Egilea: Tropela Elkartea

Hauxe duzue 2018ko Espainiako Vueltako 12. etaparen inguruan Egoitz Lizasok (@elizaso) grabatu duen podcasta. Bertan erabateko protagonismoa ihesaldiak izan duela kontatzen du Egoitzek, alde batetik etapa garailea bertan zelako, Geniez (ALM) frantziarra, eta bestetik, nahikoa denbora tartea lortuta, Jesus Herrada (COF) lasterketako lider berria baita ihesaldi horri esker.

Jatorrizko edukira joan

Gaur 2018ko Espainiako Vueltako 11. etapa jokatu da eta ihesaldiak bidea egitea lortu du etapa garaipenaren bila. Aurrera egin duen tropeltxo horretako indartsuena De Marchi (BMC) izan da eta berak eraman du etapa garaipena. Sailkapen nagusiaren lehian den Pinot (GFC) ere ihesaldian sartu da baina ez da gauza izan etekinik lortzeko. Lider Simon Yatesek (MTS) jarraitzen du. Hau eta gehiago kontatzen digu Iban Perezek (@piban) mini podcast honetan.

Jatorrizko edukira joan

Atseden egunaren ondoren, 2018ko Espainiako Vueltaren 10. etapa jokatu da. Mini podcast honetan Egoitz Lizasok (@elizaso) etaparen kronikatxoa egiten du. Esprintean amaitu den etapan Viviani (QST) gailendu da bere bigarren etapa garaipena lortuz. Sailkapen nagusian ez da aldaketarik eta Simon Yates (MTS) jarraitzen du lider.

Jatorrizko edukira joan

Podcast honetan 2018ko Espainiako Vueltako 9. etapak emandakoa kontatzen digu Egoitz Lizasok (@elizaso). Sailkapen nagusiko gizonentzat lehen test serioa, gaurkoan berriro ere ihesaldiak eraman du etapa eta bigarrenez Vuelta honetan King (DDD) izan da bi besoak jaso dituena. Sailkapen nagusiko Molardek (GFC) ezin izan dio eutsi lidergoari eta lider berria Simon Yates (MTS) da.

Jatorrizko edukira joan

Mini podcast berri honetan, Egoitz Lizasok (@elizaso) 2018ko Espainiako Vueltako 8. etapan eman duenaren laburpena egiten digu. Bertan azkarrena Valverde (MOV) izan da Sagan (BOH) bera ere gainditzeko gauza izan delarik. Sailkapen nagusian aldaketarik ez eta Molardek (GFC) jarraitzen du lider. Bihar sailkapen nagusiko txirrindularientzat lehen test serioa.

Jatorrizko edukira joan

2018ko Espainiako Vueltako 7. etapan Gallopin (ALM) gailendu zela kontatzen digu Egoitz Lizasok (@elizaso). Etapa gora-beheretsua, ihesaldi batekin espero bezala, baina azkenean indartsuenen tropeltxoan aurrera eginda frantziarra gailendu da. Sagan (BOH) ere berpiztu dela kontatzen digu. Sailkapen nagusian, aldiz, Molardek (GFC) jarraitzen du lider eta aldaketa nagusia Kwiatkowski (SKY) 6. postura atzeratu dela da eroriko baten ondorioz.

Jatorrizko edukira joan

2018ko Espainiako Vueltako 6. etaparen mini podcasta duzue hau, Egoitz Lizasoren (@elizaso) ahotsean. Etapa esprintean amaitu da eta bertan azkarrena Bouhanni (COF) izan da. Sailkapen nagusiari dagokionez, Kelderman (SUN) eta Pinotek (GFD) galdu dute denbora moztuta geratu baitira. Lider, ordea, Molardek (GFC) jarraitzen du.

Jatorrizko edukira joan

2018ko Espainiako Vueltan ere ihesaldiak eraman du etapa garaipena. Esprintean amaituko zen etapa izango zelakoan ginen, baina Egoitz Lizasok (@elizaso) kontatzen digun moduan, ihesaldian gailendu da. Bertan azkarrena Clarke (EFD) izan da. Hori bakarrik ez, Molardek (GFD) lider izateko besteko errenta lortu du eta berak eramango du bihar maillot gorria.

Jatorrizko edukira joan

Sailkapen nagusiko txirrindularientzat test berri bat izan da 2018ko Espainiako Vueltako 4. etapa. Hala kontatzen digu Iban Perezek (@piban) mini podcast berri honetan. Ihesaldia iritsi da eta bertan garailea King (DDD) izan da. Sailkapen nagusian postuetan aldaketak izan badira ere Kwiatkowskik (SKY) eusten dio lidergoari.

Jatorrizko edukira joan

Mini podcast honetan 2018ko Espainiako Vueltaren 3. etaparen kronika egiten digu Iban Perezek (@piban). Etapa aspergarria eta espero bezala esprintean amaitu dena. Guztietan azkarrena Viviani (QST) izan da. Sailkapen nagusian aldaketarik ez eta Kwiatkowskik (SKY) jarraitzen du lider.

Jatorrizko edukira joan