maiatza 2019 – Podcastak.eus

2019/05/31-(e)an

#334 Tropela.eus podcastak: 2019ko Italiako Giroa errepasoak – 19. etapa

Esperotako gidoiari jarraiki, 2019ko Italiako Giroko 19. etapan ihesaldi bat osatu da eta garaipena bertako partaide izan den Chavesek (MTS) lortu du. 12 izan dira ihesaldian eta errenta 9 minututik gorakoa izanda, beraien artean jokatu dute etapa garaipena. Sailkapen nagusiari dagokionez Miguel Angel Lopez (AST) mugitu da eta segundo batzuk urratzeko aukera izan du, baina ez du sailkapen nagusian aldaketarik eragin. Carapazek (MOV) jarraitzen du lider.

Hau eta 19. etapak eman dezakeena kontatzen digu Egoitz Lizasok (@elizaso) podcast honetan.

🎧 Entzun podcasta

Jatorrizko edukira joan

Tropela podcastak: Tropela.eus webgune ezaguneko arduradunek txirrindularitzaren inguruan ekoizten dituzten podcastak. 2010an hasi ziren podcastak ekoizten eta egun 200 argitalpenetik gora dituzte.

Podcastera harpidetu

2019/05/312019/06/05-(e)an

S1-E10 – Bipareta: Nafarroako bozkaren bilakaera eta sorkuntza terapia gisa

Arrate Hernandezek zuzentzen duen Bipareta saioak bi horma ditu, eta bakoitzari gai batekin joko diogu. Lehen gaia ZuZeuko erredakzioak aukeratuko du eta bigarrena kanpoko erredakzio batetik ekarriko digute.

Lehen pareta: Nafarroako hauteskundeen biharamuna gogorra ari da izaten. Aldaketak ezin izango du aurreko legegintzaldiko formula errepikatu. Hala ere, hainbat irakurketa egin daitezke: Adibidez, bozkaren eboluzioa jo puntuan aztertzea. Zenbat aldatu da bozka azken hamarkadan? Juan Kruz Lakasta Euskalerria irratiko kazetariarekin hitz egin dugu hontaz eta hartaz.

Bigarren pareta: Andoni Mutiloa kazetaria izateaz gainera, sortzailea ere bada eta bere burua ahalduntzen dabil, sorkuntza bizitzaren erdigunean jarriz. ‘The Artists way‘ Julia Cameronen liburua ekarri du erredakziora sorkuntzak bizitzan duen eragina azpimarratzeko.

🎧 Entzun podcasta

Jatorrizko edukira joan

ZuZeu Podcast | Bipareta: Astero bi gai landuko dituen mahai-ingurua da Arrate Hernandezek zuzentzen duen Bipareta. ZuZeuko erredakzioak aukeratutako gai batekin joko diogu lehen hormari, eta bigarrenean kanpoko erredakzio batetik datorren kazetari gonbidatuak ekarriko du mintzagaia. Zu ere bi pareten artean sartzeko prest?

Podcastera harpidetu

2019/05/312019/06/05-(e)an

Assange Askatu

Julian Assange atxilotu dute Ekuadorko enbaxadan zegoela. Estatuaren baimenaz, asiloa kendu eta naziotasuna kentzeko prozesua abiatu dutela baliatuz. Enbaxada lurralde burujabe izanik, harrigarria izan da Scotland Yard enbaxadan sartu eta Assange atxilotzen ikustea. AEBek aspalditik zuten Assange atxilotzeko gogoa, eta Ekuadorko presidente aldaketak posible egin du azkenean hori gertatzea.

Programa osoa entzun hemen: Gramofonoa 01×05

🎧 Entzun podcasta

Jatorrizko edukira joan

Gramofonoa | etzi.pm: Etzi izan nahi duguna gaur eztabaidatzeko tresna Itsas nabigazioaren oinarrietako bat beti izan da aurreikuspenak egin eta ezezagunak diren itsas bideetan barrena nabigatzea, batzuetan aberastasunak, lurralde edo bide berriak aurkitu asmoz eta beste askotan ezezaguna zaigun horretan etorkizun hobeak bilatu eta eraikitzeko. Gaur egun ordea, dena ezaguna dela iruditzen zaigun garai hauetan, zeinetan batzuk ia historiaren amaiera aldarrikatu duten, etorkizun hobe edo ezberdinen bila ekiteko grina lausotu zaigu, eta horrekin batera etorkizuna helburu, aurreikuspenak egiteko gaitasuna. etzi.pm etorkizunak eraikitzeko bidean nabigatzeko tresna izateko asmoarekin jaio zen eta gramofonoa, teknologia eta jendarte gaiak uztartuz, etorkizun horiek hedatzeko.

Podcastera harpidetu

2019/05/30-(e)an

#333 Tropela.eus podcastak: 2019ko Italiako Giroa errepasoak – 18. etapa

2019ko Italiako Giroko 18. etapak esprintean amaitu behar zuela zirudien, eta hala pentsa arazi gaitzake sailkapenari begiratzen badiogu. Baina etapa honetan ihesaldia esprinterrei eta beren taldeei gailendu zaie. Cimak (NIP) lortu du etapa garaipena ihesaldiko hirukotea Denz (ALM) eta Maestrirekin (BRD) osatu duenak. Tropel nagusian Ackermann (BOH) izan da azkarrena. Etapa garaipenak ihes egin badio ere, behintzat erregulartasunaren maillota berreskuratu du. Gainontzeko sailkapenetan aldaketarik ez eta Carapazek (MOV) jarraitzen du lider.

Hau eta gehiago kontatzen digu Egoitz Lizasok (@elizaso) podcast honetan.

🎧 Entzun podcasta

Jatorrizko edukira joan

Podcastera harpidetu

2019/05/30-(e)an

#332 Tropela.eus podcastak: 2019ko Italiako Giroa errepasoak – 17. etapa

2019ko Italiako Giroko 17. etapan berriro ere protagonista etapa ehiztariak izan dira. 30 bat laguneko ihesaldia eta bertan indartsuena Peters (ALM) frantziarra izan da. Atzetik Chaves (MTS) eta Formolo (BOH) iheskideak helmugaratu dira. Sailkapen nagusikoen arteko erasoak azken igoeran izan dira Movistarrekoen eskutik. Lehenik Mikel Landak (MOV) egin du aurrera eta atzetik Carapaz (MOV) eta Miguel Angel Lopez (AST) izan ditu. Atzerago Nibali (TBM) eta Roglicen (TJV) tropeltxoa.

Hau eta 18. etapak eman dezakeena Egoitz Lizasok (@elizaso) kontatzen digu podcast honetan.

🎧 Entzun podcasta

Jatorrizko edukira joan

Podcastera harpidetu

2019/05/292019/06/05-(e)an

S1-E10 – Podcastak hezkuntzan

Podcastak modan daude. Ez da bazterretara begiratu besterik egin behar konturatzeko jende guztiak dituela ahotan. Podcast bat zer den dagoeneko azaldu genuen kapitulu pilotuan, baina, errepaso bat emango diogu. Eta urrunago joango gara, podcastak hezkuntzan nola erabili ditzakegun azaltzeko. 10 minututan, Maite Goñirekin.

Erreferentziak:
Ediziorako softwareak,
Audacity
Garage Band (Mac)
Reaper

Hostak,
Buzzsprout
Libsyn

Distribuzio plataformak,
Apple Podcasts (iOS bakarrik)
Spotify (Android edo iOS)
Google Podcasts
Pocket Casts (Android edo iOS)
Overcast ( iOS)
Stitcher (Android edo iOS)
iVoox (Android edo iOS)

Informazio gehiago: Podcast.eus

—
Kevin MacLeod artistaren Frost Waltz abestia Creative Commons Attribution lizentziaren menpekoa da (https://creativecommons.org/licenses/by/4.0/)

Iturburua: http://incompetech.com/music/royalty-free/index.html?isrc=USUAN1100516

Artista: http://incompetech.com/

🎧 Entzun podcasta

Jatorrizko edukira joan

ZuZeu Podcast | 10 minututan: 10 minututan gauza asko egin daitezke. Maite Goñik zuzentzen duen podcast honetan teknologia eta hezkuntza lotzen dituen hariari tirako diogu baina. Eskolan aplikatzeko trikimailu errazak, bogako aplikazioak edo azken joerak ekarriko ditugu mahai gainera. Ba al dituzu 10 minutu?

Podcastera harpidetu

2019/05/29-(e)an

#331 Tropela.eus podcastak: 2019ko Italiako Giroa errepasoak – 16. etapa

Azken astean sartuta, 2019ko Italiako Giroko 16. etapan Mortirolo igo beharra izan du tropelak. Ihesaldiak etapa honetan bere bidea egin du eta Cicconek (TFS), aurtengo Giroko protagonistetako batek, mendiko puntuak zakuratzeaz gain, etapa garaipena lortu du Hirtekin (AST) helmugaratuta. Faboritoen artean indartsuenak Movistarreko Carapaz (MOV) eta Mikel Landa (MOV), Bahreineko Nibali (TBM), Education Firsteko Carthy (EF1) eta Dombrowski (EF1), eta zertxobait atzeratuago helmugaratu bada ere, Miguel Angel Lopez (AST) izan dira. Roglicek (TJV) 1’22” galdu ditu faboritoekiko Mollema (TFS) eta Yatesekin (MTS) batera.

Hau guztia eta 17. etapak eman dezakeena Iban Perezek (@piban) kontatzen digu podcast honetan.

🎧 Entzun podcasta

Jatorrizko edukira joan

Podcastera harpidetu

2019/05/282019/11/10-(e)an

Baskonia Zainetan 1×16

Aste honetako irratsaioa dagoeneko entzungai. Lauko finalaren oihartzunak atzean utzita, ACB Ligan ikusmira jarri dugu. Liga erregularra bukatuta, Baskoniak hirugarren bukatu du eta Zaragozaren aurka jokatuko du lehenengo playoffa. Hori aztertzeko Urbixekin hitz egin dugu. Nola ikusten du berak kanporaketa?
Urrezko Leb Ligako Lauko finala ere izan dugu hizpide. Asteburu honetan Bilbao Basketek ACB Ligara itzultzeko aukera izango du, baina horretarako Melillari irabazi beharko dio eta hori guztia aztertzeko Igor Mintegiarekin hitz egin dugu.

🎧 Entzun podcasta

Jatorrizko edukira joan

Baskonia zainetan: Saskibaloia Euskaraz bizi nahi? Saskibaloia oro ar, Baskonia, Araski eta Araberri buruzko podcasta.

Podcastera harpidetu

2019/05/272019/06/05-(e)an

Podcastak berriro

Duela hamalau urte sortu nuen lehen podcast-a. Garai horretan etxetik irratsaio moduko bat egin, eta harpidetzeko aukera ematea zegoenik zaila zirudien. Garairako balentria zena, orain ohiko izan beharko luke. Beste hizkuntzatako batzuetan horrela bada ere, gurean ez da hainbeste, baina badira optimista izateko arrazoiak.

Programa osoa entzun hemen: Gramofonoa 01×05

🎧 Entzun podcasta

Jatorrizko edukira joan

Podcastera harpidetu

2019/05/272019/06/05-(e)an

#9 – Eneko Sagardoy – Pantailan handia, bizitzan erraldoia

Bilbon bizitzen 2 hilabete baino ez daramatza Eneko Sagardoy–k (Durango, 1994). HBO ekoizten ari den ‘Patria‘ telesailak ekarri du Madrildik Euskal Herrira. Fernando Arambururen eleberria egongelako mahai gainean du, beste hainbat irakurgairekin batera, eta lanpetuta bizi da azken aldian. Ez da gutxiagorako, izan ere, ‘Handia’ filma egin eta Goya saria irabazi ostean modako aktorea bihurtu da. Telesailak eta pelikulak ikustea bere lanaren zati da, bertako giro eta keinuak arretaz begiratzea, pertsonaia berrien osagaien bila. Kontuz, pantailan erraldoia badirudi ere, aurrez aurre askoz ere handiagoa da.

Support the show

🎧 Entzun podcasta

Jatorrizko edukira joan

ZuZeu Podcast | Barruan Gaude: Elkarrizketa podcasta, baina, ez edonolakoa. Astero astero Oier Aranzabalek pertsonaia baten etxera sartuko gaitu, berarekin solasean jardun eta istorio berriak kontatzeko. Sortzaileak, musikariak, aurkezleak eta zerbait interesgarria esateko daukan oro.