Egilea: Tropela Elkartea

Beste etapa menditsu bat izan da aurtengo Italiako Giroko 6. etapa. Ihesaldiak bidea egitea lortu eta Mäderrek (TBV), Mikel Landaren taldekideak, etapa garaipena lortu du. Faboritoen artean Bernal (IGD), Dan Martin (ISN) eta Evenepoel (DQT) azaldu dira indartsuen.

Lider aldaketa izan da izan ere De Marchik (ISN) tropel nagusiarekiko atzeratuta zen jada kilometro askoren faltan eta orain maillot arrosa Valter (GFC) gazteari egokitu zaio 4. etapako ihesaldian lortutako errentari esker.

Hau eta 7. etapak eman dezakeenaren inguruan, Iban Perezek (@piban) podcast berri hau prestatu digu.

Podcastera harpidetu

Jatorrizko edukira joan

Berriro ere esprinterrentzako eguna izan da gaurko Italiako Giroko 5. etapa eta ongi kontrolatua izan dute beraien taldeek hala izan zedin. Azkarrena gaurkoan helmugan Ewan (LTS) izan da, bigarren Nizzolo (TQA) izan delarik. Bigarren postu horri esker, erregulartasunaren sailkapenean buruan jarri da italiarra.

Edozein kasutan gaurko notizia Mikel Landaren (TBV) erorikoa eta etxeratzea izan da. Bidard (ACT) eta Dombrowskirekin (EFN) batera izandako erorikoan, hiruak ala hiruak etxerako bidea hartu behar izan dute erdibitzailea adierazten ari zen motozalearen kontra jo ondoren. Ez dira hauek etxerako bidea hartu duten bakarrak, izan ere Sivakov (IGD) berak ere aurrez eroriko bat izan eta, helmugaratu bada ere, bihar ez da irteeran izango.

Hau eta gehiago kontatzen digu Egoitz Lizasok (@elizaso) podcast berri honetan.

Podcastera harpidetu

Jatorrizko edukira joan

Bueltan da 15ero saioa ale berri batekin. Oraingo honetan Imanol Lluciak (@imanolllucia), azken lasterketei errepasoa emateaz gain, Ander Okamika Burgos-BH taldeko lekeitiarra elkarrizketatu du bertan. Saioa borobiltzeko, Italiako Giroaren lehen egunen inguruko iritziak biltzen ditu Inaxio Esnaola (@inaxioesnaola) kidearekin batera.

Podcastera harpidetu

Jatorrizko edukira joan

Berriro ere ihesaldiak bidea egitea lortu du egun euritsu honetan. Tartea nahiko lortu dute iheslariek tropel nagusiarekiko, eta bertako indartsuena Dombrowski (UAD) amerikarra izan da. Lider aldaketa ere izan da, izan ere Gannak (IGD) tropelaren erritmoari eusteko gai ez da izan, ezta Giro honetako faboritoetan aurkitzen zen Almeida (DQT) besteak beste. Italiar bat izango da lider berria, gaurkoan bigarren sailkatu den De Marchi (ISN).

Hau eta faboritoen artean izan de lehia errepasatzen du Iban Perezek (@piban) podcast berri honetan.

Jatorrizko edukira joan

Ihesaldia protagonista Italiako Giroko 3. etapa honetan. Borak lan egin badu ere, eta ondoren beste gizon azkarren taldeak ihesaldi hori bertan behera uzteko lanean aritu badira ere, Van der Hoornek (IWG) , Tropelan %0,2ak zuen txirrindulariak, ondo eutsi dio bere abantailari eta etapa garaipen handia lortu du. Esprintean azkarrena Cimolai (ISN) izan da. Sailkapen nagusian, arrosari dagokionez, aldaketarik ez.

Hau eta gaurko etapak eman duenaren inguruk hausnarketa Egoitz Lizasoren (@elizaso) eskutik aurki dezakezue podcast berri honetan.

Jatorrizko edukira joan

Italiako Giro honetako lehen esprinta ikusi dugu gaurkoan eta Merlier (APC) belgiarra izan da nagusi. Esan daiteke ezustekoa eman duela Tropelan bertan ere ez baikenaun azkarren lehen multzoan. Atzetik Nizzolo (TQA) eta Elia Viviani (COF) sailkatu dira. Lider izaten Gannak (IGD) jarraitzen du.

Hau eta etapak emandakoaren inguruan, podcast labur hau Iban Perezen (@piban) ahotsean duzue entzungai.

Jatorrizko edukira joan

Hasi da 2021eko Italiako Giroa eta hemen duzue 1. etapak emandakoaren mini podcasta. Bertan Gannak (IGD) etapa eta millot arrosa janztea lortu du Affini (TJV) eta Fossen (TJV) aurretik. Hautagai nagusien artean azkarrena Almeida (DQT) izan da eta lehen euskalduna Jonathan Castroviejo. Hau eta gehiago kontatzen du Egoitz Lizasok (@elizaso) podcast honetan.

Jatorrizko edukira joan

Badator 2021eko lehen itzuli handia! Ohiko egutegiari jarraituz, aurtengo 2021eko Italiako Giroa larunbatean bakarkako erlojuaren kontrako saio batekin ekingo zaio eta 21 etapen ostean, Milanen amaituko da beste erlojuaren kontrako saio batekin. Italiako lasterketa honi errepasoa egin, eta batez ere, kiniela aztertzeko, podcast honeta Lander Garro (@landergarro), Iban Perez (@piban) eta Egoitz Lizaso (@elizaso) bildu dira.

Ez ahaztu sarien lehian izateko Laboral Kutxak babestutako sailkapena dugula. Eman izena kiniela gordetzerakoan! Zorte on!

Podcastera harpidetu

Jatorrizko edukira joan

Saio berri honetan, Imanol Lluciak (@imanolllucia), ohi bezala txirrindularitzako berri nagusiak errepasatzeaz gain, Euskaltel-Euskadi taldeko Garikoitz Bravo eta Kern Pharmako Jon Agirre txirrindulariak elkarrizketatu ditu.

Jatorrizko edukira joan

Tropelaren 15ero saioaren 4. atal honetan, Xabier Muriel Caja Rural – Seguro RGA taldeko prestatzailea elkarrizketatu dugu. Horretaz gain, azken asteetan izandako lasterketei errepasoa egiteaz gain, txirrindularitza munduko azken fitxaketen inguruan eta abian den Itzuliaren inguruko hausnarketa egiten dute Eneko Garte (@egarte) eta Egoitz Lizasok (@elizaso) Imanol Lluciak (@imanolllucia) gidatutako saioan.

Podcastera harpidetu

Jatorrizko edukira joan