Egilea: Tropela Elkartea

2018ko Frantziako Tourreko 15. etaparen kronikatxoa egiten du Egoitz Lizasok (@elizaso) podcast honetan. Etapa honetan ere ihesaldi handi osatu da, 29 txirrindularitakoa hain zuzen ere. Tartean hiru euskaldun, Romain Sicard (TDE), Imanol Erviti (MOV) eta Ion Izagirre (TBM). Azken hau etapa garailearen hiruko tropeltxoan zen baina azkenean Cortek (AST) lortu du garaipena. Lidergoan Thomasek (SKY) jarraitzen du.

Jatorrizko edukira joan

Espero zen bezala, 2018ko Frantziako Tourreko 14. etapan ihesaldi bat osatu zen, jendetsua, non tartean Gorka Izagirre (TBM) eta Omar Fraile (AST) euskaldunak izan ziren. Azkenean garaipena Omarrek lortu zuen. Sailkapen nagusiko faboritoen artean ere lehia ikusi ahal izan zen eta bertan etekina atera ziona Roglic (TLJ) izan zen. Edonola ere Thomasek (SKY) jarraitzen du lider.

Jatorrizko edukira joan

2018ko Frantziako Tourreko 13. etapa Alpeetan izandako etapen ondorengo etapa izan da, lasaiagoa, eta esprinterrek ez zuten aukera galdu nahi. Bertan Sagan (BOH) izan da azkarrena erregulartasunaren sailkapenean lidergoa sendotuz. Gainontzean Thomasek (SKY) jarraitzen du lider. Nabarmentzekoa Nibalik (TBM) ez zuela irteerarik hartu erorikoa izan eta gero etxerako bidean baitzen. Nibaliren gertakariaren inguruan eta etapak eman zuenaren ingurukoa Egoitz Lizasoren (@elizaso) eskutik entzungai duzue mini podcast honetan.

Jatorrizko edukira joan

2018ko Frantziako Tourreko 12. etapa Alpe d’Huezen amaitu zen eta bertan berriro ere SKYk nagusitasuna erakutsi du. Thomasek (SKY) etapa irabazi eta lidergoa sendotu du. Guztia Imanolek (@imanolllucia) kontatzen digu mini podcast berri honetan.

Jatorrizko edukira joan

2018ko Frantziako Tourreko 11. etapan lider aldaketa izan da, Geraint Thomasek (SKY) etapa garaipena eta lidergoa eskuratu baititu. Mikel Nievek (MTS) eskura izan du etapa garaipena eguneko ihesaldian sartuta baina ez zaio posible izan. Movistar saiatu da Valverderen (MOV) erasoarekin lasterketa mugitzen baina ezerezean geratu da saiakera. Saiakera serioena egin duena Dumoulin (SUN) izan da. Hala kontatzen du Egoitz Lizasok (@elizaso) podcast honetan.

Jatorrizko edukira joan

Podcast honetan 2018ko La Coursek eta 2018ko Frantziako Tourreko 10. etapak eman duenaren laburpena egiten du Egoitz Lizaso (@elizaso).

La Coursen ikuskizuna izan dela azpimarratu digu, Van Vleuten garaile izan delarik. Euskaldunak ere bikain, batez ere Ane Santesteban 9. sailkatu baita.

Tourrea, aldiz, Alpeetako lehen etapa eta Quick-Stepeko Alaphilippe (QST) izan da ihesaldiari esker etapa garaipena lortu duena. Van Avermaetek (BMC) ere lider jarraitzen du eta errenta areagotu ihesaldian sartuta lortu duen errentari esker.

Jatorrizko edukira joan

Podcast honetan emakumezkoen txirrindularitzaz orokorrean, eta zehazki 2018ko La Course lasterketaz aritzen dira Mireia Epelde (txirrindulari ohia, @MireiaEpelde), Inaxio Esnaola (@inaxioesnaola) eta Egoitz Lizaso (@elizaso). Kiniela errepasatzen dute argibideak emanez eta ez dute ahaztu nahi izan Giro Rosak eman duena, azpimarratuz Eider Merino (MOV) eta Ane Santestebanen (ALE) mailak.

Jatorrizko edukira joan

2018ko Frantziako Tourreko 8. etaparen laburpena egiten digu Egoitz Lizasok (@elizaso) podcast berri honetan. Esprintean amaitu den etapan Groenewegen (TLJ) izan dela berriro ere garailea kontatzen digu. Baita nola Greipel (LTS) eta Gaviria (QST) zigortuak izan ziren. Gainontzean sailkapen nagusiko txirrindulari kaltetua Dan Martin (UAD). Lider, berriz, Van Avermaetek (BMC) jarraitzen du.

Jatorrizko edukira joan

2018ko Frantziako Tourraren 7. etaparen minipodcasta duzue hau. Bertan Egoitz Lizasok (@elizaso) esprintean amaitu den kronikatxoa prestatu digu. Garailea Groenewegen (TLJ) gaztea izan dela aipatzen digu, bere lehen garaipena Tour honetan. Sailkapen nagusian aldaketarik ez eta Van Avermaetek (BMC) jarraitzen du lider.

Jatorrizko edukira joan

2018ko Frantziako Tourraren 6. etaparen laburpentxoa egiten digu Imanol Lluciak (@imanolllucia). Etapa gaur Mür de Bretagnen amaitu eta bertan azkarrena Dan Martin (UAD) izan da. Van Avermaetek (BMC) lidergoari eusten dio. Faboritoen artean denbora galdu dutenak Bardet (ALM) eta Dumoulin (SUN) izan dira.

Jatorrizko edukira joan