![[Ilunabar Aldea] Zazpi Frekuentzia – Lehen instantzia: VECON- 1 (AtopiaRPG)](/app/uploads/2019/12/Zazpi-Frekuentzia-500x458.png)
Guifi sareak unibertsalizatzeaz batera Frekuentzia Modulatuak uzten joan ziren irrati gehienak. 2006rako ez zen estaziorik gelditzen. Honetaz jabetuta Agentziak Existentzia Modulatua plana martxan jarri du, uhinen espektro hori izaki bizidunekin okupatzeko. Plana arrakasta erabatekoa izan zen 2007an. Teknologiak bikain funtzionatu du, bai hardware, bai software-mailan. 2019rako biztanleriaren %2 soilik gelditzen da desmaterializatu gabe.
Zazpi frekuentzia ezagun hedatu dira Euskal Herrian, eta zazpi Euskal Herri paralelo habitagarri zabaldu praktikan. Denak daude leku berean, lurralde berean, baina frekuentzia bateko biztanleak ez du kontakturik beste frekuentziekin.
Zazpi Frekuentzia abentura edo kanpaina bezala jokatu ahal izateko moduan diseinatuta dago. Rolkast saio honek VECON “Vieja Escuela CON” jardunaldietan jokatutako partida jasotzen du, bi ataletan bereiztuta. Audioaren kalitatea oso eskasa da, inguruko zarata dela eta, baina hala ere merezi duelakoan gaude, jokalariek bereziki istorio koloretsu eta dibertigarria margotu zutelako.
🎧 Entzun podcasta
Gramofonoa | etzi.pm: Etzi izan nahi duguna gaur eztabaidatzeko tresna Itsas nabigazioaren oinarrietako bat beti izan da aurreikuspenak egin eta ezezagunak diren itsas bideetan barrena nabigatzea, batzuetan aberastasunak, lurralde edo bide berriak aurkitu asmoz eta beste askotan ezezaguna zaigun horretan etorkizun hobeak bilatu eta eraikitzeko. Gaur egun ordea, dena ezaguna dela iruditzen zaigun garai hauetan, zeinetan batzuk ia historiaren amaiera aldarrikatu duten, etorkizun hobe edo ezberdinen bila ekiteko grina lausotu zaigu, eta horrekin batera etorkizuna helburu, aurreikuspenak egiteko gaitasuna. etzi.pm etorkizunak eraikitzeko bidean nabigatzeko tresna izateko asmoarekin jaio zen eta gramofonoa, teknologia eta jendarte gaiak uztartuz, etorkizun horiek hedatzeko.
Podcastera harpidetu
