iraila 2021 – Podcastak.eus

2021/09/29-(e)an

Etorkizuneko ikasgela marrazten

Zalantzarik gabe, espazioak asko baldintzatzen du gelako jarduna. Gure ikastetxeetako gelak ikasleek irakasleari entzuteko prestatuta daude orokorrean, baina, bada hori aldatzeko asmoa duen proeikturik. Future Classroom Lab delakoaz hitz egingo dugu saio honetan. Lehenago ere landu genuen gaia Arrate Ugalde Zarauzko Orokieta eskolako irakaslearekin. Bera da Euskal Herrian gai honetan lanean dabilen adituetako bat.

Jantzi kaskoak eta adi!

Aipatutako baliabideak:

https://fcl.eun.org/

https://auladelfuturo.intef.es

🎧 Entzun podcasta

Jatorrizko edukira joan

ZuZeu Podcast | 10 minututan: 10 minututan gauza asko egin daitezke. Maite Goñik zuzentzen duen podcast honetan teknologia eta hezkuntza lotzen dituen hariari tirako diogu baina. Eskolan aplikatzeko trikimailu errazak, bogako aplikazioak edo azken joerak ekarriko ditugu mahai gainera. Ba al dituzu 10 minutu?

Podcastera harpidetu

2021/09/27-(e)an

Zalduneria mugan

Biden presidenteak deitoratu berri du Texas eta Mexiko bitarteko mugan oraindik orain jazotakoa, non goardiak zaldi gainean ibili diren, lauhazka, errefuxiatuak harrapatzen. Haitiko goseak eta ezegonkortasunak bultzatuta Estatu Batuetan sartu nahi zutenak, hain zuzen. Karibeko jendea zaldiekin ehizatze horrek esklabutzako garairik latzenak gogora ekarri ditu Estatu Batuetan, eta askori eta askori jasangaitzak egin zaizkie irudiok. Kontuaren larritasunaz ohartuta, presidenteak salatu egin du goardien jokaera eta zigorrak agindu ditu horretan ibili zirenei. Gainera, esan du Haititik zetorren giza-olde horretako batzuk, milaka pertsona, dagoeneko Estatu Batuetan daudela, eta bizitzen geratzeko paperak bideratu dituztela.

🎧 Entzun podcasta

Jatorrizko edukira joan

Berria | New Yorkeko munduak: Euskaldunon egunkarian eta Berrian aritu nintzen astero zutabeak idazten. Zutabeak niretzako halako memoria-kutxa txikiak ziren. Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar.

Podcastera harpidetu

2021/09/27-(e)an

Xabildua 2×03: Europako kargagailu unibertsal berria!

– Europako Batzordeak hala onartuta, telefono eta tabletetan USB-C kargagailua erabili beharko da 2024. urterako. Apple etxearentzat kolpe gogorra, ez ordea gainontzekoentzat.

– Nintendo Direct aurkezpena ere gertutik jarraitu dugu. Datozen hilabeteetan merkaturatuko diren jokoak ikusi ditugu.

– Phishinga ere protagonista gaurkoan. WhatsAppeko segurtasun kopiak egiteko emailak amu bezala erabiltzen ari dira gure datuak eskuratu ahal izateko.

– Ez da kriptotxanponentzako momenturik onena. Txinak guztiz blokeatu baititu bere mugen barruan, eta honek eragina izan du mundu zabalean.

🎧 Entzun podcasta

Jatorrizko edukira joan

Xabildua Podcast: Teknologia albisteen astekaria. Egunero, esku artean erabiltzen dugun teknologia hori hobeto ulertzeko podcasta.

Podcastera harpidetu

2021/09/26-(e)an

25. fotograma Irailak 25, Zinemaldiaren errepasoa

Sarien zein Zinemaldiaren inguruko errepasoa egiteko bildu dira Uxue Arzelus, Urtzi Urkizu, Mikel Zumeta eta Ane Eslava 25. fotograma-ren azken saioan.

🎧 Entzun podcasta

Jatorrizko edukira joan

Berria | 25. fotograma: Donostiako Zinemaldiari 25. fotograma jarriko dio Berriak. Elkarrizketak, filmen kritikak, soinu bandak, Kursaaleko zubitik kontatutako kronikak, sari banaketa… Irailaren 17tik 25era, 19:00etan.

Podcastera harpidetu

2021/09/24-(e)an

25. fotograma Irailak 24

Bihar amaituko da Donostiako 69. Zinemaldia, eta gaur atzera begiratzen eta balorazioak egiten hasi gara. Mikel Zumeta kritikariak Sail Ofizialaren inguruko begirada panoramikoa eskaini digu, eta lehenengo apustuak egin ditu. Uxue Arzelusek, berriz, Perlak saileko pelikula bat aztertu du, eta Culinary Cinemako beste bat.

Lehen Planoan Maru Solores zinemagilea izan dugu, haurdunaldiak, erditzeak eta bizitzaren lehen egunek haurrengan izan dezaketen eragina aztertzen duen ‘Aztarnak’ filma erakutsiko baitu Zinemira sailaren itxieran.

Azkenik, Urtzi Urkizu kazetariak zutabea ekarri digu Kursaaleko zubitik.

Hau izan da Kursaaletik egin dugun azken podcasta; biharkoa Berria-ren erredakziotik egingo dugu. Itxiera gala jarraituko dugu, eta bukatzerakoan, laburpena eta balorazioak partekatuko ditugu.

🎧 Entzun podcasta

Jatorrizko edukira joan

Podcastera harpidetu

2021/09/24-(e)an

Irlandako urrearen gatazka: hemen dira meategi berriak Europako lurrak harrotzen

Munduko Bankuak kalkulatua du lurrari 3.000 milioi tona mineral atera beharko zaizkiola klimaren aldaketari aurre egiteko beharrezko diren energia eta teknologia ‘berdeak’ nagusitzeko trantsizioan. Mineral meta horren bilaketak Mendebalde aberatseko herritarroi ere badakarkigu nobedadea: orain hemen ere lehentasuna hartu du meatzaritzak. Irlandako urre meategiek erakusten digute nola datorren gatazka.

🎧 Entzun podcasta

Jatorrizko edukira joan

ARGIAren podcastak: ARGIAk astero kaleratuko ditu podcastak astekarian lantzen diren gaien inguruan.

Podcastera harpidetu

2021/09/23-(e)an

25. fotograma Irailak 23

Zinemaldiaren zazpigarren egunean, tarte bat hartu dugu aurtengo filmei eta Zinemaldiaren zenbait erabakiri ikuspegi feministatik heltzeko, Amaia Garcia zinema kritikariarekin.

Lehen Planoan, Aitor Merino izan dugu. Bere familiaren erretratu pertsonal bat egin du ‘Fantasía’ filmean, eta xehetasun gehiago eman dizkigu.

Uxue Arzelus kritikariak Perlak ataleko bi film aztertu ditu: Sean Bakeren ‘Red Rocket’ eta Jane Campionen ‘The power of the dog’.

Urtzi Urkizuk bere zutabea ekarri du Kursaaleko zubitik, cowboy kapela jantzita.

🎧 Entzun podcasta

Jatorrizko edukira joan

Podcastera harpidetu

2021/09/22-(e)an

25. fotograma Irailak 22

Johnny Depp aktore estatubatuarrak bigarren Donostia saria jasoko du gaur. Polemikaz betetako sari bat da, aktorearen bikotekide ohiak tratu txarrak egitea egotzi ziolako. Deppen hitzak jaso ditugu, baina baita (H)emen elkarteak gai horren eta beste batzuen inguruan adierazitakoak ere.

Gaur estreinatuko dute Zinemira sailean Maider Oleagaren ‘Kuartk Valley’ dokumentala. Baliabiderik gabe, baina ilusioz, beren kabuz lehen euskal westerna sortu zuten bi lagunen istorioa jasotzen du. Zinemagilea elkarrizketatu dugu Lehen Planoan.

Mikel Zumetak ‘Enquete sur un Scandale d’Etat’ eta ‘Quién lo impide’ filmen kritikak egin ditu, eta Uxue Arzelusek, berriz, ‘Fantasia’ eta ‘Amparo’.

Urtzi Urkizuk zutabea egin du Kursaaleko zubitik; soinuei eta zaratei erreparatu die.

🎧 Entzun podcasta

Jatorrizko edukira joan

Podcastera harpidetu

2021/09/22-(e)an

Kurtso hasiera, elkar ezagutzeko sasoia (II)

Ingelesez, Icebreakers; euskaraz, izotz apurtzaileak edo. Badakizu, norbait ondo ezagutzen ez duzunean, hasierako une deseroso horretan lagungarri gertatzen diren kontu horiek… Baina hezkuntzaren alorrean, beste esanahi bat dute. Gelan giro lasai bat sortzeko erabiltzen dira, ikasleak euren artean hobeto ezagutu daitezen edo lankidetzarako prestatzeko. Saio honetan, aurrekoaren segidan, jarduera batzuk proposatuko dizkizugu.

Jantzi kaskoak eta adi!

🎧 Entzun podcasta

Jatorrizko edukira joan

Podcastera harpidetu

2021/09/22-(e)an

Nora begira daude?

Hirugarrenez, bueltan da Berria FM, eta lehenengo atal honetan zinema industriara begira jarriko gara. Lara Izagirre zinema zuzendariarekin egin dugu elkarrizketa sakona. Nora filma zinema aretoetan estreinatu berri du, eta Hemen emakume zinemagileen elkarteko zuzendaria da. Ikuspegi horretatik aritu gara filmak egiteko moduez, zinema jaialdiez, emakumeen parte hartzeaz, eta beste.

🎧 Entzun podcasta

Jatorrizko edukira joan

Berria | Berria FM: BERRIA egunkariaren podcast feminista da Berria FM. Puri-purian dauden gaiei genero ikuspegitik heltzeko espazioa. Bi astetik behin, asteazkenetan patxadaz landuko dira gaiak, baina zorroztasunik ez zaio falta podcastari. Izan ere, saioa Maider Galardi F. Agirre kazetariak gidatuko badu ere, hainbat kolaboratzailek eta BERRIAko beste zenbait langilek ere parte hartuko dute bertan. Ahots askotako podcast feminista, horixe da Berria FM.