Egilea: Tropela Elkartea

2020ko Italiako Giroko 4. etapa honetan lehen “volata” ikusteko aukera izan dugu. Aspaldian ikusi ez bezala, hiru gizon azkar izan dira helmuga marraren gainean, non photofinishak Demare (GFC) izan dela lehena ebatzi duen Sagan (BOH) eta Baleriniren (DQT) aurretik. Esprintean sartu ez direna Gaviria (UAD) eta Hodeg (DQT) izan dira igoeran atzeratuta geratu ondoren tropel nagusiarekin bat egiteko gai ez baitira izan. Sailkapen nagusian Almeidak (DQT) jarraitzen du arrosaz.

Hau eta biharko etapak eman dezakeenaren inguruan aritzen da Iban Herandezek (@piban) podcast honetan.

Podcastera harpidetu

Jatorrizko edukira joan

2020ko Italiako Giroko 3. etapa honetan sailkapen nagusiko gizonek lehen testa izan dute. Ezinak jota atzean geratu dena ezustean Yates (MTS) izan da, baina lehenago, hiru erorikok eraginda, Thomas (IGD) bera izan da Giroaren lehiatik guztiz kanpoan geratuta. Hori bai, etapa garaipena ihesaldian izan den Caiceko (EF1) kolonbiako txapeldunak eraman du meritu osoz eta ia-ia maillot arrosa bereganatzeko moduan ere izan da. Azkenean, bikain dabilen Almeida (DQT) gazteak jantzi du.

Hau eta biharko etapak eman dezakeenaren inguruan aritzen da Egoitz Lizaso (@elizaso) podcast honetan.

Podcastera harpidetu

Jatorrizko edukira joan

Gaur jokatu da 2020ko Italiako Giroko 2. etapa eta bertan garaile Ulissi (UAD) izan da. Eguneko ihesaldia izan bada ere, tropelak uneoro kontrolpean izan du berau. Helmuga goian izanda, Ulissik egindako mugimendua erabakigarria izan da eta aipatzekoa bere atzetik Sagan (BOH) eta Honoré (DQT) sailkatu direla. Sailkapen nagusian aldaketa esanguratsurik ez eta Gannak (IGD) jarraitzen du lider.

Gaurko etaparen laburpena eta bihar ikusi dezakeguna Iban Hernandezek (@piban) laburbiltzen ditu podcast honetan.

Podcastera harpidetu

Jatorrizko edukira joan

Jokatu da 2020ko Italiako Giroko lehen etapa, bakarkako erlojuaren kontrako saioa. Bertan espero moduan Ganna (IGD) nagusitu da eta arrosaz jantzi da. Zortea, berriz, ez du alde izan Miguel Angel Lopezek (AST) eta eroriko baten ondorioz lasterketa utzi beharrean izan da.

Hau eta biharko etapan eman dezakeena Iban Hernandezek (@piban) kontatzen digu podcast berri honetan.

Podcastera harpidetu

Jatorrizko edukira joan

Larunbat honetan abiatuko da 2020ko Italiako Giroa. 3 erlojupeko izango dituen edizio hau urrian jokatuko da pandemiak eraginda denboraldia berrantolatu beharrean izan baita UCI.

Podcast honetan Imanol Llucia (@imanolllucia), Eneko Garate (@egarate) eta Egoitz Lizaso (@elizaso) bildu dira bai ibilbideari errepasoa emateko, eta bereziki, Tropelaren aurtengo Giroaren kinielari.

Podcastera harpidetu

Jatorrizko edukira joan

Podcast honetan 2020ko Frantziako Tourrak Tropelan eta Tropelako erabiltzaileongan izan duen eraginaz aritzen dira solasean Iban Hernandez (@piban), Lander Garro (@landergarro), Eneko Garate (@egarate) eta Egoitz Lizaso (@elizaso). Errepaso honetan Tourra hasi aurreko podcastean esandakoak ere ekartzen dituzte gogora.

Podcastera harpidetu

Jatorrizko edukira joan

Amaitu da 2020ko Frantziako Tourra gaur jokatu den 21. etaparekin. Garaipen berezia lortu du Bennettek (DQT) Parisen izan ere ez baita ohikoa berdez jantzita irabaztea. Edonola ere protagonista Pogacar (UAD) izan da Tourra, mendiko saria eta gazte onenaren sariak poltsikoratuz.

Podcast honetan Egoitz Lizasok (@elizaso) Tourrari berari baino Tropelako kinielari egiten dio errepasoa.

Podcastera harpidetu

Jatorrizko edukira joan

Gaurko 20. etapa erabakigarria izan da 2020ko Frantziako Tourreko garailea erabakitzeko. Bertan ezustekoa emanda, Pogacarrek (UAD) izugarrizko erlojuaren kontrako saioa eginda, etapa garaipena, mendiko sailkapena, gazteen sailkapena, eta garrantzitsuena, Tourra bera irabazi ditu Roglicek (TJV) hein batean ez baitu espero zen bezain saio ona burutu. Podiumeko postuetan ere aldaketa izan da Portek (TJV) saioa ona egin baitu eta aldiz Miguel Angel Lopezek (AST) oso kaxkarra. Hain kaxkarra non Mikel Landak (TBM) eta Enri Masek (MOV) sailkapen nagusian ere aurreratu egin duten kolonbiarra.

Etapari errepasoa eta biharko azken etapak eman dezakeenaren kontakizuna duzue podcast honetan bilduta Iban Hernandezen (@piban) eskutik.

Podcastera harpidetu

Jatorrizko edukira joan

Etapa eta maillot berdearen lehiak baldintzatutako etapa izan da. Azken igoeran tropeltxo batek aurrera egin du eta bigarrenez, guztiak ezustean hartuta, Kragh Andersenek (SUN) tropeltxo horretan erasoa jo eta bere bigarren etapa garaipena lortu du 411. podcastean aipatzen genuen moduan. Berdearen lehian Sam Bennett (DQT) nagusi izan da eta sailkapen nagusian aldaketarik ez, Roglicek (TJV) jarraitzen du lider.

Hau eta Frantziako Tourreko 20. etaparen ingurukoak biltzen ditu Iban Hernandezek (@piban) podcast honetan.

Podcastera harpidetu

Jatorrizko edukira joan

Gaur jokatu da aurtengo Tour honetako azken mendiko etapa garrantzitsua. Bertan ihesaldi mardul bateko parte izanda, Carapaz eta Kwiatkowski (INS) helmugaratu dira elkarrekin azken honek etapa garaipena lortuz. Azpimarratzekoa Pello Bilbaoren (TBM) lana etapa lehiatzeko hauekin izan baita atzeratuta geratu den arte, eta edozein kasutan, ondoren Mikel Landari (TBM) sailkapen nagusian aurrera egiten laguntzeko ere lanean izanik. Mikel Landa (TBM) mugitu da, baina, gutxi ez izanik ere, lortu duen saria sailkapen nagusian 5. postura igotzea izan da Adam Yates (MTS) eta Urani (EF1) denbora aterata.

Biharkoak trantsizioko etapa behar luke eta ihesaldia zein esprinterren arteko lehia espero da. Sailkapen nagusikoentzat atseden eguna izango da, larunbateko erlojupeko garrantzitsurako indarrak errekuperatzeko eguna.

Hau eta gehiago duzue entzungai Egoitz Lizasoren (@elizaso) eskutik datorkizuen podcast berri honetan.

Podcastera harpidetu

Jatorrizko edukira joan