Euskarazko podcastak biltzen dituen webgunea
Xerezaderen Artxiboa: Munduko literaturarik onena euskaraz irakurrita: E. A. Poe, Perkins-Gilman, Maupassant, Borges… Xerezaderen eskutik misterioa, beldurra, grina, umorea eta mila zirrara gehiago biziko dituzu astero. Itxi begiak eta gozatu, munduan gauza gutxi baitago hain atseginak nola ipuin on bat patxadaz entzutea.
Eskerrak emateko egunaren zubia dela eta, asteburua Washington hiriburu inguruan pasatzea erabaki genuen. Handik hurre dago, Mount Vernon, Washington presidentea bizi izan zen etxea. Virginiako etxalde hura leku ikusgarrian dago eraikia, muino batean, nondik Potomac ibai erraldoia ikusten den, eta atzean, baso amaiezinak. Eraikina ikusteko gela batetik bestera igarotzen zara, eta gida desberdin bat egoten da zain gela bakoitzean, horrela atseginagoa egiten delarik bisitaldia. Lehenengo gidak azaldu digu hirurehun esklabu egon zirela han lanean presidentea bizi zen garaian. “Hasieran esklabuak aipatu ere ez ziren egiten, gero datu deseroso bat bezala hartzen zen hura, eta orain, etxe honetan bizi izan ziren guztien istorioa kontatzen saiatzen gara, argi eta garbi”.
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
Datorren astean zabalduko ditu ateak Durangoko Azokak, eta horren barruan Ahotsenea guneak. Bost egunetan 50 kontzertu hartuko ditu Plateruena kafe antzokiak. Miren Narbaiza Ahotseneako koordinatzaileak aurtengo ediziorako aurreikuspenak azaldu dizkigu elkarrizketa kuze batean. Horrez gain, Ghau proiektu berria eta Joseba Tapiaren lan berria izan dituzte hizpide atal honetan.
Berria | Dunbala: Badok ataria lemazain duela, euskal musikari begiratua ematen dio Dunbala ’podcast’-ak, Eneritz Furyak eta Jagoba Salvadorren gidaritzapean. Batzuetan azken argitalpenen eta kontzertuen amuari kosk egin eta gaur-gaurko albisteei irakurraldi berri bat eman, eta bestetan, euskal musikaren DNA osatu duten riff, lelo, irudi eta melodien bidez, iragana da gogora dakarrena. Itsaso zabal horretako doinu ezagun gogoangarriek eta oraindik ezezagun eta berri zaizkigunek gidatuko dute saioa.
Indarkeria obstetrikoa nazioarteko erakundeen eta bertako bizipenez josita.
Ama(t)Asunak: Amak. Amatasunak. Gozoak eta garratzak. Amatasunaren asunak. Amatasun askeak, amatasun feministak. Amatasunen inguruan, amatasun feministez, ikuspegi anitzez, esperientzia eta iritzi desberdinez beteko dugu urteetan ikusezin bihurtu den espazioa. Guztiok ama ez bagara ere, guztiok alaba garelako. Sabeletik Munduraren podcast hau, nik, Nahia Alkorta Elezgaraik gidatua da. Informazioa boterea dela eta informaziorik gabe erabaki askerik ez dagoela uste dut. Horregatik, 2013. urtetik haurdunaldi aurretik hazierara bideraturiko informazioa euskaraz eskaintzen dihardut. Podcast honetan ikuspegi desberdinetako emakumeak izango ditut bidela
Bilbo hiriaren amaiera batean, ibaizabal estutzen hasten den lekuan bizi da Goizalde Landabaso. Kazetaria eta idazlea da eta hainbat liburu argitaratu ditu; hala nola, eleberria, poesia eta saiogintza. Urtero bi aldiz ospatzen du urtebetetzea eta 2007az geroztik Radio Euskadin lan egin du. Bera da erdal hedabide batean euskalgintzak izan lezakeen konplize onena. Zabaldu ditzagun bere etxeko ateak.
ZuZeu Podcast | Barruan Gaude: Elkarrizketa podcasta, baina, ez edonolakoa. Astero astero Oier Aranzabalek pertsonaia baten etxera sartuko gaitu, berarekin solasean jardun eta istorio berriak kontatzeko. Sortzaileak, musikariak, aurkezleak eta zerbait interesgarria esateko daukan oro.
Hezkuntza teknologikoko txosten garrantzitsuenek (Gartner, Horizon…), azken urteetan, adimen artifiziala aipatzen dute joera nagusienen artean. Eta ez teorian bakarrik. Praktikan ere, pixkanaka izan arren, helburu ezberdinekin adimen artifiziala gero eta gehiago erabiltzen hasi da. Adibidez, liburu analogiko baten testua digitalizatzeko, testuak ahots edo bideo bihurtzeko edo kameretan ikasleen egoera emozionala atzemateko.
Atal honetan adimen artifizialaz ariko gara.
Jantzi kaskoak eta adi!
ZuZeu Podcast | 10 minututan: 10 minututan gauza asko egin daitezke. Maite Goñik zuzentzen duen podcast honetan teknologia eta hezkuntza lotzen dituen hariari tirako diogu baina. Eskolan aplikatzeko trikimailu errazak, bogako aplikazioak edo azken joerak ekarriko ditugu mahai gainera. Ba al dituzu 10 minutu?
Azaroaren 11an, MUNDUA ERALDATUZ GOZATZEKO ERREZETA LIBURUAren aurkezpena aprobetxatu genuen, gure hirian egon zen desobedientzia zibileko ekintza handiena gogoratzeko.
2013an, gazte batzuen atxiloketa zailtzeko, hiritarrak beren gorputzak erabiliz, erresistentzia harresi bat sortu zuten gazte hauen inguruan, gerora HERRI HARRESIA izenez gogoratuko zena. Eta asteak eraman zituzten horrela, hainbat ekimen kultural eginik Donostiako Bulebarrean.
Egun hoietan, Bulebarra ASKE GUNEA izan zen hainbat aldarrikapen, manifestazio, kontzertu, hitzaldi etabarrerako.
Gune hori gogoratzeko, zer hobe bertan atxilotuak izan ziren gazteetako bi-ren esperientziak zuzenean jakitea baino? Horretarako Oier Lorente eta Adur Fernandez izan genituen Marruman, eta errepasu itzela eman zioten urte hartako bizipenei: nola ideatu zen desobedientzia hori? nola moldatu zen? nola lagundu zuen herriak?
Hau eta gehiago aurkituko duzu bideo hontan.
On egin!
______________________
FITXA TEKNIKOA:
Hizlaria: Lander Arbelaitz
Solaskideak: Oier Lorente eta Adur Fernandez
Audio grabaketa: Txusta
Bideo grabaketa: Beñat Apala
Audio/bideo edizioa: Maköki
______________________
MARRUMA KULTURALAK sarean:
Ixoox-en entzuteko: Labur.eus/MKpod
YouTuben ikusteko: Labur.eus/MKtube
Instagram: Labur.eus/MKinsta
Facebook: Labur.eus/MKface
Telegram: Labur.eus/MKtele
Emailez kontaktatzeko:
marrumakulturalak@gmail.com
Marruma Kulturala | MK – Akustikoak: MARRUMA KULTURALAK, Donostiako Marruma elkartean igandeetan egingo ditugun igande kulturalei izen ematen dion proiektua da. Kultura alroan herriari proiektu berriak jakinarazteko plataforma izango dena.
AKUSTIKOAK sailean, musika taldeak emango ditugu ezagutzera: elkarrizketa eta kontzertu akustikoa tartekatuz, taldeetara gerturatuko gara.
Urtemuga dugu Berria FMn, orain bi urte sortu bai genuen podcasta, indarkeria matxistaren aurkako egunaren bezperan. Gaurkoan ere hortaz arituko gara, baina ez hortaz soilik: Maider Barañano Euskal Herriko Neska Gazteetako kidea izango da kolektiboaren nondik norakoak azaltzen eta azken aldian landu dituzten hainbat proiekturen berri ematen. Umorean, serio, Ramoni arituko da eta biharko mobilizazioak ere jasoko ditugu saio honetan.
Berria | Berria FM: BERRIA egunkariaren podcast feminista da Berria FM. Puri-purian dauden gaiei genero ikuspegitik heltzeko espazioa. Bi astetik behin, asteazkenetan patxadaz landuko dira gaiak, baina zorroztasunik ez zaio falta podcastari. Izan ere, saioa Maider Galardi F. Agirre kazetariak gidatuko badu ere, hainbat kolaboratzailek eta BERRIAko beste zenbait langilek ere parte hartuko dute bertan. Ahots askotako podcast feminista, horixe da Berria FM.
Semeak larunbat gaua pasatu behar zuen lagun baten etxean. Pozik zegoen, aspaldi zen etxetik kanpo gaurik igarotzen ez zuela, pandemia aurretik akaso. Lo-zakua motxilan sartuta, lagunaren egongelan jarri behar zuten kanping dendan lo egitera eraman nuen. Laguntxoa eraikin altu batean bizi da, hogeita hamalaugarren solairuan, hain zuzen. Igogailua atea ixtera zihoala harrapatu genuen, doi-doia. “Primeran, garaiz iritsiko gara”, pentsatu genuen.
Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.
Iker eta Jare mangladian galduta dabiltza. Iker lasaitasuna mantentzen ahalegintzen da baina Jare, ordea, gainezka eginda dago azken aldian gertatu zaionarekin eta, batez ere, Nizarrengaitik.
Gorbeiako hirigunean, goizeko guardia egiten duten zaintzaileek kanpoko harresian dauden zakur basati batzuk uxatu eta erdi-janda dagoen esku bat topatzen dute.
———————————
Fitxa Teknikoa :
Zuzendariak: Oier Aranzabal eta Juan G. Andrés
Gidoia: Xabier eta Martin Etxeberria
Aktore zuzendaritza: Anartz Zuazua
Aktoreak: Aitziber Garmendia, Eneko Sagardoy, Anartz Zuazua, Iñaki Beraetxe, Anaia Hennebutte; Sara Cozar, Klara Badiola , eta Bikoiztaile euskaldunen elkarteko kideak
Soinu diseinua: Xanti Salvador eta Koldo Corella
Soinu banda orijinala: Rafa Rueda eta Aritz Aranburu
Irudiak: Xabier Sagasta
Ulu Mediak EITB podkasterako espresuki ekoitzitako fikzio podcasta da.
Artxipelagoa: Podkast oinarrizko soinu fikziozko serie distopikoa. Zuzendariak: Oier Aranzabal eta Juan G. Andres, soinu diseinua: Xanti Salvador, ekoizpena: Podcastfilia.