Egilea: Tropela Elkartea

2019ko Italiako Giroko 18. etapak esprintean amaitu behar zuela zirudien, eta hala pentsa arazi gaitzake sailkapenari begiratzen badiogu. Baina etapa honetan ihesaldia esprinterrei eta beren taldeei gailendu zaie. Cimak (NIP) lortu du etapa garaipena ihesaldiko hirukotea Denz (ALM) eta Maestrirekin (BRD) osatu duenak. Tropel nagusian Ackermann (BOH) izan da azkarrena. Etapa garaipenak ihes egin badio ere, behintzat erregulartasunaren maillota berreskuratu du. Gainontzeko sailkapenetan aldaketarik ez eta Carapazek (MOV) jarraitzen du lider.

Hau eta gehiago kontatzen digu Egoitz Lizasok (@elizaso) podcast honetan.

Jatorrizko edukira joan

2019ko Italiako Giroko 17. etapan berriro ere protagonista etapa ehiztariak izan dira. 30 bat laguneko ihesaldia eta bertan indartsuena Peters (ALM) frantziarra izan da. Atzetik Chaves (MTS) eta Formolo (BOH) iheskideak helmugaratu dira. Sailkapen nagusikoen arteko erasoak azken igoeran izan dira Movistarrekoen eskutik. Lehenik Mikel Landak (MOV) egin du aurrera eta atzetik Carapaz (MOV) eta Miguel Angel Lopez (AST) izan ditu. Atzerago Nibali (TBM) eta Roglicen (TJV) tropeltxoa.

Hau eta 18. etapak eman dezakeena Egoitz Lizasok (@elizaso) kontatzen digu podcast honetan.

Jatorrizko edukira joan

Azken astean sartuta, 2019ko Italiako Giroko 16. etapan Mortirolo igo beharra izan du tropelak. Ihesaldiak etapa honetan bere bidea egin du eta Cicconek (TFS), aurtengo Giroko protagonistetako batek, mendiko puntuak zakuratzeaz gain, etapa garaipena lortu du Hirtekin (AST) helmugaratuta. Faboritoen artean indartsuenak Movistarreko Carapaz (MOV) eta Mikel Landa (MOV), Bahreineko Nibali (TBM), Education Firsteko Carthy (EF1) eta Dombrowski (EF1), eta zertxobait atzeratuago helmugaratu bada ere, Miguel Angel Lopez (AST) izan dira. Roglicek (TJV) 1’22” galdu ditu faboritoekiko Mollema (TFS) eta Yatesekin (MTS) batera.

Hau guztia eta 17. etapak eman dezakeena Iban Perezek (@piban) kontatzen digu podcast honetan.

Jatorrizko edukira joan

Azken atseden egunaren aurreko etapa izan da 2019ko Italiako Giroko 15. etapa hau. Egoitz Lizasok (@elizaso) kontatzen duen moduan, ihesaldian bi izan dira protagonista, Cattaneo (ANS) eta Cataldo (AST). Azken hau izan da etapa garaipena lortu duena. Faboritoei dagokienez, Carapazek (MOV) eta Nibalik (TBM) denbora atera diote Roglici (TJV) batez ere izandako matxura eta erorikoagatik.

Bihar atseden eguna. Etzi ez dute azkenean Gavia igoko, baina etapa interesgarria aurre ikusten da.

Jatorrizko edukira joan

Berandu bada ere, hemen duzue 2019ko Italiako Giroko 14. etaparen mini podcast hau. Carapaz (MOV) izan zen indartsuena eta etapa garaipena lortzeaz gain, lidergoa berreskuratu ditu errentaz gain helmugako gain sariei esker. Roglic (TJV) orain 7 segundora aurkitzen da eta podiumeko hirugarren postuan Nibali (TBM) da etaparen ondoren. Hau guztia kontatzen digu Egoitz Lizasok (@elizaso) podcast honetan.

Jatorrizko edukira joan

Bigarren etapa menditsua gaurkoa eta ikuskizuna izan da. Ihesaldi jendetsuan Cicconek (TFS) mendiko sailkapeneko lidergora berreskuratu du eta bertan zen Zakarinek (TKA) etapa garaipena lortu du sailkapen nagusian podium postuetan jartzearekin batera. Pena, baina Mikel Nieve (MTS) ez da gauza izan errusiarraren erritmoari eusteko eta bigarren sailkatu da. Aldiz, hirugarren Mikel Landa (MOV) urrutitik erasoa jo ondoren. Dagoeneko lehen 10 postuetan sartu da Murgiako txirrindularia. Galtzaileen artean Simon Yates (MTS) eta Miguel Angel Lopez (AST) izan dira, azken honek matxura baten erruz. Hau guztia eta gehiago mini podcast honetan duzue entzungai Egoitz Lizasoren (@elizaso) eskutik.

Jatorrizko edukira joan

Lehen mendate serioa zuen etapa jokatu da eta ikuskizuna eman du. Horrela kontatzen digu Egoitz Lizasok (@elizaso) 2019ko Italiako Giroko 12. etaparen mini podcast honetan. Ihesaldiak sari bikoitza jaso du, izan ere Benedetti (BOH) italiarrak etapa garaipena eskuratu du eta Polancek (UAD), Contiren taldekideak; ihesaldiko errentari esker maillot arrosa.

Sailkapen nagusiko faboritoei dagokienez saiakera eta etekina Mikel Landa (MOV) eta Miguel Angel Lopezek (AST) lortu dute.

Jatorrizko edukira joan

Gaur izan da esprinterrentzat azken aukeretako bat eta ez dute alferrik galdu. Hiruko ihesaldi bat osatu bada ere, Frapporti (AND), Maestri (BRD) eta Cimak (NIP) osatua, esprinterren taldeek ondo kontrolpean izan dute. Azkenean azkarrena Ewan (LTS) txikia izan da. Sailkapen nagusian aldaketarik ez eta Contik (UAD) jarraitzen du lider. Hau guztia eta biharko etaparen pintzeladak Egoitzek (@elizaso) ematen dizkigu podcast honetan.

Jatorrizko edukira joan

Iban (@piban) arduratu da 2019ko Italiako Giroko 10. etaparen mini podcast hau prestatzeaz. Esprintean amaitu den etapa honetan Demare (GFC) garaile izan dela kontatzen digu azken kilometroan izan den erorikoa saihestu duen gizon azkarretako bat izan baita. Lider Contik (UAD) jarraitzen du.

Jatorrizko edukira joan

Atseden egunean grabatuta, Egoitzek (@elizaso) 2019ko Italiako Giroko 9. etaparen laburpentxoa egiten digu mini podcast honetan. Roglicek (TJV) nola denborarik onena ezarri zuen Campenaertsen (LTS) kaltetan kontatzen digu, eta nahiz eta Contik (UAD) arrosari eusteko gai izan zen, Roglic jada gainean duela.

10. etapa zailtasun berezirik gabeko etapa denez, esprintean erabakiko dela kontatzen digu.

Jatorrizko edukira joan