Egilea: Tropela Elkartea

2018ko Frantziko Tourraren 2. etaparen minipodcasta duzue hau. Egoitz Lizaso (@elizaso) arduratu da kontakizun honetaz eta bertan kontatzen digu nola eroriko batek baldintzatutako etapan Sagan (BOH) nagusitu den. Horrenbestez lider berria Sagan da Gaviriak (QST) erorikoa jasan eta maillot horia ezin defendatuta geratu baita. Sailkapen nagusiko txirrindulariei dagokionez aldaketarik ez.

Jatorrizko edukira joan

Podcast honetan Egoitz Lizasok (@elizaso) 105. den Frantziako Tourraren lehen etaparen analisia egiten digu. Bertan kontatzen digu nola esprintean Gaviria (QST) gaztea nagusitu den Sagan (BOH) eta Kittelen (TKA) aurretik, etapaz gain, lidergoa ere eskuratuz. Aurpegiaren beste aldea Froome (SKY) eta Quintanaren (MOV) estutik etorri da.

Jatorrizko edukira joan

Inaxio Esnaola (@inaxioesnaola), Iban Perez (@piban), Eneko Garate (@egarate) eta Egoitz Lizaso (@elizaso) arduratu dira aurtengo Tourreko kinielaren inguruko podcast hau grabatzeaz. Podcasta ohiko baino luzeago atera zaie izan ere laukoteak asko du kontatzeko Tour honen inguruan, bai ibilbideagatik, bai Froomen (SKY) ebazpenagatik eta baita, nolabait ere, Mollemak (TFS) baldintzatu duelako. Zuen kinielak prestatzeko lagungarria zalantzarik gabe!!

Jatorrizko edukira joan

2018ko Frantziako Tourra hasteko oraindik astebete baino gehiago falta denean, Imanol Lluciak (@imanolllucia) eta Egoitz Lizasok (@elizaso) podcast hau grabatu dute Frantziako Tourrari begira. Bertan Tropela Hondartzanen 4. ekitaldia aipatzeaz gain, orokorrean goi mailako txirrindularitzaren inguruko gaiak jorratu dituzte beti ere Frantziako Tourrarekin erlazionatutakoak.

Jatorrizko edukira joan

Erromako zirkuituan amaitu da 2018ko Giroa. Bertan ezer gutxi zuten sailkapen nagusiko txirrindulariek egiteko dena erabakita baitzen. Etaparen lehian zirenak saiatu dira eta azkenean esprintak erabaki du garailea. Gaurkoan Sam Bennett (BOH) izan da azkarrena maillot ciclaminoaren aurretik. Giroaren garailea Froome (SKY) izan da, gazterik onena Miguel Angel Lopez, mendiko sailkapeneko irabazlea Froome bera, ciclaminoa Vivianik (QST) eraman du, taldekakoa SKYk eta euskaldunik onena Pello Bilbao (AST) izan da, orokorrean 6. sailkatuta. Hau guztia Imanol Lluciak (@imanolllucia) kontatzen digu mini podcast honetan.

Jatorrizko edukira joan

2018ko Giroko 20. etapa zuten txirrindulariek beraien sailkapen nagusiko postuengatik lehiatzeko. Froome–Dumoulin eta Miguel Angel Lopez–Carapaz ziren besteak beste. Hala ere etapa garaipena ihesaldian egon da eta bertako indartsuena Mikel Nieve (MTS) naparra izan dugu. Egoitz Lizasok (@elizaso) kontatzen digu gertatutakoa eta bere analisia.

Jatorrizko edukira joan

Ikaragarrizko etapa izan da 2018ko Giroko 19. etapa hau. Bezperan Yates (MTS) liderraren ahulezi zantzuak animatuta akaso, SKY taldeak lasterketa puskatzea erabaki du Froomen (SKY) urrutiko eraso batekin. Ingelesak etapa eta maillot arrosa eskuratu ditu. Hau eta gehiago kontatzen digu Egoitz Lizasok (@elizaso) podcast honetan.

Jatorrizko edukira joan

Giroko 18.etapa honetan ihesaldia egin du bidea eta tropel nagusiarekiko zuen errenta 13 minututik gorakoa zenez, ez dute arazorik izan etapa garaipena beraien artean lehiatzeko etapako azken mendate horretan. Bertan azkarrena Schachmann (QST) izan da. Faboritoen artean Yates (MTS) izan da sorpresa eman duena 28″ utzi baititu helmugan nahiz eta oraindik lider den. Hau eta gehiago kontatzen digu Iban Perezek (@piban) mini podcast honetan.

Jatorrizko edukira joan

2018ko Giroko 17. etapa honetan espero bezala esprintean amaitu da etapa. Egoitz Lizasok (@elizaso) gogoratzen digu nola maillot ciclaminoa lehian duten txirrindulariek, gaurko irabazleak, Vivianik (QST) eta Sam Bennettek (BOH) bigarren sailkatuak. Hau guztia duzue entzungai mini podcast honetan.

Jatorrizko edukira joan

2018ko Giroko 17. etapan jokatu zen edizio honetako erlojupeko luzea. Bertan Dennisek (BMC) lortu du garaipena eta Yatesek (MTS) maillot arrosa mantentzeko moduko saioa burutu du. Sorpresa nagusia Aruren (UAD) denbora izan da. Guztia Iban Perezek (@piban) kontatzen digu mini podcast honetan.

Jatorrizko edukira joan