EITBpodkast – 7 orrialdea

2021/09/29-(e)an

Etorkizuneko ikasgela marrazten

Zalantzarik gabe, espazioak asko baldintzatzen du gelako jarduna. Gure ikastetxeetako gelak ikasleek irakasleari entzuteko prestatuta daude orokorrean, baina, bada hori aldatzeko asmoa duen proeikturik. Future Classroom Lab delakoaz hitz egingo dugu saio honetan. Lehenago ere landu genuen gaia Arrate Ugalde Zarauzko Orokieta eskolako irakaslearekin. Bera da Euskal Herrian gai honetan lanean dabilen adituetako bat.

Jantzi kaskoak eta adi!

Aipatutako baliabideak:

https://fcl.eun.org/

https://auladelfuturo.intef.es

🎧 Entzun podcasta

Jatorrizko edukira joan

ZuZeu Podcast | 10 minututan: 10 minututan gauza asko egin daitezke. Maite Goñik zuzentzen duen podcast honetan teknologia eta hezkuntza lotzen dituen hariari tirako diogu baina. Eskolan aplikatzeko trikimailu errazak, bogako aplikazioak edo azken joerak ekarriko ditugu mahai gainera. Ba al dituzu 10 minutu?

Podcastera harpidetu

2021/09/22-(e)an

Kurtso hasiera, elkar ezagutzeko sasoia (II)

Ingelesez, Icebreakers; euskaraz, izotz apurtzaileak edo. Badakizu, norbait ondo ezagutzen ez duzunean, hasierako une deseroso horretan lagungarri gertatzen diren kontu horiek… Baina hezkuntzaren alorrean, beste esanahi bat dute. Gelan giro lasai bat sortzeko erabiltzen dira, ikasleak euren artean hobeto ezagutu daitezen edo lankidetzarako prestatzeko. Saio honetan, aurrekoaren segidan, jarduera batzuk proposatuko dizkizugu.

Jantzi kaskoak eta adi!

🎧 Entzun podcasta

Jatorrizko edukira joan

Podcastera harpidetu

2021/09/15-(e)an

Kurtso hasiera, elkar ezagutzeko sasoia

Ikasturtea ondo abiatzea garrantzitsua da (harremanak eraikitzea, taldean giro ona sortzea, helburuak ipintzea…). 10minututan podcastaren ikasturteko lehen atal honetan, elkar hobeto ezagutzeko jarduera batzuk proposatu ditugu.

Jantzi kaskoak eta adi!

🎧 Entzun podcasta

Jatorrizko edukira joan

Podcastera harpidetu

2021/07/23-(e)an

#37.- Maria Jauregi Lasa, memoria txatalak elkartzen

Duela 21 urte ETAk tiroz erail zuen Maria Jauregiren aita Juan Mari Jauregi, Gipuzkoako Gobernadore Zibil ohia. Bizitza zeharkatu zion hilketa hark eta Maixabel Lasa amarekin batera ahots propioz hitz egin izan du biktimen kolektiboan. 2018an eskaini zuen bere lehenengo elkarrizketa eta ordutik erreferentzia bihurtu da elkarbizitzari eta memoriari dagokionean. Bilboko etxeko ateak zabaldu dizkigu.

🎧 Entzun podcasta

Jatorrizko edukira joan

ZuZeu Podcast | Barruan Gaude: Elkarrizketa podcasta, baina, ez edonolakoa. Astero astero Oier Aranzabalek pertsonaia baten etxera sartuko gaitu, berarekin solasean jardun eta istorio berriak kontatzeko. Sortzaileak, musikariak, aurkezleak eta zerbait interesgarria esateko daukan oro.

Podcastera harpidetu

2021/07/22-(e)an

08: Boterea lokatzetan. Pentsamendu feministan narrasean

“Boterea lokatzetan”. Baziren behin bi arrai gazte, pasieran zebiltzala arrai zaharrago batekin topo egin zutenak, bat-batean. Azken horrek, diosala egin eta esan zien:
-Egun on, mutilak! Nolako ura dugu gaur?
Arrai gazteek igerian segitu zuten, euretako batek besteari begiratu eta galdera egin zion arte:
-Aizak, zer demontre duk ura?
Arrainak uretan nola, hala bizi gara gu, botere harremanen eta borroken artean igeri.
Gidaritza, Ainara Lasak, Amagoia Gurrutxagak, Idurre Eskisabelek eta Lorea Agirrek.
Elkarrizketatuak, Jule Goikoetxea, Itziar Ituño eta Uxue Barkos.
Sinadura, Maialen Berasategik.
‘Ai gure juaneteak’, Itziar Diez de Ultzurrunek.
Musika aukeraketa, Maider eta Leire trikitilariek: Paquita la del Barrio, Anari, Patti Smith eta Merina Gris.
Sintonia, Mursegok, Lourdes Iriondoren ‘Hala ere’ kantua birbisitatuz.
Soinu errealizazioa, Joxe Alkainek.

🎧 Entzun podcasta

Jatorrizko edukira joan

Lokatza: Pentsamendu feministan narrasean, Amagoia Gurrutxaga, Idurre Eskisabel, Ainara Lasa eta Lorea Agirre sortzaileek gidatuta.

Podcastera harpidetu

2021/07/15-(e)an

#36.- Gaizka Insunza, abesti bilatzailea

Gernikako juntetxetik oso gertu bizi da Gaizka Insunza, Audience taldeko abestigile eta musikaria. Melomano hutsa da eta etxera sartu orduko senti daiteke musikarekiko duen pasioa. Bi piano ditu: bata zaharra eta desafinatua, bestea berriz abestiak egiteko erabili ohi duena, fina eta doinu ederrekoa. Gitarrak, teklatuak, eta diskoak. Disko mordoa paretetako apalategietan.
Etxeko ateak zabaldu dizkigu eta hona hemen emaitza.

🎧 Entzun podcasta

Jatorrizko edukira joan

Podcastera harpidetu

2021/07/08-(e)an

#35.- Maite Larburu, musikarekin irakurtzen du iragana.

Hamasei urtez Holandan bizi ostean, Hernanira porturatu da Maite Larburu. Portua auzora hain zuzen ere, amona bizi zen etxera. Musika barrokoa ikasi du Amsterdamen eta Europako hamaika orkestrarekin jo izan du biolina.
Antzinako musika ikertzen duen ororen lana da XVII. Mendean musika nola jotzen, ulertzen eta entzuten zen asmatzen saiatzea. Ia obsesio bihurtzeraino. Animalien tripekin egindako biolinaren kordak erabiliz, doinuera edo testura sonoro jakin baten bila. Edo Mamutaren letaginekin arku dantzarinaren akaberak egitea, esaterako.

🎧 Entzun podcasta

Jatorrizko edukira joan

Podcastera harpidetu

2021/07/07-(e)an

07: Sormena lokatzetan. Pentsamendu feministan narrasean

“Sormena lokatzetan”. Bizenta Mogelek 1804ean argitaratu zuen ‘Ipui onac’ liburua, emakume batek euskaraz plazaratutako lehena. Hitzaurrean bertan zioen jabetzen zela emakume batenak ez ziren egitekoetan sartu zela. Joan dira geroztik 217 urte. Eta zubi fantastiko bat eraikiko bagenu orduko eta gaurko garaien artean? Zer galdetuko ote lieke Mogelek egungo emakume sortzaileei? Zenbateraino aldatu ote da artista eta emakume izatearen kondizioa bi mende luzeotan?

Gidaritza, Ainara Lasak, Amagoia Gurrutxagak, Idurre Eskisabelek eta Lorea Agirrek.
Elkarrizketatuak, Ihitz Iriart, Idoia Beratarbide eta Leire Bilbao.
Sinadura, Miren Gaztañagak.
“Ai gure juaneteak”, Nerea Ibarzabalek.
Musika aukeraketa, Maider eta Leire trikitilariek: Jupiter Jon, Amaren Alabak, Gora Japon, Lumi eta Eneritz Furyak.
Sintonia, Mursegok, Lourdes Iriondoren ‘Hala ere’ kantua birbisitatuz.
Soinu errealizazioa, Joxe Alkainek.

🎧 Entzun podcasta

Jatorrizko edukira joan

Lokatza: Pentsamendu feministan narrasean, Amagoia Gurrutxaga, Idurre Eskisabel, Ainara Lasa eta Lorea Agirre sortzaileek gidatuta.

Podcastera harpidetu

2021/07/02-(e)an

#34.- Iñaki Peña, bizitza edo azkenengo bidaia

Egunero begiratzen dio heriotzari begietara Iñaki Peñak. Medikua da Arrasateko Ospitalean eta zaintza aringarrietan egiten du lana. Paliatibista ere esaten zaio. Bere ofizioaz aparte hiru dokumental zuzendu ditu heriotza ardatz dutenak; hurrenez hurren, ‘Aulki Hutsak’. ‘Saminetik bakera’ eta ‘Mendian hil, hirian hil’. Argi du bere ofizioa ez dela sendatzea, edo ez hori bakarrik. Bidelagun izatea dela hein batean, laguntzaile bizitza den azkenengo bidaia honetan.

🎧 Entzun podcasta

Jatorrizko edukira joan

Podcastera harpidetu

2021/06/24-(e)an

#33.- Jakoba Errekondo, lurrari eman eta lurretik hartu

Agronomoa eta paisajista da Jakoba Errekondo. Ezaguna egingo zaizu idatzi dituen landareen inguruko liburuengatik, edo akaso Euskadi Irratian 1985etik egiten duen kontsultategia medio. Oriotik Usurbilera doan errepidea eskuinetara utzi eta sagarrondo sailak igarota, Urkamendi bidearen amaieran dago Jagoba Errekondoren baserria. 20 urte baino gehiago darama bertako lurrei eman eta bertako lurretik hartzen. Etxeko ateak zabaldu dizkigu.

🎧 Entzun podcasta

Jatorrizko edukira joan