Kategoria: Barruan Gaude

#42.- Nagore Legarreta, argiarekin magia egiten du

Argitalpenaren egilea EITBpodkast-(e)tik
Argitalpenaren data 2021/11/04
Ez dago iruzkinik#42.- Nagore Legarreta, argiarekin magia egiten du sarreran

Nagore Legarretak poto, kutxa eta poxpolo kaxekin argazki kamerak eraikitzen ditu. Eta gero haien zulo nimiñoetatik argia harrapatu eta uneak izozten ditu. Emakume biluziak, Indiako merkatuak, hondartzetako siestak. Guztiak betikotuak. Hernaniko Portuan, lehendik bisitatu genuen etxe bateko atariaren parean dago artista honen bizitokia. Amonarena zen etxea eta orain bere egiteko prozesuan da. Mudantza oraindik amaitzeke, etxeko ateak zabaldu dizkigu eta sukaldeko mahaian jarri ditugu mikrofonoak.

🎧 Entzun podcasta

Jatorrizko edukira joan

ZuZeu Podcast | Barruan Gaude: Elkarrizketa podcasta, baina, ez edonolakoa. Astero astero Oier Aranzabalek pertsonaia baten etxera sartuko gaitu, berarekin solasean jardun eta istorio berriak kontatzeko. Sortzaileak, musikariak, aurkezleak eta zerbait interesgarria esateko daukan oro.

Podcastera harpidetu

Barruan Gaude EITBpodkast

#41.- Jabier Muguruza, poesiaren hauspoaz

Argitalpenaren egilea EITBpodkast-(e)tik
Argitalpenaren data 2021/10/28
Ez dago iruzkinik#41.- Jabier Muguruza, poesiaren hauspoaz sarreran

Irungo Pilar kalean bizi da Jabier Muguruza, Alberdania argitaletxearen egoitzatik gertu. Akordeoiarekin birtuosoa eta hitzekin jostaria bera, adituek intimista bezala definitu dute bere bakarkako diskografia. Hamaika musikarirentzako jo du akordeoia, Delirium Tremens, Kortatu, Xabier Lete, Antton Valverde edo Imanol Larzabalentzat, besteak beste. Etxean maitatua, baina baita Katalunia aldean ere, ibilbide oparoa egin du musikaren zein literaturaren alorrean. Etxeko ateak zabaldu dizkigu, solasaldirako prest.

🎧 Entzun podcasta

Jatorrizko edukira joan

Podcastera harpidetu

Barruan Gaude EITBpodkast

#40.- Hedoi Etxarte: Ekialdetik dator, gauetik dator

Argitalpenaren egilea EITBpodkast-(e)tik
Argitalpenaren data 2021/10/22
Ez dago iruzkinik#40.- Hedoi Etxarte: Ekialdetik dator, gauetik dator sarreran

Idazlea eta itzultzailea, poeta eta pentsalaria. Liburu-dendaria eta editorea. Gauza asko da Hedoi Etxarte. Elkarrizketa egin dugun sasoian kaleratu du ‘Sortaldekoak’ (2021, Susa) liburu ederra. Bere azken bigarren poema liburua. Eta Iruñeko Donibane auzoko bere etxeko ateak zabaldu dizkigunean, berriz, asteazken goiza da, langileak beharrean daude eta mikak hegan. Sukaldeko mahaian egin dugu solasaldia.

🎧 Entzun podcasta

Jatorrizko edukira joan

Podcastera harpidetu

Barruan Gaude EITBpodkast

#39.- Gorka Bereziartua, boligrafo gorriaz idazten du

Argitalpenaren egilea EITBpodkast-(e)tik
Argitalpenaren data 2021/10/15
Ez dago iruzkinik#39.- Gorka Bereziartua, boligrafo gorriaz idazten du sarreran

Hogeita hemeretzigarren atalean ofiziokide batek zabaldu digu atea. Argia astekariko kazetaria da, kazetari zorrotza, kritikoa. Boligrafo gorria astintzen duen horietakoa. Ahoan bizarrik gabe hitz egiten duena. Euskal kultur kazetaritzako luma nabarmenetako bat ezbairik gabe. ‘Ez gara neutralak’ argitaratu zuen 2019an, Argia astekariaren 100 urteko ibilbidea eta kazetaritza jorratzen zuen liburu interesgarria. Normalean istorioen atzetik ibili ohi bada ere, atala grabatu dugun sasoian eszedentzian harrapatu dugu, aita izan baita berriki. Etxeko saloi argitsuan egin dugu elkarrizketa.

🎧 Entzun podcasta

Jatorrizko edukira joan

Podcastera harpidetu

Barruan Gaude EITBpodkast

#38.- Bernardo Atxaga, behitasunaren apologia

Argitalpenaren egilea EITBpodkast-(e)tik
Argitalpenaren data 2021/10/07
Ez dago iruzkinik#38.- Bernardo Atxaga, behitasunaren apologia sarreran

Etxeko azken solairua oso osorik liburutegi egina du Bernardo Atxagak. Teilatua liburuok babesteko espresuki eraikia balego bezala. Apenas dago ezer liburuekin zer ikusirik ez duenik. Butaka bat, mahai txiki bat eta lanpara, irakurtzeko oinarrizkoak den argia emango diona. Solairu bat beherago, bere bulegoan, jarri ditugu mikrofonoak eta hitz egin dugu laguntasunaz, auzoaz eta iluntasunaz, besteak beste. Atxagaren Zalduondoko etxean sartu gara.

🎧 Entzun podcasta

Jatorrizko edukira joan

Podcastera harpidetu

Barruan Gaude ZuZeu Podcast

#37.- Maria Jauregi Lasa, memoria txatalak elkartzen

Argitalpenaren egilea EITBpodkast-(e)tik
Argitalpenaren data 2021/07/23
Ez dago iruzkinik#37.- Maria Jauregi Lasa, memoria txatalak elkartzen sarreran

Duela 21 urte ETAk tiroz erail zuen Maria Jauregiren aita Juan Mari Jauregi, Gipuzkoako Gobernadore Zibil ohia. Bizitza zeharkatu zion hilketa hark eta Maixabel Lasa amarekin batera ahots propioz hitz egin izan du biktimen kolektiboan. 2018an eskaini zuen bere lehenengo elkarrizketa eta ordutik erreferentzia bihurtu da elkarbizitzari eta memoriari dagokionean. Bilboko etxeko ateak zabaldu dizkigu.

🎧 Entzun podcasta

Jatorrizko edukira joan

Podcastera harpidetu

Barruan Gaude ZuZeu Podcast

#36.- Gaizka Insunza, abesti bilatzailea

Argitalpenaren egilea EITBpodkast-(e)tik
Argitalpenaren data 2021/07/15
Ez dago iruzkinik#36.- Gaizka Insunza, abesti bilatzailea sarreran

Gernikako juntetxetik oso gertu bizi da Gaizka Insunza, Audience taldeko abestigile eta musikaria. Melomano hutsa da eta etxera sartu orduko senti daiteke musikarekiko duen pasioa. Bi piano ditu: bata zaharra eta desafinatua, bestea berriz abestiak egiteko erabili ohi duena, fina eta doinu ederrekoa. Gitarrak, teklatuak, eta diskoak. Disko mordoa paretetako apalategietan.
Etxeko ateak zabaldu dizkigu eta hona hemen emaitza.

🎧 Entzun podcasta

Jatorrizko edukira joan

Podcastera harpidetu

Barruan Gaude ZuZeu Podcast

#35.- Maite Larburu, musikarekin irakurtzen du iragana.

Argitalpenaren egilea EITBpodkast-(e)tik
Argitalpenaren data 2021/07/08
Ez dago iruzkinik#35.- Maite Larburu, musikarekin irakurtzen du iragana. sarreran

Hamasei urtez Holandan bizi ostean, Hernanira porturatu da Maite Larburu. Portua auzora hain zuzen ere, amona bizi zen etxera. Musika barrokoa ikasi du Amsterdamen eta Europako hamaika orkestrarekin jo izan du biolina.
Antzinako musika ikertzen duen ororen lana da XVII. Mendean musika nola jotzen, ulertzen eta entzuten zen asmatzen saiatzea. Ia obsesio bihurtzeraino. Animalien tripekin egindako biolinaren kordak erabiliz, doinuera edo testura sonoro jakin baten bila. Edo Mamutaren letaginekin arku dantzarinaren akaberak egitea, esaterako.

🎧 Entzun podcasta

Jatorrizko edukira joan

Podcastera harpidetu

Barruan Gaude ZuZeu Podcast

#34.- Iñaki Peña, bizitza edo azkenengo bidaia

Argitalpenaren egilea EITBpodkast-(e)tik
Argitalpenaren data 2021/07/02
Ez dago iruzkinik#34.- Iñaki Peña, bizitza edo azkenengo bidaia sarreran

Egunero begiratzen dio heriotzari begietara Iñaki Peñak. Medikua da Arrasateko Ospitalean eta zaintza aringarrietan egiten du lana. Paliatibista ere esaten zaio. Bere ofizioaz aparte hiru dokumental zuzendu ditu heriotza ardatz dutenak; hurrenez hurren, ‘Aulki Hutsak’. ‘Saminetik bakera’ eta ‘Mendian hil, hirian hil’. Argi du bere ofizioa ez dela sendatzea, edo ez hori bakarrik. Bidelagun izatea dela hein batean, laguntzaile bizitza den azkenengo bidaia honetan.

🎧 Entzun podcasta

Jatorrizko edukira joan

Podcastera harpidetu

Barruan Gaude ZuZeu Podcast

#33.- Jakoba Errekondo, lurrari eman eta lurretik hartu

Argitalpenaren egilea EITBpodkast-(e)tik
Argitalpenaren data 2021/06/24
Ez dago iruzkinik#33.- Jakoba Errekondo, lurrari eman eta lurretik hartu sarreran

Agronomoa eta paisajista da Jakoba Errekondo. Ezaguna egingo zaizu idatzi dituen landareen inguruko liburuengatik, edo akaso Euskadi Irratian 1985etik egiten duen kontsultategia medio. Oriotik Usurbilera doan errepidea eskuinetara utzi eta sagarrondo sailak igarota, Urkamendi bidearen amaieran dago Jagoba Errekondoren baserria. 20 urte baino gehiago darama bertako lurrei eman eta bertako lurretik hartzen. Etxeko ateak zabaldu dizkigu.

🎧 Entzun podcasta

Jatorrizko edukira joan