantzitsuari begira, lehen goi mailako mendateak igaro beharko baititu tropelak, beraien hausnarketak plazaratzen dituzte. Euskaldunen artean Ruben Perez eta Pablo Urtasun nabarmendu dituzte eta Tropelako sailkapenari ere errepasoa eman diote.

Aurreko podcastak hemen dituzu.

Jatorrizko edukira joan

Iosu Garate (@iosugarate), Raul Perez (@raulperezmartin) eta Egoitz Lizasok (@elizaso) 10. etaparen kronika egiten du podcast honetan. Etapa hau esprintean amaitu da eta gehiengoak uste zuenaren kontra, Greipel Cavendishi gailendu zaio. Esprint estua izan da baina alemaniarra gaurkoan bikain aritu da. Sailkapen nagusiari dagokionez ez da aldaketa nabarmenik izan.

Aurreko podcastak hemen dituzu.

Jatorrizko edukira joan

Tourra lehiatzen ari diren txirrindulariek gaur izan dute lehen atseden eguna. Atseden egun hau probestuz, Eneko Garate (@egarate), Iosu Garate (@iosugarate) eta Egoitz Lizasoz gain (@elizaso), gonbidatu berezi batek hartu du parte: David Etxebarriak (@davidetxebarria). Eskerrik asko Davidi gure gonbitea onartu izanagatik.

Lau solaskide hauek lehen asteko erorikoez, euskaldunez, faboritoez, hurrengo egunetan ikus dezakegunaz eta gertakari “ilunez” (atzokoan auto batek Flecha eta Hoogerland bota zituenekoa eta gaur jakin den Kolobneven ustezko positiboa) izan dituzte mintzagai. Eta noski, Tropelako lehen postuen inguruan ere aritu dira.

Podcast hau gustuko izan baduzu, hemen dituzu aurreko podcastak entzungai.

Jatorrizko edukira joan