Konfinamenduak eta “normalitate berriranzko” bideak agerian utzi du, besteak beste, familia eta bikote egitura normatiboek pisua dutela, baita gizartearen iruditerian garrantzia handiagoa hartu dutela lagunarteko sareek baino. Bada, ordea, ohiko moduetatik kanpo bizitzeko hautua egina duenik. Itxialdiko arauak, eta deskonfinamenduko irizpideek, ordea, ez dituzte bizi eredu horiek aintzat hartu, eta, orain, are ikusezinago dira. Horri buruz arituko gara Marta Luxan soziologoarekin, eta hainbat testigantza ere bildu ditugu. Lohitzuneren umore tartea izango da, eta Lourdes Huizi hil berri den lankideari agurra egingo diogu BERRIAko kideok.
Berria | Berria FM: BERRIA egunkariaren podcast feminista da Berria FM. Puri-purian dauden gaiei genero ikuspegitik heltzeko espazioa. Bi astetik behin, asteazkenetan patxadaz landuko dira gaiak, baina zorroztasunik ez zaio falta podcastari. Izan ere, saioa Maider Galardi F. Agirre kazetariak gidatuko badu ere, hainbat kolaboratzailek eta BERRIAko beste zenbait langilek ere parte hartuko dute bertan. Ahots askotako podcast feminista, horixe da Berria FM.
Maiatzaren 15a zen itxialdia bukatzeko eguna New Yorken, baina itxura guztien arabera Cuomo gobernadoreak luzatu egingo du epea, ekainaren 6a arte. Hiria ez dago oraindik prest martxan hasteko, egia da egoerak nabarmen egin duela hobera, baina hain izugarria izan da gaitzaren erasana ezen ez den ausartzen. Gainera, azken egunotan umeak ere sartu dira hildakoen zerrenda beltzean. Derrigorrezko behargin horiek jarraituko dute lanean ezinbestean, gainontzekoak, etxetik, barruan barrukoak.
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
Ez gara ari deseskalatzen, rapelatzen ari gara, berriak ematen dugu kirol munduan. Baina beno, bagoaz beheraka apurka apurka eta normaltasun berrira hurbildu ahala ari gara gure eskubideak berreskuratzen: terrazak, kirola, lana eta kontsumoa. Baina hala ere, guk ondo dakigu, dena ez dela hain ongi aterako.
Aurrekoetan bezala, tertuliaz gain, dozena erdi atal gehiagok osatu dute emankizuna: Albisteak, Teoren abenturak eta kalentura, Aita ernegatua, Erantzungailua: Nor izango da koronabirusaren hurrengo biktima?, eta Ruper Ordorikaren kanta hautatua.
Gogoratu, bestalde, Telegram kanala ere sortu dute irratsaioko kideek. Apurka-apurka podcastaren ildo editorialarekin bat datorren edukia zabalduko dute bertan, nahi duen ororentzat aho-gozagarri.
Dunbala podcastaren bosgarren saioan, azken bi asteetan argitaratutako zenbait kantu berri aipatzeaz gain, diskoen azalak hartu dituzte hizpide Jagoba Salvador eta Eneritz Furyakek. Horretarako helduleku, Xabier Gantzarainek BADOKeko ‘Azaletik’ atalean idatzitako artikuluak izan dituzte. Horrez gain, Rakel Arenaza elkarrizketatu dute, Raitx proiektuaren lehen diskoaz solasteko, eta Danele Sarriugarte idazleak musikarekin duen harremanaz hitz egin digu.
Berria | Dunbala: Badok ataria lemazain duela, euskal musikari begiratua ematen dio Dunbala ’podcast’-ak, Eneritz Furyak eta Jagoba Salvadorren gidaritzapean. Batzuetan azken argitalpenen eta kontzertuen amuari kosk egin eta gaur-gaurko albisteei irakurraldi berri bat eman, eta bestetan, euskal musikaren DNA osatu duten riff, lelo, irudi eta melodien bidez, iragana da gogora dakarrena. Itsaso zabal horretako doinu ezagun gogoangarriek eta oraindik ezezagun eta berri zaizkigunek gidatuko dute saioa.
Castel Romano Erromatik 25 kilometrora dago, itsasoaren ondoan. Fabrizio De Andreren abesti batek dioen bezala, udaberrian mila mitxoleta gorriez beteriko zelaiez inguratuta dago. Castel Romano oso ezaguna da bertan kokatuta daudelako Cinecittà World jolas parkea, Designer Outlet luxuzko jantzien erosketa gunea eta Erromako ijitoen kanpalekurik handiena. Hirurak toki berean.
Berria | Zaitun: Zerutik begiratuta, tanto berdeak dirudite. Olibondoak Mediterraneoko paisaia, Italiatik Palestinara, janzten duten milurteko zuhaitzak dira. “Gure arbolek hitz egingo balute…”, esan zidan behin emakume palestinar batek. Historiaren testigu mutuak direla pentsatuko dute askok, baina haien fruituek, olibek, hizkuntza unibertsala hitz egiten dute. Horregatik, Zaitun deitu diogu Podcast honi. Oliba esateko arabierara jo dugu, erroetara. Bi astetik behin Mediterraneoko txoko desberdinetako kontuak hurbilduko dizkizuegu. Istorio batzuk, Italiako nondik-norako politikoei buruz. Beste batzuk, berriz, ahanzturara kondenatuak diruditen errefuxiatuen inguruan. Denak oliba zukuaren gustu fresko eta, zergatik ez, mikatzarekin.
Iratzarri egin da hiria asteburu honetan, jende andana atera da kalera, nahiz eta etxean geratzeko aholkua maiatzaren 15a arte ez den bukatzen. Eguraldiak ere lagundu du, udaberria bete betean, eguzkitsu eta hogeitik gora gradu. Halako berpiztea, bi hilabetetan zehar kalean inor gutxi gurutzatu eta gero. Autoz hustutako etorbideak ere beteago, taxi horiren bat tarteka.
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
Laja eta Landakandaren ordezkoak topatzeaz gain, Duterte eta Bukele bikote berria, nazioarteari begirada sakon eta objektibo bat eman diogu aste honetako tertulian. Trumpengandik hasi eta Putineraino, nola ez, Ipar Koreatik igarota.
Aurrekoetan bezala, tertuliaz gain, dozena erdi atal gehiagok osatu dute emankizuna: Albisteak, Teoren abenturak eta kalentura, Aita ernegatua, Erantzungailua: Nor izango da koronabirusaren hurrengo biktima?, eta Ruper Ordorikaren kanta hautatua.
Gogoratu, bestalde, Telegram kanala ere sortu dute irratsaioko kideek. Apurka-apurka podcastaren ildo editorialarekin bat datorren edukia zabalduko dute bertan, nahi duen ororentzat aho-gozagarri.
Bidali zure apustua
Esan nor izango den, zure ustez, koronobirusaren hurrengo biktima. Grabatu mugikorrez zure erantzuna eta bidali mezua: 669 36 29 82 zenbakira Telegram edo WhatsApp bidez edo beranduegi@argia.eus helbidera e-postaz.
Hitz eman moduan, epeak laburtuz, hemen duzue 8. saio berri hau. Bertan behin gure podcasta, gure audioa grabatu ondoren, zer egin beharko genukeen kontatzen dut: non gorde eta nola eman “irteera” sortu berri dugun audio horri.
🎧 Entzun podcasta
Podcastak.eus podcastak: webgune honetako podcasta duzue. 2017ko abenduaren 3an abiatu da proiektu hau, bai webgunea baita podcasta bera ere. Proiektuaren helburu nagusia euskarazko podcastak bultzatzea da.
Maiatzarekin hasi beharko litzateke Italiako Giroa, baina aurten ezingo ditugu karreristak Dolomitetako passoak laino artean igarotzen ikusi. Alabaina, guk amore infinitoa zor diogu lasterketa honi, eta puntata honetan inoizko ediziorik berezienetako bati buruz aritu gara, 1946ko Giroari buruz, alegia.
Hauek dira saio honetan entzun ahalko dituzuen edukiak:
Aurrenekoz, saio guztiei hasiera ematen dien editoriELE atalaren transkripzioa duzue hemen:
Zaila da beste edozertaz hitz egitea. Zaila da datuek ezkutatzen dituzten hezur-haragizko errealitateak, gorputzak gureak izan daitezkeenean, gureak direnean. Eta izutu egiten gara, eta alegiazkoa izatera igaro den kanpoko munduarekin haria guztiz trenka ez dadin helduleku ia bakarra den pantailara begiratzen dugu irrikaz, eta jaso dugun edozein albiste partekatzen dugu, burmuinaren ezker hemisferioari analisirako aukerarik eman gabe sarritan. Batez ere gure aurreiritziak indartzen badituzte. Banengoen ni ba.
Eta hala gaude, fake news-ak nonahi.
Estatuak oinarrizko produktuen prezioak kontrolatzen baditu, ekoizpena eta, orokorrean, ekonomia hondoratuko dira.
Bufala.
Ez da shock doktrinarik: askatasun-murrizketa eta birzentralizazio guztiak aldi baterakoak dira, eta ongi beharrez hartuak.
Bufale.
Euskadi, pertsona helburu.
Bufala.
Agian ezin dugu gezurrak kontrolik gabe zabaltzea ekidin, baina zer sinetsi hauta dezakegu. Agian bada garaia alternatibak irudikatzeko. Pelloren egiak eraisteko, hautatzeko nola izendatzen ditugun, nondik izendatzen ditugun.
Treccani hiztegitik. Bufala. Baieztapen faltsua edo gertagaitza, asmakeria.
Macché fake news! Has gaitezen hasieratik, konfundi dezagun etsaia dotoreziaz.
Hau quarantazortzi da, euskal italofiloon combutta. Prego, acomodatevi.
Bukatzeko, archivioko harribitxi bi utziko dizkizuegu.
Gramofonoa | etzi.pm: Etzi izan nahi duguna gaur eztabaidatzeko tresna Itsas nabigazioaren oinarrietako bat beti izan da aurreikuspenak egin eta ezezagunak diren itsas bideetan barrena nabigatzea, batzuetan aberastasunak, lurralde edo bide berriak aurkitu asmoz eta beste askotan ezezaguna zaigun horretan etorkizun hobeak bilatu eta eraikitzeko. Gaur egun ordea, dena ezaguna dela iruditzen zaigun garai hauetan, zeinetan batzuk ia historiaren amaiera aldarrikatu duten, etorkizun hobe edo ezberdinen bila ekiteko grina lausotu zaigu, eta horrekin batera etorkizuna helburu, aurreikuspenak egiteko gaitasuna. etzi.pm etorkizunak eraikitzeko bidean nabigatzeko tresna izateko asmoarekin jaio zen eta gramofonoa, teknologia eta jendarte gaiak uztartuz, etorkizun horiek hedatzeko.
Berria | Berria FM: BERRIA egunkariaren podcast feminista da Berria FM. Puri-purian dauden gaiei genero ikuspegitik heltzeko espazioa. Bi astetik behin, asteazkenetan patxadaz landuko dira gaiak, baina zorroztasunik ez zaio falta podcastari. Izan ere, saioa Maider Galardi F. Agirre kazetariak gidatuko badu ere, hainbat kolaboratzailek eta BERRIAko beste zenbait langilek ere parte hartuko dute bertan. Ahots askotako podcast feminista, horixe da Berria FM.
