Egilea: EITBpodkast

Ikasgela iraultzeak ez dirudi ideia ona denik, lehen kolpean. Ziur 10 minutuok igaro ostean ez zaizula horren bide txarra irudituko. Flipped Learning edo Flipped Classroom delako ikasketa moldea zer den azalduko dugu. Ikasleak partaide egiteko, aktibatzeko eta entzule huts ez izateko sortutako sistema da. Maite Goñik azalduko dizu zirt edo zart.

Erreferentziak:

• Screecastify
• Screencast o matic
• Edpuzzle
• FLGlobal learn.flglobal.org
• The Flipped Classroom theflippedclassroom.es

Jatorrizko edukira joan

Irakasle batek ikasle bat Twitterren blokeatzea zilegi da? Galdera zaila da erantzuten, edo agian ez, baina ziur irakasle bakoitzak izango duela bere ikuspuntua. Bere irizpidea. Tira, sarean badira hainbat bizikidetza arau, komunikatzeko eta harremanak izateko unean kontutan izan behar ditugunak. Netiketa deitzen zaie (Netiquette ingeleraz) eta 1995ean idatzi ziren lehenengoz. Maite Goñik zirt edo zart azalduko dizu.

Hauxe duzu ’10 minututan’ podcastaren lehen denboraldiko azken atala, datorren denboraldian gehiago, oroitu gainerako atalak ere entzungai dituzula zure audio plataforma kuttunean.

Erreferentziak:

• Maha Abed – General guide to Netiquette
• Bryan Lunduke – Looking at 1995 netiquette … in 2019

Zerekin geratuko gara?

• www.netiquetate.com

Jatorrizko edukira joan

Europako Parlamentuak 2006ko ebazpen batean esan zuen zortzi direla konpetentzia nagusiak bizitzarako. Horietako bat da konpetentzia digitala. Baina digitalki konpetentea ote zara? Zer ezaugarri bete behar dira konpetente izateko? Eta garrantzitsuagoa dena, zer jakin behar du irakasle batek konpententzia digitala ikasgelara eraman eta bertan lantzeko? 10 minututan azalduko dizu Maite Goñik.

Erreferentziak:
– Rhys Corcoranen Youtubeko katea.
– 10 minututan podcasteko aurreko kapituluak 

Zerekin geldituko gara?
– Ikanos Testa.

Jatorrizko edukira joan

Metodologia berriak ari dira hedatzen eskoletan eta horri oso estuki lotuta doa ebaluazioa, eta berau ulertzeko molde berriak. Proiektuetan eta erronketan oinarritutako hezkuntzaz askotan hitz egin dugu podcast honetan eta gaurkoan Portfolio delakoei helduko diegu entzule baten galdera medio. Portfolioak bogan dira ikasgeletan, baina, zergatik? Zertarako? Hori azaltzeko Sirats Santa Cruz gonbidatu dugu saiora. Doktoradutza egiten ari da gaia honen inguruan, eta ongi azalduko dizkigu ñabardura guztiak.

Jatorrizko edukira joan

Azken tendentzietarik iraultzaileentarikoak dira errealitate birtuala eta errealitate areagotua. Esparru guztietan izango dute eragina, baita hezkuntzan ere. Posible izango da Egiptoko piramideen oinean jartzea edo molekula baten barrura sartzea, halako baliabideekin. Teknologia berri hauen etorrerak nola eragingo dio ikasgelari eta hezkuntza prozesuari? Maite Goñik azalduko dizu 10 minututan. 

Erreferentziak:
Alex Faaborg (Google) – Designing for virtual reality and the impact on education
Florian Radke – How Augmented Reality Will Change Education Completely

Zerekin geldituko gara?
Google Expeditions

Jatorrizko edukira joan

Mark Prensky hezkuntza guruak 2001ean esan zuen belaunaldi berriak, 1984 urtetik aurrera jaioak, natibo digitalak direla eta immigrante digitalok ez ditugun gaitasunak dituztela teknologiari dagokionean. Baina askoz ere konplexuagoa da gaia, izan ere, ikerketa askoren arabera gauza bat da teknologiekiko dugun lotura eta abildadea, eta beste bat bertako edukiak eta hizkuntza interpretatzeko dugun gaitasun kritikoa. Alfabetizazio mediatikoaz hitz egingo dugu gaur, 10 minututan. 

Erreferentziak:
Mark Prensky – Digital Natives.
EiTBren dekalogoa.
http://labur.eus/iturriakegiaztatu

Jatorrizko edukira joan

Podcastak modan daude. Ez da bazterretara begiratu besterik egin behar konturatzeko jende guztiak dituela ahotan. Podcast bat zer den dagoeneko azaldu genuen kapitulu pilotuan, baina, errepaso bat emango diogu. Eta urrunago joango gara, podcastak hezkuntzan nola erabili ditzakegun azaltzeko. 10 minututan, Maite Goñirekin.

Jatorrizko edukira joan

Saio honetako gaia entzule batek proposatu beharrean, Maite Goñik berak ekarri du mahai gainera. Azken aldian hezkuntzan joera da IDU delakoa, Ikaskuntza Diseinu Unibertsala. Baina zer da? Nondik dator? Eta garrantzitsuena, zertan hobetu dezake ikaskuntza prozesua? Josi Sierrak azalduko digu.urte askotan lan egin du Berritze Gune Nagusian eta aditua da IKTetan.

Jatorrizko edukira joan

Saio hau irakasleentzat bezainbeste izan liteke ikasleentzat. Selektibitatea datorkizuenontzat, zein, karreran zabiltzatenontzat. Nola memorizatzen ditugu edukiak, nola ikasten dugu? Zer prozesu ematen dira gure burmuinean? Ba al da aholku onik ikasketa prozesua errazteko? Argi dago neurozientziak azken hamarkadetan egin dituen aurrerapenek asko lagun dezaketela hezkuntza ulertzen, eta galdera zaharrei erantzun berriak emateko orduan. Honetaz guztiaz gako batzuk emango dizkizu Maite Goñik 10 minututan.

Erreferentziak:
Sandra Van Aalderen – Teachers, know your brain!

Zerekin geldituko gara?
Quizlet (Android edo iOS)

Jatorrizko edukira joan

Hezkuntza munduaren erronketako bat etorkizuneko lanetan beharko diren gaitasunak lantzea da. Izan ere gure haur eta gazte asko oraintxe existitzen ez den lan batean jardungo dira. Zer gaitasun landu behar dira? Nola aurreikusi etorkizuneko beharrak? Tira, Zarauzko Orokieta ikastetxean GELAB sortu dute horretarako. Gela eta laborategia uztartzen dituen proiektu interesgarria. Arrate Ugalde gonbidatu dugu egitasmoaz mintzatzeko. 10 minututan, Maite Goñirekin!

Jatorrizko edukira joan