Egilea: Argia

Europan AEBei buruz dugun iruditegian ez dira sartzen nekazari beltzak, ez gaur egungoak, ez eta iraganekoak ere. Baina atzera begira jartzen bagara, zehazki esklabotza garaira, ulertu dezakegu nola lapurtu zaien beltzei euren jatorri baserritarra eta lurrarekin zuten lotura. Pello Zubiriarekin aritu gara kontu hauetaz guztietaz.

Jatorrizko edukira joan

Agroindustriaren sektoreaz informatzeko orduan, zailtasun handien aurrean aurkitzen dira kazetari bretoiak. Inork ez du hitz egin nahi eta hitz eginez gero presioak, mehatxuak, auzibideak zein zentsurak dituzte ordainean. Sektore indartsua delako agroindustriarena Bretainian; diruaren eta irabazitako kargu politiko zein sindikalen bidez hitza kontrolatzen dabilena. Hori horrela, Kelaouiñ kolektiboa osatu dute kazetari batzuk, haien buruak babesteko eta informazio-eskubidea defenditzeko. Talde honen berri eman digu Jenofa Berhokoirigoinek aste honetako podcastean.

Jatorrizko edukira joan

Duela mende erdi, 1970eko abenduan, Burgosko Auziak sekulako indarra eman zion Euskal Herriaren alde eta Francoren diktaduraren kontra ETAk piztutako borrokari. Europako agenda politikoan sartu zuen euskal auzia, tartean uztailaren 28an 93 urterekin hil den Gisèle Halimi abokatuaren lanari esker. Aitzindaria izan da defenditzen Magrebeko askapen gerran eroritakoak, kolonialistek torturatuak, abortua egindako emakume kriminalizatuak…

Jatorrizko edukira joan

1975eko estatu kolpe ahantzia ekarri digu gogora Pello Zubiriak aste honetan. Erresuma Batuko erreginak eta Australiako Gobernadore Nagusiak 1970eko hamarkadan elkarri bidalitako mezuak –denak ez arren, gehienak– ikusgai jartzea ebatzi du Australiako Auzitegi Gorenak. Australia demokratikoaren historiako pasarte ilun bat argitzeko balioko dute agiri horiek: jendeak hautatutako gobernu bat nola uzkaili zuten AEBek eta Britainia Handiak.

Jatorrizko edukira joan

Euskal Matrixen parte hartu nahi? Bi aukera dituzue saio interaktibo honetan: pilula urdina hartu eta hauteskundeak EAJk irabaztea; edo pilula gorria irentsiz, EH Bildurena izatea garaipena. Lehenengo mundu horretara ohituta gaude, baina bigarrena gertatu izan balitz, zer? Saseta batailoia Ertzaintzaren ordez, eLAB sindikatu bat eta bakarra, Oskar Matute Tinder sailburu, Diario Vascoren egoitza Zubietako Erraustegian… Utzi irudimenari dantzan, ordubetez bada ere.

Jatorrizko edukira joan

Frantziako poliziaren arrazakeriaren gaia aktualitatean kokatzea lortu du Egia eta Justizia Adamarentzat izeneko komiteak. Poliziak Adama Traore hil zuen 2016ko uztailak 19 hartaz geroztik egindako lanaren emaitza da gaur egun Frantziako kaleetan gertatzen ari dena. Borroka antiarrazistaren “amerikartzea” dela esatea, arazoaren parean itsu izaten segitzea da. Frantziako Estatuan hemeretzi lagun hil eta beste 117 larriki kolpatu zituen poliziak iaz. Eta hiri inguruetakoek eguneroko ogi dituzte polizia gehiegikeriak eta arrazakeriak. Gaian sakontzeko, entzun Jenofa Berhokoirigoinekin egin dugun irratsaioa.

Jatorrizko edukira joan

Hauteskundeak ate joka ditugu EAEn, Ipar Euskal Herrian, aldiz, egin berri dira Herriko Etxeetako bozak abertzaleen indar erakustaldiarekin. Badirudi hegoan desagertzear den espeziea, abertzaleena, indartzen ari dela iparrean, eta fenomeno hori aztertzen saiatu gara, Julian Iantzik ondo erakutsi digun bezala, galderak inozoak eginaz. Hala ere, gu Ivanovichen alde, ipar zein hego, Dusko gudariak gara!

Jatorrizko edukira joan