Igerilekuan nago umeekin. Igerileku publikoak gutxi dira New Yorken negu partean igerian egin nahi izanez gero. Udan bai, udan doako putzu ugari dago, egurats zabalean, parkeetan eta auzoetan nonahi. Baina udako igerilekuek neguan beste betebehar bat izaten dute, izotz-pista bilakatzen dira.
🎧 Entzun podcasta
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
Podcastera harpidetu
