Egilea: Gramofonoa - etzi.pm

Buongiorno, mendebaldeko italiarrok!

Finalmente Italiako Giroa hastear da, eta puntata honetan ez dugu ziklismoaz (eta ziklismoaren bidez, Historiaz) aritzeko aukera galdu. Hauexek dira ascoltatrice maiteok saio honetan gozatu ahalko dituzuen edukiak:

• EditoriELE: Sterrato
• Elkarrizketa: Alfonsina Stradaz, Ottavio Bottecchiaz, Luigi Malabroccaz… insomma, Historia egin zuten ziklistez, eta haiei buruzko komikiez, Jon Tornerrekin.
• Irakurriamo: Eu, Alfonsina (Orfeu Negro, 2019), Malabrocca. Un uomo solo… al fondo (Renoir Comics) eta Bottecchia (Tunué, 2011).

Bukatzeko, tradizione bilakatu legez, hemen duzue gure editoriELEaren testua:

Maite ditugu ondo asfaltatutako errepideak. Maite dugu gure bizitzaren gurpila azalera leun baten gainean irristatzen dela sentitzea, belusezko musu kadentzial horren abaroan igarotzen ikustea zuhaitzak, kilometroak, urtaroak.

Beti ezin da, baina. Eta supituan eskulekuari irmo heldu behar diogu, hartxintxarren triki-traka sartzen zaigu hezur muineraino, bide zaharretako hautsa begietan nola. Bizitza, finean, sterratu zaigula sentitzen dugu.

Sabatini Coletti hiztegitik. Sterrato: Asfaltatu edo zolatu gabeko lurzoru edo bidea.

Estrata berriz (edo aurrenekoz) goxoa izango bada guk geuk jarri beharko ditugu zimenduak. Bitartean eragin pedalei, erakutsi haginak, pilatu amorru txinpartak.

Hau da Quarantazortzi, doppien aldeko asanblada. Eta etsipenari, i-ta-lo-fi-lia.

Irudiaren iturria: http://www.thebikecomesfirst.com/the-fight-to-be-last-at-the-giro-ditalia/

Jatorrizko edukira joan

Buongiorno, euskal italofilook!

Uda igaro da, eta lidoak hustearekin batera hemen da Quarantazortziren denboraldi berria. Ohiko legez, jarraian zerrendatuko ditugu puntata honetan entzun ahalko dituzuen edukiak:

• EditoriELE: Verdi d’invidia.
• Udapasa Natalia Gardeazabal eta David Zapirainekin.
• Historiaren txokoa: 1693ko lurrikara handia eta Siziliako barrokoa.
• Irakurriamo: S.P.Q.R., Kobane Calling eta Hondamuinean 2 (sei hilabete geroago).

Amaitzeko, gure editoriELEaren testua assaggia dezakezue:

Uda gau bat balitz, iraila hasiera izango litzateke zerumugan lehen argi printzak ikusten hasten garen une malenkoniatsu hori. Teknikoki oraindik gaua da, teknikoki oraindik taberna irekita dago, baina fikzioari hauspoa ematen tematzen garen arren, ondo dakigu commedia finita dela. Puntu batera iritsita, plantak egiteari uzten diogu, sorbaldetako giharrak laxatzen zaizkigu eta barraren epelera, hondartzako baretasun kadentzialera biltzen gara lagun batekin, eta aitortzen dizkiogu duela bi ordu, duela hamabost egun aitortuko ez genizkionak. Total, cameriereak erratza pasatzen hasi dira, lungomarea ez da jada gazteen begirada gurutzatu haragikoiez betea. Antzua da itxurakeria oro.

Eta guk aitortzen dugu baietz, indie pop talde hori gustuko dugula, eta min gozo bat dakarkigula kantu hark. Ospa, ospa irail hau. Berriz adoratu nahi zaitut izozkiari kosk egiten diozun bitartean. Ai, oinutsik, behatzak hondarrez beterik pedalei eragiten, zure Atala bizikleta gorrian…

Arrazoi dute The Giornalistik: la mia malinconia è tutta colpa tua. Uda arraro honetan Ekialdeko Italietaz horditzeko aukera izan duzuen guzti-guztiena da errua. Eta aitortzen dugu, inbidiaz berde gara. Siamo verdi d’invidia. Zentzurik onenean, hori bai: lagunek bizitakoek elikatzen gaituzte e ne siamo fieri.

Hau da Quarantazortzi, Stendhalen gaizzak jotakoen asanblada. Eta zin egiten dugu prima o poi edertasunak zorabiatuko gaituela berriz ere.

Jatorrizko edukira joan

Nibat zubia

Jatorrizko edukira joan

Buongiorno, euskal italofilook!

Maiatzarekin hasi beharko litzateke Italiako Giroa, baina aurten ezingo ditugu karreristak Dolomitetako passoak laino artean igarotzen ikusi. Alabaina, guk amore infinitoa zor diogu lasterketa honi, eta puntata honetan inoizko ediziorik berezienetako bati buruz aritu gara, 1946ko Giroari buruz, alegia.

Hauek dira saio honetan entzun ahalko dituzuen edukiak:

• EditoriELE: Bufala!
• Historiaren txokoa: 1946ko Giroa
• Julen Gabiriarekin elkarrizketa
• Irakurriamo: Desde lo alto se ve el mar (Julen Gabiria, Libros de Ruta, 2020), Arriva Italia: Gloria y miseria de la nación que soñó ciclismo (Marcos Pereda, Popum Books, 2015) eta Beruna patrikan (Ander Izagirre, Libros del K.O., 2015).

Aurrenekoz, saio guztiei hasiera ematen dien editoriELE atalaren transkripzioa duzue hemen:

Zaila da beste edozertaz hitz egitea. Zaila da datuek ezkutatzen dituzten hezur-haragizko errealitateak, gorputzak gureak izan daitezkeenean, gureak direnean. Eta izutu egiten gara, eta alegiazkoa izatera igaro den kanpoko munduarekin haria guztiz trenka ez dadin helduleku ia bakarra den pantailara begiratzen dugu irrikaz, eta jaso dugun edozein albiste partekatzen dugu, burmuinaren ezker hemisferioari analisirako aukerarik eman gabe sarritan. Batez ere gure aurreiritziak indartzen badituzte. Banengoen ni ba.

Eta hala gaude, fake news-ak nonahi.

Estatuak oinarrizko produktuen prezioak kontrolatzen baditu, ekoizpena eta, orokorrean, ekonomia hondoratuko dira.

Bufala.

Ez da shock doktrinarik: askatasun-murrizketa eta birzentralizazio guztiak aldi baterakoak dira, eta ongi beharrez hartuak.

Bufale.

Euskadi, pertsona helburu.

Bufala.

Agian ezin dugu gezurrak kontrolik gabe zabaltzea ekidin, baina zer sinetsi hauta dezakegu. Agian bada garaia alternatibak irudikatzeko. Pelloren egiak eraisteko, hautatzeko nola izendatzen ditugun, nondik izendatzen ditugun.

Treccani hiztegitik. Bufala. Baieztapen faltsua edo gertagaitza, asmakeria.

Macché fake news! Has gaitezen hasieratik, konfundi dezagun etsaia dotoreziaz.

Hau quarantazortzi da, euskal italofiloon combutta. Prego, acomodatevi.

Bukatzeko, archivioko harribitxi bi utziko dizkizuegu.

Baga: Triesteko etaparen osteko Settimana Incom albistegia:

Biga: L’Unità egunkari komunistak argitaratutako lerroburua, Triesteko etaparen osteko istilu antieslaviarrei buruzkoa.

Jatorrizko edukira joan

Buongiorno, Ekialdeko Italiak!

Bizi dugun osasun- eta politika-krisiak eragotzi du gure lehen konexio transitalikoa egin ahal izatea. Beraz, puntata honetan ezin izan dugu elkarrizketarik egin; bizitza-estiloen, zaintzaren eta antolaketa komunitarioaren inguruko hausnarketa erdigunean jarri (behar izan) ditugun honetan, hauek izango dira entzun ahalko dituzuen edukiak:

• Menefreghismoa ft. Gramsci
• Apirilaren 25a oroimenean: partigianak
• Irakurriamo: La casa in collina (Cesare Pavese)

Hemen duzue saioaren amaieran irakurri dugun liburu pasartearen bertsio originala:

Buon appetito!

Jatorrizko edukira joan

Buona dome(ni)ka, euskal italofilook!

Martxoko puntata aurrekoa baino luzetxoago dator: lana patxadaz, pianopianotxu egitearen albo-ondorioak dira eta #NeSiamoFieri.

Hauek dira saioak entzun ahal izango dituzuen edukiak:

• Zergatik sartu gara ipuru artean?
• Historiaren txokoa: Arberesch gutxiengoa eta haren hizkuntza.
• Elkarrizketa: EHID elkarteari, Repubblica Marinarei, Eoliei, Lampedusari eta beste hainbat konturi buruz Beñat Irasuegi compagnoarekin.
• Irakurriamo: Pier Paolo Pasoliniren Volgar’eloquio (gaztelaniaz Vulgar Lengua, ediciones El Salmón, 2017) liburuaren gomendioa.

Gogoratu saiora harpidetu eta atalak automatikoki deskargatu ahal izateko RSS jario hau erabili dezakezuela: https://etzi.pm/feed/podcast/quarantazortzi

Buon appetito!

Luigi del Giudice: Costumi albanesi in Calabria (1800).

Iturria: https://commons.m.wikimedia.org/wiki/File:Costumi_albanesi_in_Calabra_1800.jpg

Italia hegoaldeko mapa etnografikoa (1859).

Iturria: https://commons.m.wikimedia.org/wiki/File:Italia_albania1859.jpg

Jatorrizko edukira joan

Buona sera, euskal italofilook! Gioia handiz komunikatzen dizuegu gure podcasta ezziratu dugula, eta hilabeteroko puntata hemen entzuteko aukera izango duzuela hemendik aurrera.

Lehen saio honetan eduki hauek landu ditugu:

• Manifestu fundazionala.
• Podcastaren izenburuaren azalpena.
• Historiaren txokoa: 1848ko iraultzak Italietan.
• Elkarrizketa: Sardinen Mugimenduari buruz hizketan Markel Ruiz politologoarekin.
• Irakurriamo: Den-dena nahi dugu (Katakrak, 2019) eta Sandro Penna, bilduma bat (EFI&Farmazia Beltza, 2019) liburuen gomendioak.

Buon appetito!

Baldasare Verazzi, Episodio delle cinque giornate

Iturria: https://it.wikipedia.org/wiki/Cinque_giornate_di_Milano#/media/File:Episodio_delle_cinque_giornate_(Baldassare_Verazzi).jpg 

Jatorrizko edukira joan

MIT Technology review, Massachusetts Institute of Technology ezagunaren aldizkarian, Kapitalismoaren gezur handia edo Z Belaunaldia kolapsoaren ertzean zergatik dagoen artikulua topatu dut, eta zer pentsa eman dit. Kapitalismo teknologikoaren meka den horretan, hain garbi kolapsoaz, eraldaketaz eta sistemaren desagertzeaz ari badira, zerbaitengatik izango da, ezta?

Programa osoa entzun: Gramofonoa 01×10

Jatorrizko edukira joan

Ahots morroiak dira, etxeetan aurtengo sartuko diren gailu garrantzitsuenetakoa. Google Home, Amazon echo edo Apple Homepod gailuen mikrofonodun entzungailuak etxe askotan egongo dira Olentzeroren etorrerarekin batera. Atzean baina, entzuten, enpresa horiek aritu dira, gure apetei, baina ez beharrei, erantzuteko prest.

Programa osoa entzun: Gramofonoa 01×10

Jatorrizko edukira joan

Sistema kapitalistan egiten den lana industrializazioari eta makinismoari lotuta dago berez. Hau da, makina taktika gisa sartzen da produktibitatea handitzeko eta kostuak murrizteko, horrela etekin argia handitzeko. Betidanik, taktika horrek tentsioak ekarri zituen langileekin. Batetik, langileen makinen aurkako mugimenduak ere sortu ziren, ludismoa kasu. Bestalde, ekoizpen bitartekoen jabeek ahaleginak egiten zituzten langileen ordezkapena hobetzeko —fordismoa—, lan aldarrikapenak zatitzeko eta sindikatuak desegiteko taktika gisa —thatcherismoa—.

Programa osoa entzun: Gramofonoa 01×10

Jatorrizko edukira joan